قصه عاشها قلبين <<<جنااااااان

مشى نايف مسرع حيل وصل ماجد بيتهم وهو نازل إلتفت لنايف...
ماجد:متأكد إن مابينك وبينه شي؟؟
نايف إرتبك شوي:ها..لالا مابينا شي دونت ووري
ماجد إبتسم:أوكي باي
نايف:باي
نزل ماجد...
نايف:أقوله..........لالا ماجد اكيد بعصب صاحبي وأعرفه.........بنشوف بعد مانفتح الموقع إيش بصير(تنهد)الله يستر
وصل بيتهم دخل نايف ورمى الشنطه وراشد كان نازل..نايف يطق صبع ويغني...
نايف:سهرتنا لليله خلوها صباحي...
راشد يغني مع نايف...
راشد:ويش رايك الليله نسهر سهر ثاني......
نايف:أوكي موافق
راشد يسلم على نايف:مبروك عليك يوم الأربعاء
نايف:الله يبارك فيك
راشد ونايف يضحكون بصوت عالي ويغنون...إلا ويجي بوراشد وهو معصب منهم...
بوراشد:خير إنشالله ليه هالصريخ؟؟
راشد:ها..هلا يبه
نايف:إيه..هلا هلا
بوراشد:ليه الصريخ صاحيين انتوا؟؟
راشد:أنا أدري عن ولدك دخل وهو يصارخ بروحه أقوله إسكت موب راضي
نايف:لاياشيخ أنا ولاانت
راشد:انت
نايف:لاانت
وتهاوشوا...
بوراشد يصارخ:هه انتوا إيش فيكم دايم اهواش بس انت وياه
راشد ونايف بصوت برئ ماكأنهم مسويين شي:سوري
بوراشد:وين أصرفها هذي سوري
نايف:يبه بنك الرياض فاتح تبيني أوصلك
راشد:ههههههههههههههههههههههههههههههههه
بوراشد:بجد باايخ إقلب وجهك غرفتك
نايف وهو يرفع شنطته:أوكي داد بس لاتعصب اليوم الأربعاء
بوراشد:تراك بليتنا بيوم الأربعاء اليوم الأربعاء وبكره الخميس خير إنشالله
نايف:لا يبه يوم الأربعاء غير هذا اليوم.........................أقول باي
راح نايف وبوراشد يطالع راشد بهزئه بس أنقذه جواله إلي دق...
راشد:عن إذنك يبه
بوراشد:حسبي الله عليكم من عيال بتجننوني
كانت بيان جالسه في الصاله مع مساعد ويدق التلفون بيان كانت نايمه على الكنبه...
بيان بصوت نايم:مساعدوه رد على التلفون
مساعد:سوري
بيان:يالله عاد تعبانه
مساعد:قلت لك سوري
بيان قامت وهي معصبه...
بيان:يادب...............آلو
حلا تصارخ بفرح:هااااااااااااااااااااااي بيانووووه
بيان:بسم الله هااايات ليه تصارخين؟؟
حلا:بقول بس بشرط
بيان:إيش؟؟
حلا:تعزميني على عشا
بيان:أوكي ......... إيش صاير؟؟
حلا:قولي من بيجي الرياض بالأصح السعوديه
بيان:من؟؟
حلا تصارخ:وجدااااااااااااااااااااااااااااااااااااااااا اان
بيان تصارخ مع حلا:وررررررررررررررربك كذابه متى؟؟
حلا:مدري يمكن بكره ويمكن إلي بعده
بيان:وأخيراً بنشوفها الغبيه وانت من قالك؟؟
حلا:رسلت لي على الإميل...........وين بتعشيني؟؟
بيان:كل واحد يتعشى في بيته يالله قلبي وجهك
حلا بحزن:بياااااااااااااااانوه تأدبي تعشيني يعني تعشيني
بيان:أمزح بعشيك أووووووووووف.....إيش رايك نتعشى في بيتنا كل هم بيطلعون الليل؟؟
حلا:اممممممممممممم أوكي أشوفك الليل باي
بيان:باي
مساعد:ليه تصارخين؟؟
بيان:صاحبتي بكره بتجي السعوديه
مساعد:ليه هي وين كانت؟؟
بيان:بدبـــــــــــــــــي
مساعد وهو قايم:عشان كذا تصارخين بجد بياخه
بيان:الشره على الغبيه إلي قالت لك مغرووووووووووور
(بنوقف لحظه عند وجدان......وجدان شخصيه جديده صاحبة بيان وحلا الروح بالروح بس من قبل سنه ظروف شغل إبوها خلتهم يسكنون بدبي والآن بيرجعون وجدان بنت تعجز من كثر ماتقول إنها قمر أخلاق وذوق وملامحها جداً جذابه وبالذات عيونها)...

من هذي الشخصيه الجديده(وجدان)؟؟

إيش مصير علاقة عبدالعزيز والجازي؟؟

فهد ونايف بيفتحون الموقع ولا لأ وكيف بتكون ردة فعل نايف؟؟

أبي توقوعاتكم عشان انزل الجزء 9

الجــــــــــــــــزء التاسع

يوم الأربعاء في الليل كان فهد مع نايف في بيتهم جالسين بمجلس الرجال ويشتغلون على الموقع يضيفون التعديلات الأخيره عليه...
فهد:طيب ألحين دورك تجيب صور البنات
في ذا الوقت دخل راشد وسمع كلام فهد وقف مستغرب من كلام فهد...
راشد رافع حاجب:صور بنات....أي صور إيش القصه؟؟
نايف إرتبك كثير وماعرف إيش يقول ولاحظ فهد عليه ارتباكه فحاول يدارك الموضوع...
فهد:لا بس أقول لنايف عن موقع بالنت
راشد:أهاااااااااااااااااا طيب انت إيش فيك ارتبكت؟؟
نايف:ها..لاولاشي بس كنت أبي أروح الحمام
راشد:طيب من ماسكك ...............(يطالع فهد) ماعرفتنا؟؟
نايف:هذا فهد صاحبي
راشد:هلا والله
فهد:هلا فيك
نايف:ماراح تطلع موب انت قلت بتطلع؟؟
راشد:إلا بس السياره مدري إيش فيها موب راضيه تشتغل ابي سيارتك
نايف:لا ياعيوني
راشد:يالله يانايف دام النفس عليك طيبه جيبها
نايف:سوري رخيص والطلب غالي
راشد:نايفوه بسرعه مستعجل
نايف:وإذا سويت فيها شي
راشد:إيش بسوي فيها من زينها عاد
نايف وهو قايم:لحظه ياحمار
راشد ضرب نايف:تأدب
راح نايف يجيب مفتاح السياره...
راشد:كيفك فهد؟؟
فهد:تمام الحمدلله.........انت كيفك مع الجامعه؟؟
راشد:ماشي الحال
جى نايف وعطى راشد السويتش...
نايف:انتبه لها تراها أغلى منك........................... طيب وين وصلنا؟؟
فهد:خلاص افتحه؟؟
نايف تنهد:أوكي
وبعد فتره إنشهر الموقع وصار حديث الشباب كبير وصغير وتغير راي نايف في الموضوع وتشجع إنه يطور الموقع أكثر وأكثر وغير كذا شكاوي أهالي البنات أصحاب الصور زادت...
وللمغرب قريب الأذان كانت بيان جالسه بغرفتها ودق جوالها...
بيان تصارخ:هلاااااااااااااااااااااااااا وجداااااااااااااااااااااااااااااااااااااااان
وجدان:هلا حبيبتي كيفك؟؟
بيان:وحشتيني حيييييييييييييييييييييييييييييييييييييييل
وجدان:وأنا كمان والله مشتاقه لكم
بيان:موب قلتي راح تجين الإسبوع إلي راح
وجدان:سوري ياقلبي بس والله الوالده تعبت شوي واطرينا نأجل
بيان:سلاماتها ماتشوف شر طيب متى بترجعون؟؟
وجدان:أنا بالرياض
بيان:صــــــــــــــــدق وليه ماكلمتي؟؟
وجدان:حبيت اسويها مفاجأه المهم العشا اليوم عندي ولا تقولي مقدر
بيان:طيب خلاص وحنا نقدر عليك
وجدان:يالله اشوفك الليل....وشوفي حلا أنا كلمتها قبل شوي بس ماحصلتها
بيان:أوكي ولايهمك باي .............كلمت بيان حلا ورفع لها عزام.

عزام:آلو
بيان:هلا عزام
عزام:ياهلا والله بيانوه انت وينك مانشوفك
بيان:أنا ولا انت..............المهم كيفك؟؟
عزام:بخير وانتي؟؟
بيان:تمام.......وينها حلا؟؟
عزام:لحظه.................حلا حلاااااااااااااااااااا وجع
حلا طلعت من المطبخ وفي يدها كيس شيبس كبير...
عزام:ووووووواااااااااااااااااااااووووووووووو إيش هذا يعني كل واحد وحجمه؟؟
حلا:هههههههههههه بايخ إيش تبي؟؟
عزام:بيان على التلفون
حلا:عطني التلفون واقلب وجهك
عطى عزام حلا التلفون وأخذ الشيبس وكته عليها...
حلا تصارخ:ووووووووجع ياغبببببببببببببببببببببببيييييييييي
عزام وهو طالع لغرفته:يوجعك يادبه
حلا:هلا بيانوه
بيان:ووووووووووووينك انت ساعه على ماتردين
حلا:سووري بس تعرفين سخافة ولد عمك
بيان:وجداااااااااااااااان رجعت الرياض
حلا:وووووووربك متى؟؟
بيان:مدري يمكن البارح هي دقت علي قبل شوي وقالت إن العشا اليوم عندها
حلا:بجد والله اوكي الليل تعالي بيتنا ونروح سوى
بيان:أوكي بس قولي لأشواق أوكي
حلا:خلاص أوكي باي
بيان:باي
أما عبدالعزيز فكان بغرفته يحاول يكذب إحساسه بس للأسف قلبه تغلب على عقله...
عبدالعزيز:تعباااان ياربي ليه الجازي موب راضيه تروح عن بالي ماخذه تفكيري طول الوقت وحشتني عيونها ولمست يدها الناعمه.............لالا موب معقوله احبها
سمع أذآن المغرب تنهد وقااااااااام عشان يصلي إلا ويدخل ابوه...
عبدالعزيز:يبه
بوعبدالعزيز:إيش فيك اخترعت؟؟
عبدالعزيز:لا لا عادي تفضل
بوعبدالعزيز:لالا انا بروح المسجد بس قلت أسألك إذا تبي تروح معاي
عبدالعزيز:أوكي ليه لأ
بوعبدالعزيز:طيب غير ملابس ولا طول انا انتظرك تحت
عبدالعزيز:أوكي ماراح اطول
بعد أذآن العشا لبست بيان ملابسها وتجهزت وهي تعدل شعرها دق جوالها...
بيان:هلا حلا
حلا:وينك انت طولتي؟؟
بيان:طيب خلصت جات أشواق؟؟
حلا:الحين بتجي
بيان:خلاص اوكي والهنوف بعد الحين بتجي ماراح نطول
حلا:اوكي انتظركم باي
بيان:باي
دخلت الخدامه غرفة بيان...
الخدامه:بيان الهنوف تحت تنتظرك
بيان:اوكي انا نازله الحين
الهنوف كانت جالسه بالصاله مع ام عبدالعزيز...
ام عبدالعزيز:ها حبيبتي شخبارك؟؟
الهنوف:بخير خالتي
سمعت الهنوف صوت احد نازل على الدرج شافته وقلبها صار ينبض بقوه حست بشعور غريب عيونها شافته وماتحركت عنه كان بغاية الجمال والوسامه لابس ثوب مخصر عليه ومطلع وسامته وكبوس نزل الصاله...

مساعد:مرحبا
ام عبدالعزيز والهنوف:هلا
مساعد:يمه وينه عبدالعزيز؟؟
ام عبدالعزيز:راح مع ابوك المسجد............. انت طالع؟؟
مساعد:أيوى بعد شوي
الهنوف بخاطرها:ياررررررررررررررربي على الجمال كل يوم أشوفه أحلى من إلي قبله ياريته بس يحس بقلبي
راح مساعد ونزلت بيان وسلمت على الهنوف...
الهنوف:خالتي لازم تبخرين بنتك لايحسدونها
ام عبدالعزيز:هههههههههههههه أبخركم ثنتينكم والله كل وحده أحلى من الثانيه
بيان:ههههههههههههههههههههه يمه وين السايق؟؟
ام عبدالعزيز:السايق عنده شغل موصيه ابوك يروح مكان خلي مساعد يوصلكم
الهنوف من سمعت إن مساعد بوصلهم رجف قلبها...
بيان:مساااااعد مستحيل يرضى
ام عبدالعزيز:أنا أقوله......................مسااااااااعد مساااااااعد يمه تعال
مساعد:هلا يمه
ام عبدالعزيز:يمه مساعد وصل بيان والهنوف بيت عمك بومشعل
مساعد:لااااااااه أنا أوصلهم ليه وينه السايق؟؟
ام عبدالعزيز:موب هنا دقايق وصلهم وتعال
مساعد:ىسف يمه معندي وقت
أم عبدالعزيز:يعني بترفض طلب امك
مساعد:يالله..أوكي
بيان:فديته والله أخوي الغالي
طلع مساعد وركب مساعد السياره وبيان جنبه والهنوف وراهم....مشى بسرعه خياليه.....الهنوف إلي طول الوقت مارفعت عينها من عليه وهو موب منتبه لها ولا يطالعها...
بيان:مساعد حبيبي ممكن تخفف السرعه؟؟
مساعد:مقدر
بيان:مساعد بليز سرعتك موب طبيعيه
مساعد:محد قالك تقولين لي أوصلكم
بيان:أووووف ياخي ذليتنا بهالتوصيله..........(تطالع الهنوف)إيش فيك ساكته؟؟
الهنوف مبتسمه:إيش أقول؟؟
بيان تبي تعاند الهنوف:أول مره أشوفك ساكته كذا ولا مستحيه من مساعد
الهنوف تطالع بيان وهي معصبه منها...
مساعد بمسخره:مقدر على الخجل
دق جوال مساعد وكان المتصل فيصل...
مساعد:هلا فيصلوه
مساعد:هلا................مساعدوه انا أول مره ادري إن معندك ذوووق
مساعد:نعم ليه؟؟
فيصل:لابس يقولون اليوم عيدميلادي
مساعد يصارخ:اووووووه سوري والله نسيت
فيصل:ماراح أقبل أسفك إلا لما تجيب الهديه خخخخخخخخخخخ
مساعد:ههههههههههههههههههههههههههههههه ولايهمك كم فيصلوه عندي
فيصل:هههههههههههههههههههههههههه
مساعد:خلاص بعد شوي بمر عليك ونطلع أوكي
فيصل:أوكي سي يو
مساعد:سي يو

وصلوا بيان والهنوف وأول مانزلوا ومشى مساعد ضربت الهنوف بيان...
بيان:آآآآآآآآآآآآآآآآآآووووووووووووووو
الهنوف:وجع إنشالله أحرجتيني ياغبيه
بيان:هههههههههههههههههههههههههههههههههه
الهنوف:ياربي قممممممممممر بعذبني هالولد
بيان:الله يعينك
دخلوا بيان والهنوف وسلموا على حلا وجلسوا بالصاله يسلفون وينتظرون اشواق...عزام كان واقف عند شباك غرفته وشوي وتجي سياره وقفت عند باب بيتهم ونزلت منها بنت وقف قلب عزام من شافها شوي ويصارخ حسها جذبت عيونه لها وماتحركت جلس يراقبها لين دخلت...
عزام:من انتي يالي تعذبي قلبي كل يوم لازم اعرفك انا ماتحمل اكثر من كذا
حلا:هلااااااااااااا اخيراً وصلتي؟؟
أشواق:سوري على التأخير
بيان:إتز اوكي يالله نمشي
أشواق:يالله السايق ينتظر
طلعوا البنات وركبوا السياره ووصلوا بيت وجدان...دقوا الجرس وفتحت لهم وجدان دخلت حلا وضمتها بقوه وهي تبكي وجدان حاولت تمسك دموعها عشان لايقلبوها حزن وبكي سلمت على أشواق والهنوف بشوق ولهفه دخلت بيان وأول ماشافتها وجدان رمت نفسها عليها وطاحت دموعها إلي ماقدرت تمسكها من شافت بيان(أشواق علاقتها مع بيان أقوى من حلا والهنوف وأشواق وجدان وبيان يفهمون بعض اكثر وعلاقتهم قويه)...
بيان:وحشتيني يالغاليه
وجدان:وانت اكثر ياقلبي
بيان:كيفك وشخبارك يالقاطعه؟؟
وجدان:هههههههههههههه على حالي ...........تفضلوا
دخلوا وكانوا البنات مجتمعين سلموا عليهم وجلسوا معاهم...
حلا:يالله وجدان كلمينا عن دبي؟؟
وصل مساعد بيت فيصل وقف ودق هرن ولاطلع فيصل دق على جواله ومارد ورجع يدق هرنات لين طلع فيصل وركب السياره...
مساعد:ووينك انت؟؟
فيصل:سوري بس قاعد أتهاوش مع الخدامه
مساعد:ههههههههههههههههههههههه الخدامه؟؟
فيصل:ههههههههههههههههه وين بنروح؟؟
مساعد:بعشيك بمطعم تموت عليه
فيصل يصارخ:بيـــــــــــــــــــــــــــتزااااااااااااا اااااا هااااااااااااااااااااااات
مساعد:ههههههههههههههههههههههههه إيوى
وصلوا المطعم وجلسوا على الطاوله...
مساعد:كل عام وانت بخير
فيصل يبتسم:وانت بخير
دق جوال مساعد طالع الرقم ومارد عليه...
فيصل:ليه ماترد؟؟
مساعد:هذي البنت إلي قلت لك عنها
فيصل:هي بعدها تدق عليك؟؟
مساعد:يــــس
فيصل:شكلها تحبك بجد مساعدوه
مساعد:وانا ماأحبها إيش أسوي لها
فيصل:رد عليها وقول لها لاتدق عليك مره ثانيه وانك مستحيل تحبها
مساعد:قلت لها لاتحط أمل إني أحبها بس مافي فايده..............المهم خلنا منها إيش تبي تاكل؟؟
فيصل يحط المنيو على الطاوله:كالعاده
مساعد:لا اليوم لازم تغير طلبك...........بطلب لك على ذوقي؟؟
فيصل:اوكي
طلب مساعد وجلس يسولف مع فيصل وشوي ويدق جواله...
مساعد:يالله وبعدين معاها
فيصل:رد عليها شوف إيش تبي
مساعد:هلا
وجد:هلا ليه ماترد؟؟
مياعد:لابس ماكان عندي الجوال
فيصل بصوت خفيف:ياكبرها عندالله ليه تكذب
مساعد ضرب رجله برجل فيصل عشان يسكت
فيصل بصوت خفيف:أوكي لاتطقني
مساعد:خير في شي؟؟
وجد:لابس وحشني صوتك

مساعد:أهااااااااا عشان كذا داقه
وجد:أممممممممممممممممم وعشان اقولك احبــــــــــــــــــــــــــــك
ماعد سكت شوي:طيب وجد وين اول مره شفتيني؟؟
وجد:في بيتكم
مساعد:أهاااااااااا يعني انتي تقربين لي؟؟
وجد:إذا قلت لك اقرب لك بتصدق كلامي؟؟
مساعد:ومن قالك موب مصدق بس ابي اعرف لو تقربين لي بتقدرين تدخلين بيتنا كذا مره مثل ماتقولين
وجد:ويمكن مااقرب لك بس صاحبة بيان وكذا اقدر ادخل بيتكمواشوفك
مساعد:وتعرفين بيان كمان
وجد:وعبدالعزيز
فيصل ضرب مساعد على يده عشان يسكره...
مساعد:اوكي وجد اكلمك بعدين باي
فيصل:لا ليه سكرته بدري
مساعد:والله غريبه هالبنت
فيصل:طيب ليه ماتسال اختك عنها؟؟
مساعد:لا أنا إلي راح اعرفها وإذا هي ذكيه أنا اذكى
فيصل:تعجبني يالثقيل
مساعد يغمز لفيصل:على بالك صاحبك قليل
تعشوا وجلسوا شوي ووصل مساعد فيصل بيتهم وهو رجع بيتهم وفي بيت وجدان بعد العشا...
بيان:طيب وجدان بتروحين المدرسه بكره؟؟
وجدان:اكيد........إلا ماقلتوا لي بعدها المشرفه الغبيه موجوده؟؟
اشواق:هههههههههههههههههههه إيوى تذكرين لما طاحت هذيك المره؟؟
الكل يضحك... وجدان:هههههههههههههههههههههههههههههههههههههههههههه هههههههههههههههههههه تفشلت مسكينه
كملوا سهرتهم بالسوالف والضحك...
حلا تكلم بيان:يالله شوفي السايق؟؟
وجدان:ليه بدري
بيان:لا ورانا مدرسه بكره
الهنوف:وبعدين بتملين منا
وجدان:لاااااااااا انا ماصدقت على الله اشوفكم عشان امل منكم
بيان:خلاص بكره نشوفك بالمدرسه ونكمل السوالف
حلا:عاد هالسوالف تخلص
كلموا السايق ورجعوا بيوتهم.....نايف كان مع فهد يشتغلون على الموقع طالع الساعه...
نايف يصفر:الوقت تأخر يالله انا برجع البيت
فهد:ليه اجلس شوي
نايف:لا مقدر اشوفك بكره باي
فهد:باي
ركب نايف السياره...
نايف:ماظنيت الموقع بينشهر كذا صدق فهد الشغله وناسه ......بس الله يستر من شكاوي الأهالي
وصل بيتهم وكان راشد في الصاله ينتظره...
راشد:الحمدلله على السلامه
نايف:الله يسلمك
راشد:انت ووين كنت؟؟
نايف:ومن انت عشان تسألني؟؟
راشد ماسك عصبيته:نعععععععم
نايف:قصدي انا جاهل عشان تسالني وين كنت
راشد:لا بس مراهق طايش
نايف بعصبيه:احترم نفسك
راشد:لاتغير الموضوع وين كنت؟؟
نايف:مع فهد
راشد:اشوف طلعاتك زايده مع فهد
نايف:إيش حتى طلعاتي مع ربعي بتدخل فيها
راشد:تكلم بأدب ياولد انا اخوك الكبير
نايف:انا نعسان وابي انام تصبح على خير
راشد:الله يستر منك يانايفوه
ومن جهه ثانيه كان نايم على سريره ودق جواله ورفعه...
الطرف الأول:هلا قلبي
الطرف الثاني:هلا حبيبي وحشتني حيـــــــــــــل
الطرف الأول:وانتي اكثر يابعد عمري كيفك؟؟
الطرف الثاني:بخير من سمعت صوتك وانت شخبارك؟؟
الطرف الأول:مشتـــــــــــــــــــــــــــــــــــــــــ ـــاق
الطرف الثاني:يابعد عمري والله
الطرف الأول:أنا لازم اشوفك بموت من الولــــــــــــــــــــــه
الطرف الثاني بدلع:خلاص ماراح اشوفك ابي اشوف الوله إيش بسوي فيك
الطرف الأول:لهذي الدرجه مشتغنيه عني أكيد الوله بيذبحني
الطرف الثاني:لا لا إيش يذبحك ماعاش من يبعد قلبك عني
الطرف الأول:آآآآآآآآآآآآآآآه ه ه الله يعينك ياقلبي
الطرف الثاني:أوكي ياقلبي أنا بخليك ترتاح تأخر الوقت
الطرف الأول:ليه لسى ماشبعت من صوتك؟؟
الطرف الثاني:خلاص بكره بكلمك باي
الطرف الأول:باي

--------------------------------------------------------------------------------
(الطرفين عايشين قصة حب روعه بدون علم أحد أعتمدت على المكالمات الهاتفيه وشوفت بعضهم بالصدف أحياناً ومع ذلك حبهم صادق واحساس بينهم ولا اروع وهذولي الطرفين هم
مساعـــــــــــــــــــــــــــــــد و وجــــــــــــــــــــــــــــدان))
كان جالس على الكمبيوتر فتره طويله تعب ورجع ظهره على الكرسي ورفع يدينه عشان يحرك جسمه طالع الساعه وكانت 8 الصباح...
مساعد:أوووووووووووووووووف الساعه8...من 3 الفجر لـ8 الصباح يالله مشى الوقت بسرعه.....خل اقوم اخذ لي شاور
اخذ له شاور وغير ملابسه ونزل...
مساعد:ليه البيت هدوء؟؟..........يممممممممممه يمممممممممممممممه ...وينهم هذولي؟؟
طلعت الخدامه من المطبخ على صوت مساعد...
الخدامه:يس سير
مساعد:وينها امي؟؟
الخدامه:في روح بيت بوراشد
مساعد:اوكي خلاص روحي
الخدامه:مايبغى فطور؟؟
مساعد:لأ مابي بس سوي لي كافي
الخدامه:اوكي
راح مساعد عند المسبح يغير جو......................شوي ويدخل عبدالعزيز...
عبدالعزيز:صباح الخير
مساعد:هلا صباح النور
عبدالعزيز:متى صحيت؟؟
مساعد:أنا نمت عشان أصحى سهران من البارح
عبدالعزيز:ليه؟؟
مساعد:لابس جلست على الكمبيوتر وما حسيت للوقت
عبدالعزيز:أهاااااااااااااا طيب معندك جامعه اليوم؟؟
مساعد:إلا بس محاضرتي متأخره.....................اقول عزوز كنك هاليومين متغير شوي
عبدالعزيز:كيف مافهمت؟؟
مساعد:يعني ماشوفك مضايق مثل قبل
عبدالعزيز:مساعدوه ابي اقولك شي
مساعد:قول
عبدالعزيز:الجازي
مساعد:إيش فيها؟؟
عبدالعزيز:هذي الفتره شاغله تفكيري طول الوقت موب قادر أشيلها من بالي
مساعد مستغرب:ليـــــــــــــــــــــه؟؟
عبدالعزيز:مدري أحس إني محتاج لها
مساعد:أفهم من كلامك إنك مشتاق لها؟؟
عبدالعزيز:حيل يامساعد مشتاق لها حيييييييييييل ماتصور قد إيش محتاج لها
مساعد:عزيز معقوله تحبها
عبدالعزيز:لا لا لا هذي موب مشاعر حب
مساعد بخاطره:إلا حب ياعزيز حب..............راح تصارح الجازي بهذا الشي
عبدالعزيز:طبعاً لأ
مساعد:ليه؟؟
عبدالعزيز وهو طالع:لأني ماأحبها وهذي مشاعر عاديه
طساعد:طيب وين رايح؟؟
عبدالعزيز يلتفت لمساعد:رايح الشركه
مساعد:اوكي باي
عبدالعزيز:باي
مساعد:أوووووووووووف تأخرت على الجامعه.......متى ربي يفكنا منها
كيف بكملوا فهد ونايف مشوارهم مع الموقع؟؟
كيف بكون حب مساعد و وجدان؟؟
بصير شي لمساعد في الجامعه ولا لأ؟؟
بايــــــــــــــــــــــــــوه

الجزء العاشـــــــــــــر
وفي المدرسه كانت وجدان وبيان جالسين مع بعض...
وجدان:والله وحشتني المدرسه
بيان:بل أحد توحشه هالقرف
وجدان:ههههههههههههههههههههههههههههههههه
بيان:صح اليوم غداك عندي؟؟
وجدان:لا لا لا
بيان:ليه؟؟
وجدان:لأني ماقلت لأمي بعدين موب عدله من الظهر أروح لك لالا
بيان:أقول بلا رسميات مالها داعي نروح وكلمي أمك من بيتنا وأنا متأكده إنها بتوافق
وجدان:لا بيان خليها لليل ولا العصر
بيان:مافي أنا قلت الظهر يعني الظهر
جت وجدان بتكلم بس بيان ماخلتها...
بيان:ولا كلمه
اشواق:طيب يالله لا نتأخر على الحصه
بيان تقلد وجدان:لا لا بدري
وجدان تضرب بيان:ووووجع
أما مساعد فكان في السياره رايح للجامعه وصل وقف سيارته في الباركنج نزل وكان عزام طالع من الجامعه ويقرا بكتاب منزل راسه وموب منتبه لطريق كانت سياره جايه من بعيد بسرعه جنونيه إنتبه لها مساعد...
مساعد من غير شعور يصارخ:عزاااااااااااااااااام إنتبه
رفع عزام مستغرب وانتبه لسياره وفجأه رمى مساعد نفسه على عزام عشان يبعده عن السياره طاح عزام على الأرض ومساعد فوقه وقف صاحب السياره ونزل ...
صاحب السياره:سلامات أحد تعور؟؟
عزام فتح عينه ورفع عنه مساعد ونيمه على الأرض...
عزام:الله يسلمك ماصار شي
صاحب السياره:طيب آسفين مع السلامه
عزام:الله يسلمك
عزام يطالع مساعدإلي كان مغمض عينه بقوه ورافع حاجب وضاغط على أسنانه...
عزام بخوف وارتباك:مساعد مساعد يألمك شي؟؟ فيك شي؟؟صار فيك شي؟؟
مساعد يمسك رجله بقوه: رجلي تألمني
عزام:طيب قوم اوديك المستشفى
مساعد:لا لا ماله داعي
عزام:كيف ماله داعي شكلك تتألم كثير
مساعد:خلاص عادي ألم شوي ويروح
مساعد يحاول يوقف بس ماقدر(يصارخ):آآآآآآآآآآآآآآآآآآآآآآآآ ه ه ه ه
طاح مساعد على الأرض من شدة الألم وموب قادر يوقف عزام رفع مساعد وسنده عليه ركبه سيارته بشويش وراح معاه المستشفى طول المشوار مساعد ماسك رجله ويتألم وعزام يحاول يهدي فيه..وصلوا المستشفى ودخلوا عند الطبيب فحص الطبيب على مساعد وعطاه إبره مسكنه للألم...
عزام:خير يادكتور إيش فيه؟؟
الدكتور:خير إنشالله بس عنده رض خفيف برجله راح اعطيه حبوب عشان إذا حس بألم
عزام يطالع مساعد وهو يبتسم:سلامتك
مساعد يرد الإبتسامه:الله يسلمك
الدكتور:إخوان انتوا ..............شكلكم علاقتكم بعض قويه
مساعد بخاطره:لا يحوشك
عزام بخاطره:العلاقه تقطع بعضها..............ليه يعني؟؟
الدكتور:لابس كنت خايف على مساعد كثير.............طيب هذي الحبوب تاخذها إذا ألمتك رجلك بس ولا تاخذ اكثر من وحده لأن ممكن تأثر عليك
مساعد:إنشالله شكراً دكتور
الدكتور:العفو
طلع مساعد وعزام وركبوا السياره

بيان:يااااااااااررررررررربي
وجدان:إيشفيك؟؟
بيان:مساعد وعزام مع بعض مستحييييييل ماأصدق
وجدان بخاطرها:اكيد هذا عزام ولد عمهم إلي قالي عنه مساعد بجد غريبه مساعد قالي إنه يكره كيف جاي معاه
بيان:ياهووووووو وينك؟؟
وجدان:هلا معاك بس أقول يمكن الوقت موب مناسب مساعد تعبان خلها مره ثانيه أجي لك
بيان اخذت المخده وضربت بها وجدان:بجد بااااااايخه إيش سوت دبي فيك؟؟
وجدان:هههههههههههههههههههههههههههههههههههههههههههه ههههههه
بيان:قومي نروح غرفتي احسن
وجدان:يالله
وفي غرفة مساعد...
عزام:طيب انا رايح ماتشوف شر
مساعد:الشر مايجيك
ام عبدالعزيز:وين يالغالي حنا مانشوفك إلا بالشهر مره والحين بتروح إجلس تغدا معنا
عزام بخاطره:مجنون اجلس مع مساعدوه اكثر من كذا
مساعد بخاطره:بليز يمه موب وقته
عزام:لالا مقدرخالتي مره ثانيه مع السلامه
مساعد وام عبدالعزيز:الله يسلمك
فتح عزام الباب عشان يطلع وقف كانه تذكر شي...
عزام:وين سويتش سيارتك؟؟
مساعد:لا خلاص لا تعب روحك بعدين اقول لفيصل يجيبها
عزام:لا لا عادي عطني السويتش
اخذ عزام السويتش وطلع...
ام عبدالعزيز:رحت المستشفى؟؟
مساعد:أيوى
ام عبدالعزيز:الحمدلله طيب تبي اجيب لك غدا؟؟
مساعد:لا لا يمه مالي نفس
ام عبدالعزيز:لازم تاكل انت ماتجوع باليوم تاكل لك وجبه وحده بس
مساعد:يمه إذا جعت بقول لك اوكي
ام عبدالعزيز وهي قايمه:طيب براحتك يمه بخليك ترتاح
طلعت ام عبدالعزيز وتنهد مساعد وغمض عينه...
مساعد:آآآآآآآآآآآه ه ه وأخيراً رويتي ظمى قلبي بنظرتك
من غمض مساعد عينه على طول نام لأنه كان تعبان حيل........جى بوعبدالعزيز مع عبدالعزيز من الشركه دخلوا وغيروا ملابسهم وجلسوا على الغدا وقالت لهم ام عبدالعزيز إلي صار بمساعد وهم يتغدون...
عبدالعزيز :الحمدلله
ام عبدالعزيز:ماكلت شي
عبدالعزيز:شبعت يمه عن إذنكم
راح عبدالعزيز غرفة مساعد دخل ولقاه نايم ماحب يزعجه وطلع..بيان وجدان بعد ماخلصوا الغدا جلسوا سوالف وضحك...
وجدان:يالله بيانوه صارت الساعه 4 انا بروح البيت
بيان:ليه لسى بدري
وجدان وهي تلبس عباتها:لا حبيبتي إيش بدري طولت كثير يالله اشوفك بكره في المدرسه
وصلت بيان وجدان للباب ورجعت لغرفتها وقبل ماتدخل انتبهت لعبدالعزيز جالس بالصاله ويشاهد التلفزيون فراحت له...
بيان:هاي عزوز
عبدالعزيز:هلا بيانوه
بيان:كيفك؟؟
عبدالعزيز:تمام وانتي؟؟
بيان:بخير.............وكيفك مع الجازي؟؟
عبدالعزيز :ها...ب بخير
بيان بخاطرها:إيش فيه عزيز كل ماأسأله عن الجازي إرتبك
عبدالعزيز:صحيح إلي سمعته
بيان:إيش سمعت؟؟
عبدالعزيز:عزام إلي جاب مساعد البيت
بيان:إيوى والله طار عقلي من شفتهم صدمه
عبدالعزيز:إيه والله قويه كيف تحملوا بعض
بيان:والله مدري متى الأخ يصحى عشان نعرف السالفه
عبدالعزيز:ماأتخيل مساعد وعزام يتصالحون
بيان:أصلاً مايلبق عليهم إعتدنا عليهم دايم اهواش
مساعد إلي كان نايم بغرفته وصحى على صوت جواله رفعه بدون مايطالع الرقم...
مساعد بصوت نايم:آلو
وجد:هلا حبيبي
مساعد بدون نفس:هلا
وجد:سوري شكلك نايم
مساعد:لاعادي
وجد:موب انت قلت البارح بتدق علي
مساعد:أنا؟؟!!!! متى قلت؟؟
وجد:كنت اكلمك وقلت لي بدق عليك بعدين............ماشوفك كلمت
مساعد:اهااااااااا نسيت
وجد:مساعد إيش فيك ليه تكلمني كذا؟؟
مساعد:وكيف تبيني اكلمك؟؟
وجد:مساعد أنا أحبك احبــــــــــــــــك وانــــ..............
قطعها مساعد...
مساعد:لا تقولين لي أحبك
وجد حابسه دموعها:ليه ماأقولك؟؟هذي الحقيقه انا ماأنام الليل من التفكير فيك صورتك ماتفارق بالي وكل ماأذكر غرورك واسلوبك في الكلام معاي اكره الدنيا ومافيها
مساعد:وجد بقولك شي واحد وماعندي غيره
وجد:خير
مساعد:انا ماأحبك وماأظن في يوم راح احبك ولازم ترضين بالأمر الواقع وياريت تنسيني وتقطعين مكالماتك معاي عشان لاأجرحك بكلامي وتنسين حبك لي
وجد تبكي:مقدر ياحبيبي مقدر
مساعدبصوت ساحر:بليز وجد لا تبكين
وجد:طيب راح اقطع مكالماتي معاك لكن مستحيل ينقطع حبي لك باي
مساعد:باي.......................أووووف
في ذا الوقت دخلوا عبدالعزيز وبيان على مساعد...

عبدالعزيز:سلامات ياالغالي
مساعد:الله يسلمك
بيان:إيش صار مساعدوه إيش فيها رجلك؟؟
مساعد سكت شوي:لا بس طحت بالجامعه ..................وانرضت
بيان:وليه عزام إلي جابك البيت؟؟
عبدالعزيز:ايه صح ليه عزام بس إلي كان معاك؟؟
مساعد:أووف إيش تحقيق انا طحت وعزاموه إلي كان موجود بس رحنا المستشفى ورجعت البيت هذا إلي صار.............في اسئله ثانيه؟؟
عبدالعزيز: لا بإمكانك الذهاب
بيان:ههههههههههههههههههههههههههههههههههههههههههههه هههههههههه
عبدالعزيز:طيب ليه معصب؟؟
دخل بوعبدالعزيز...
بوعبدالعزيز:سلامتك مساعد
مساعد:الله يسلمك يبه
بوعبدالعزيز:ها كيفها رجلك الحين؟؟
مساعد:خف الألم شوي
بوعبدالعزيز:طيب مأبيك تطلع من البيت إلا إذا راح الألم وتاكل زين
مساعد:اوكي
بوعبد العزيز يبتسم ويمسح على شعر مساعد:طيب أنا رايح الشركه تبون شي؟؟
الكل:سلامتك
بوعبدالعزيز:مع السلامه
دق جوال مساعد وكانت المتصله وجدان شاف مساعد الرقم...
مساعد:ممكن تطلعون
عبدالعزيز:ليه؟؟
مساعد:ابي أكلم
بيان:طيب متقدر تكلم وحنا معاك
مساعد:لأ إطلعوا برا
عبدالعزيز وهو قايم:أصلاً حنا كنا بنطلع من زمان
بيان:إيوى صحيح
مساعد:واضح
طلعوا بيان وعبدالعزيز...
مساعد:هلا حبيبي
وجدان:هلا قلبي................. سلامتك
مساعد:الله يسلمك
وجدان:حبيبي
مساعد:ياعيون حبيبك
وجدان:تسلم.......إلي كان معاك عزام ولد عمك صح؟؟
مساعد:ايوه
وجدان:موب انت قلت انكم ماتحبون بعض ودايم هواش كيف جى معاك؟؟
مساعد:ياربي مليت من كثر ماتسألوني عن هالموضوع
وجدان:طيب طيب أنا آسفه لاتعصب
مساعد:سوري قلبي موب قصدي
وجدان:عــــــــــــــــادي.......اوكي اكلمك بعدين
مساعد:زعلتي؟؟
وجدان:لا حبيبي مازعلت
مساعد:أكيد
وجدان:اكيد.................باي
مساعد:وجدان
وجدان:هلا
مساعد:احبــــــــــــــــــــــــــــــــــــــــك
وجدان مقدرت تسيطر على قلبها إلي من سمع هالكلمه زادت نبظاته شوي وبيوقف...
وجدان:وانا كمان باي
مساعد:باي

نايف كان جالس بغرفته على الإنترنت ودخل له راشد...
نايف:إيش قلة هالذوق متعرف تطق الباب
راشد:مخلي الذوق لك
نايف:إيش تبي؟؟
راشد:مابي شي زهقان.........نايفوه شفت موقع(*****************)
نايف إرتبك:ها...إيوى
راشد:والله لوأنا مكان أهالي هذولي البنت أذبح اصحاب الموقع ياخي ناس معندهم ضمير
نايف:ليــــــــه؟؟
راشد:إيش ليه.....يشوهون شرف البنات وتقول ليه
نايف:طيب ليه معصب؟؟
راشد:على غبائك
نايف يبي يغير الموضوع قام ووقف جنب راشد وحط يده على كتفه...
نايف:رشود تدري إني حاولت كذا مره اتقبلك نفسيا بس مقدرت كرهي لك متعمق في قلبي
راشد:يالله نفس الحاله إلي اعاني منها بس والله خايف انك تحبني عشان كذا موب قادر اصارحك واجرح مشاعرك
نايف:بصراحه أنا أرأف بحال بيان مدري كيف متحملتك
راشد:نعععععععععععععم...إيش قلت؟؟
نايف:لا لا أمزح معاك إيش فيك
دق جوال راشد وكانت المتصله بيان نايف يعرف النغمه إلي حاطها راشد لبيان عشان كذا عرف إن بيان المتصله طالع راشد نايف وجى بيطلع بس نايف مسكه من يده...
نايف:وين رايح كلمها هنا
راشد:مجنون اكلمها معاك...................وخر وخر
طلع راشد من غرفة نايف ورد على بيان وهو نازل...
رشد:هلا قلبي
بيان:هلا كيفك؟؟
راشد:واخيراً سألتي عني
بيان:أنا؟؟!!!!
راشد:لا أنا......كم يوم ماسمعت فيهم صوتك
بيان:سوري بس والله كنت مشغوله
راشد بصوت حزين:مشغوله عني
بيان:بعدين مفروض ماتسمع صوتي كل يوم عشان تشتاق لي
راشد:ليه انتي متدرين إن كل ساعه تمر اشتاق لك
بيان استحت وموب عارفه كيف ترد على كلام راشد الحلو...
بيان:اوكي اكلمك مره ثانيه
راشد حس إن بيان منحرجه:اوكي باي حياتي
بيان:باي.....................ياااااااااااااااااارر ررررربي بجنني هالولد ياناس أحبه أموووت فيه
وفي الليل جاب عزام سيارة مساعد وكان راشد وراه بسيارته ووقفها عند باب بيتهم وكان عبدالعزيز قدامهم يوقف سيارته نزلوا عزام وراشد عشان يسلمون على عبدالعزيز...

عبدالعزيز:هلا والله
عزام وراشد:هلا بومتعب كيفك؟؟
عبدالعزيز:تمام وانتوا؟؟
عزام وراشد:ماشي الحال
عبدالعزيز:هذي سيارة مساعد؟؟
عزام:إيوى............هذا السويتش
عبدالعزيز بخاطره:وجايب سيارة مساعد كمان لا صاير شي اكيد............طيب تفضلوا
عزام:لا منقدر عندنا مذاكره
عبدالعزيز:عندكم تيست بكره؟؟
راشد:ايوى.............يالله باي
عبدالعزيز:خلنا نشوفكم
راشد:أوكي وسلم على مساعد
ركب عزام وراشد سيارة راشد ومشوا وعبدالعزيز مستغرب من عزام......وفي السياره راشد كمان كان مستغرب من إلي يصير بين عزام ومساعد...
راشد بخاطره:إيش صاير عزام ومساعد مايتحملون يشوفون بعضهم دقيقتين وكل واحد منهم يحاول بأي طريقه يهين الثاني ولا يعصبه
عزام:راشد إيش فيك؟؟
راشد:هلا ولا شي...................عزام إيش إلي صار بينك وبين مساعد؟؟
عزام:ماصار شي
راشد:كيف ماصار شي عزام علي انا هذا الكلام
عزام بخاطره:أووووووووف راشد يفهمني عدل مقدر أكذب عليه وبعديبن هو صاحبي مقدر أخبي عنه شي.......................................أنا أقولك إلي صار
قال عزام لراشد السالفه كلها...
راشد:واااااااااو معقوله مساعد يسوي كذا شكلها كان خايف عليك غريبه
عزام بخاطره:أجل انا إيش أقول قلبي وقف من الخوف من شفته يتألم
راشد:إنشالله تكون بشارة خير هالحادثه
عزام:قصدك نتصالح؟؟هههههههههههههههههه بليز لاتضحكني وحنا راجعين كل واحد منا كان يبي يضرب الثاني
راشد:والله انكم تجننوا
عزام:ماعلينا بتجي اكيد بكره بيتنا
راشد:اكيد كلهم بيجتمعون ماقلت لي ولد خالتك بكون هناك؟؟
عزام:والله مدري بس يارب مايروح
راشد:حرام عليك ليه؟؟
عزام:مدري أحسهم ناس فاضيه أنا اول مره شفته تمنيت الحظه إلي أقوم فيها
راشد:لازم تتحمله راح يكون أخو زوجتك المستقبليه
عزام:فال الله ولا فالك جنيت انا اخذ اخته
راشد:بس امك حاطه في بالها إنك لها وهي لك
عزام:إسكت ياشيخ والله زهقتني من كثر ماتكلم عن هالموضوع أنا مستحيل اتزوجها البنت سخيفه وموب حلوه
راشد:بل انت من متوسط ماشفتها يمكن تغيرت لا تحكم عليها قبل ماتشوفها
عزام:ههههههههههههههههههههههههههههههههههههههههههههه ههههههه
راشد:ليه تضحك؟؟
عزام:إلي يسمعنا يقول بكره بتزوجها ههههههههههههههههههههههههههه
راشد وعزام:هههههههههههههههههههههههههههه
وصل راشد عزام بيتهم ورجع بيتهم...دخل عزام ولقى حلا في الصاله تكلم في التلفون وكانت هيا نازله...
هيا:هلا عزام
عزام:هلا هلا ام بندر
هيا:وينك اليوم ماشفتك؟؟
عزام:كنت مشغول شوي............ أنا بنام مابي عشا اوكي
هيا:اوكي
راح عزام غرفته ورمى نفسه على السرير غمض عينه وجت صورة أشواق في باله وتذكر اول مره شافها في ملكة عبدالعزيز والجازي...
حلا:يالله اشواقوه ابي قرار نهائي
اشواق:والله مدري طيب إيش عذرك؟؟

حلا:تعبانه........اشواقوه خلاص بكره ماراح نروح المدرسه يعني ماراح نروح انتهى الموضوع
اشواق:ياربي اذا جلسنا في البيت زهق
حلا:خلاص تعالي افطري معاي الصباح
اشواق:لا مابي شنو من الصباح اجي لك
حلا:يعني إيش انتي غريبه
نزلت هيا لحلا في الصاله...
حلا:اوكي اشواقوه خلاص بكره الصباح انتظرك
اشواق:اوكي باي
حلا:هيا وين بندر؟؟
هيا:فوق يلعب بغرفته
حلا:بروح العب معاه
هيا:لاتعانديه مالي خلق يبكي
حلا:لا تخافين انا موب عزاموه
راحت حلا لبندر بغرفته وشوي يدخل مشعل البيت...
مشعل:وانا اقول ليه الصاله منوره
هيا تبتسم:هلا حبيبي
مشعل:هلا قلبي.....................جوعان حيييييل وين العشا؟؟
هيا:يابعد عمري بدري على العشا
مشعل:إيش بدري انا ميت من الجوع
هيا:طيب تبيني احط لك تاكل بروحك
مشعل:لأ ابيك معاي
هيا:طيب بنادي على بندر يمكن يبي يتعشى معانا
مشعل:لا لا خلنا بروحنا احسن
هيا تبتسم: طيب غير ملابسك وانا بحط العشا
مشعل:دقايق
وفي صباح يوم الأربعاء الكل صحى وفطر وكل واحد راح لدوامه والساعه 9 كان البيت هدوء مافيه إلا صوت عزام جالس بالصاله يشاهد التلفزيون...شوي ويدق جرس الباب عزام مانتبه للجرس انه دق راحت الخدامه فتحت الباب ورجعت المطبخ دخلت بنت وشافت عزام يشاهد التلفزيون...
أشواق:الســـــــــــــــــــلام
عزام طالع أشواق:هلا
رجع عزام يشاهد التلفزيون وشوي انتبه ورجع يطالع اشواق وقف عزام بشويش وهو منصدم...
عزام بخاطره:أخيرا شفتك أخيرا تكلمتي ياربي كل مره اشوفها أحلى من إلي قبلها
أشواق بخاطرها:أكيد انا بحلم مستحيل انا واقفه قدام ملاك..ملاك عذب قلبي وجرح خدي من الدموع إلي نزلت عليه
بعد الصمت إلي دام بينهم...
أشواق:اكيد انت عزام
عزام:وانتي من؟؟
أشواق:أنا....أنا أشواق...................بنت خالتك
عزام رفع حاجب منصدم حس إنه يحلم موب مصدق إلي يسمعه..معقوله هالملاك تطلع اشواق... البنت إلي خلتني أناجي ظلمة الليل بروحي تطلع اشواق................انتي أشواق؟؟
أشواق:ايوى ليه مستغرب؟؟
عزام:لابس تغيرتي كثير
اشواق:للأسوء ولا......
قبل ماتكمل قطعها عزام تقرب منها شوي وهي شوي ويغمى عليها...
عزام:اكيد للأحلى... أنا موب مصدق معقوله في بنت بهالجمال
أشواق منصدمه من ردة فعل عزام توقعت تكون ردة فعله غير لما يعرف إنها بنت خالته وفي نفس الوقت مستغربه من جرأته...
أشواق:طيب وينها حلا؟؟
عزام:يابخت حلا إلي بتجلس مع قمر اليوم........فوق
اشواق تبتسم:طيب انا رايحه لها عن إذنك
مشت اشواق وعزام يطالعها وهي راكبها...راحت اشواق لحلا بغرفتها طقت الباب ودخلت...
اشواق:صباح الخير
حلا:هلا صباح النور
حلا تطالع اشواق مستغربه وجها أحمر شوي...
حلا:إيش فيك؟؟
اشواق:ولا شي
حلا:اوكي وين تبي تفطرين بالصاله ولا غرفة الطعام؟؟
اشواق:براحتك
حلا:اوكي خلنا نروح غرفة الطعام
اشواق بخاطرها:إن نزلنا الحين راح اشوف عزام وقلبي كافي عليه يتعذب............طيب خلني برتاح شوي
حلا:بعدين انا جوعاااااااااااااانه
اشواق:اوف وانتي دايم مستعجله طيب طيب
طلعوا حلا واشواق من الغرفه وراحوا غرفة الطعام وعزام ماكان موجود...

جلسوا على طاولة الطعام وبدوا ياكلون شوي وينزل احد على الدرج ...دخل عزام غرفة الطعام...
عزام:سوووري مدريت انكم هنا
حلا:عزوز ليه مارحت الجامعه؟؟
عزام:وليه متى صرتي ولية امري
حلا:امـــــــــــــــــس
عزام كان يدور في الأدراج على اوراق...
عزام:ووين راحوا؟؟..............(ينادي على الخدامه بصوت عالي)ميررررري ميررررررررررررري ووووووجع ووووووينك انتي كمان
جات الخدامه وكانت مضايقه شوي من صوت عزام...
الخدامه:يـــــــــــــــــــــــس
عزام يتمسخر:أوووه مشغوله سوري عمتي على الإزعاج...............ووين الأوراق إلي كانوا هنا؟؟
الخدامه بعصبيه:مــــــــــــدري
عزام:لا ضربيني كمان
حلا واشواق كانوا يضحكون على عزام واسلوبه مع الخدامه....
عزام يصاررخ على الخدامه:دوووووووووريهم ابيهم ضروووووووووري
شوي ودخلت ام مشعل على صوت عزام...
ام مشعل:عزام إيش فيك الله يهداك ليه تصارخ؟؟
انتبهت ام مشعل لأشواق...
ام مشعل تسلم على اشواق:ياهلا والله بالغاليه شخبارك؟؟
اشواق:بخير خالتي
عزام يطالع الخدامه:وانتي بعدك واقفه رووحي دوريهم
الخدامه:هم اوراقك ولا اوراقي روح دورهم انت
عزام:أووووووووووه سوري تعالي احب راسك
ام مشعل:إيش فيك ياعزام حاط دوبك ودوب هالمسكينه؟؟
عزام:أي مسكينه يمه لسانها اطول منها
ام مشعل:ميري روحي شوفي شغلك
الخدامه:طيب ماما
ام مشعل:أي اوراق إلي دورهم؟؟
عزام:خلاص انا تأخرت على الجامعه إذا رجعت بدورهم باي
ام مشعل:الله يحفظك
وهو طالع طاحت عينه بعين اشواق غمز لها وهو يبتسم ابتسمت اشواق ونزلت راسها...
والظهر في الجامعه كان راشد وعزام جالسين بالمكتبه وجى لهم فيصل...
فيصل:هاي قايز
عزام وراشد:هاي
فيصل:بتروحون لمساعد اليوم؟؟
راشد:اكيد ليه؟؟
فيصل:لأني ابي اروح له بس مابي اروح بروحي
راشد:خلاص تعال معانا عندك محاضره الحين؟؟
فيصل:لا خلصت
راشد:اوكي خلنا نمشي
عزام:انا ماراح اروح
راشد:ليه؟؟
عزام:مالي خلقه
راشد:ماراح نطول شوي وبنطلع
عزام:إن رحت بتهاوش معاه
فيصل:لا لا ماراح تتهاوشون بعدين مثل ماقال راشد حنا ماراح نطول
عزام:اووووووف اوكي
راحوا راشد وعزام وفيصل بيت بوعبدالعزيز وقبل ماينزلون من السياره...
فيصل:طيب موب مفروض نكلم نشوفه نايم ولا صاحي
راشد:لا أكيد صاحي
نزلوا ودقوا الجرس وفتحت لهم الخدامه...
راشد:وينه مساعد؟؟
الخدامه:فوق
راشد:اوكي
راحوا لمساعد بغرفته طقوا الباب ودخلوا كان نايم على سريره...
مساعد:ياهلا والله
سلم فيصل على مساعد:سلامات يالغلا
مساعد:الله يسلمك
راشد:كيفك مساعدوه؟؟
مساعد:بخير
عزام ومساعد يطالعون بعض بنظرات غريبه...
عزام:كيفها رجلك اليوم؟؟
مساعد:احسن............. تفضلوا

راشد جلس نهاية السرير وهو مايدري جلس على رجل مساعد...
مساعد يصارخ:آآآآآآآآآآآآآآآوووووووووووووو
راشد قام على طول:سوووووري
مساعد:لا لا عادي
عزام:لازم تكسرها يعني
راشد:هههههههههههههههههههههههههه والله مانتبهت
جلسوا شوي وبعدين طلعوا......وبعد اذان العشا كان الكل يتجهز عشان يروحون لبيت بومشعل لانه كان العشا في بيتهم...
دخل عبدالعزيز لمساعد...
عبدالعزيز:انت ماغيرت ملابسك؟؟
مساعد:وليه اغيرهم؟؟
عبدالعزيز:يعني ماراح تروح بيت عمي
مساعد:تعبان مالي خلق
عبدالعزيز:بس ابوي ماراح يرضى كلنا بنروح إلا انت
مساعد:مابي ارووووووووووح
عبدالعزيز:مساعدوه لاتوهقني مع ابوي إيش اقوله إذا سألني عنك
مساعد:مدري قوله إي شي ماراح اروح
طلع عبدالعزيز من غرفة مساعد وهو يفكر إيش يقول لأبوه وصل بيت عمه وكان آخر من وصل والكل ينتظره...
عبدالعزيز:السلام عليكم
الكل:وعليكم السلام
بو مشعل:هلا عزيز كيفك؟؟
عبدالعزيز:بخير عمي
بوعبدالعزيز:اجل مساعد وينه؟؟
عبدالعزيز ارتبك وماعرف إيش بقول وبأيش يتعذر لاحظ عزام إرتباك عبدالعزيز فأنقذ الموقف...
عزام:عمي مساعد اكيد راح المستشفى لأن الدكتور اليوم قاله يمره الليل
راشد وعبدالعزيز ونايف إستغربوا من حركة عزام...
بوعبدالعزيز:طيب ليه مقالي؟؟
عبدالعزيز:يمكن نسى يبه
بومشعل:طيب نحط العشا ولا ننتظره؟؟
عبدالعزيز:لا يمكن يتأخر
بومشعل:طيب يالله تفضلوا العشا جاهز
الكل قام قبل عزام وعبد العزيز وهم قايمين...
عبدالعزيز:مشكور والله توهقت
عزام:حاضرين بومتعب
وعند الحريم كانوا يسلفون على العشا...
ام مشعل:يالله يالجازي متى نفرح بعرسك؟؟
بيان:إيه والله تراكم طولتوا
الجازي إرتبكت وبداخلها تبكي حسره على عبدالعزيز بس مابينت هذا الشي واخفته بابتسامه...
الجازي:لسى بدري
الجازي حست روحه مضايقه كثير...
الجازي وهي قايمه:الحمدلله
ام عبدالعزيز:وين بنتي ماكلتي شي؟؟
الجازي:لا خالتي شبعت
حلا:مسويه رجيم من وراي؟؟
الجازي تضرب حلا على ظهرها:ههههههههههههههههه وانا أقدر
طلعت الجازي بعد مالبست شيلتها وقفت عند المسبح...
الجازي بخاطرها:آآآآآآآآآآه ه ه يادوى الروح والقلب وينك رميت قلبي بسهم حبك ومشيت.......وحشتني ياعبدالعزيز وحشتني ياقلبي ودنيتي........لمتى بنظل مخبيين على الأهل لازم يعرفون مقدر اتحمل اكثر من كذا
نزلت دمعه من عين الجازي دمعه كلها هموم وشوق ووله لعبدالعزيز نزلت الدمعه وكانت الجازي مغمضه عينها حست ليد واحد تمسح دمعتها فتحت عينها بسرعه...

عبدالعزيز:ممكن أعرف سبب هذي الدمعه؟؟
الجازي من الصدمه موب عارفه تتكلم..كيف ماتعرف سبب هالدمعه وانت سببها...
الجازي:عبدالعزيز
عبدالعزيز:ليه منصدمه كذا؟؟.....حنا فسخنا الخطبه بس ماقطعنا علاقتنا كاولاد عم
الجازي جات بتمشي عن عبدالعزيز بس ناداها ووقفت...
عبدالعزيز:لهذي الدرجه ماتبين تشوفين وجهي
الجازي بخاطرها:كيف ماأبي اشوفه وانا اسهر الليل عشانه كيف مأبي اشوفه وهو معذبني..........................لا بس مافي كلامي بينا
عبدالعزيز تقرب منها وقف قدامها...
عبدالعزيز:كيفك؟؟
الجازي:بخير...........وانت؟؟
عبدالعزيز:أسأل عنك
الجازي تبتسم بسخريه:واضح................عن إذنك تاخرت عليهم بدخل
عبدالعزيز:ابي اجلس معك شوي
الجازي ابتسمت ومن كثر حبها لعبدالعزيز ودها تنفذ كل إلي يبيه فجلست على الكرسي بكل هدوء...جلس عبدالعزيز جنب الجازي...
عبدالعزيز يغني:وحشتني سواليفك وحشة شوفتك اكثر كل ليله مع طيفك حبيب الروح انا اتحسر
الجازي:ههههههههههههههه
عبدالعزيز:ليه تضحكين؟؟عارف صوتي موب حلو
الجازي لا إرادي:لا حلو أصلاً كل شي فيك حلو
إنتبهت الجازي لكلامها ونزلت راسها مستحيه وعبدالعزيز يطالعها وهو يبتسم...
عبدالعزيز:كلك ذوق
وفي مجلس الرجال خلصوا نايف وعزام من العشا وجلسوا بالمجلس...
نايف:عزوز إيش صاير بينك وبين مساعد؟؟
عزام:موب صاير شي
نايف:علينا.........أجل ليه قبل شوي قلت كذا بس عشان لا يعصب عمي على مساعد مع إنك كنت تنتظر هالحظه من زمان
عزام:مدري
شوي ويطلع راشد من غرفة الطعام رايح لمجلس الرجال...دخل المجلس...
عزام:اجل عزيز وينه هو قام قبلنا من على العشا؟؟
راشد:والله مدري
شوي ويدخل عبدالعزيز...
نايف:اعوذ بالله لسى نسأل عنك
عبدالعزيز:ليــــــــــه؟؟
عزام:لا بس كنت أسأل لأنك قمت قبلنا من على العشا وماشفتك
عبدالعزيز:أهااااااااااا

بيتغير شي بين عزام ومساعد؟؟
الجازي بتقول لأهلها ولا بردها شي؟؟
بايـــــــــــــــــــــــــــــــــــوه

الجزء الحـــــــــــــــــادي عشر
وفي بيت بو مشعل الساعه 11 خلصوا العشا وجلسوا يسولفون وبعدين راحوا بيوتهم ركب نايف مع راشد بالسياره وهم بالسياره.. نايف كان يدور بين اشرطة الأغاني...
راشد:شدور عليه؟؟
نايف:معندك شريط الماجد؟؟
راشد:لا اخذه امس عزام
دق جوال نايف وكان المتصل فهد.........نايف ارتبك...
نايف:هلا
فهد:هلا فيك
نايف:خير في شي؟؟
فهد:طيب ليه تكلمني كذا............لا بس حبيت اقولك جى دورك تجيب صور لبنات
نايف مرتبك ولا حظ عليه راشد هذا الشي:طيب من وين اجيبهم
فهد:من السوبر ماركت
نايف:هي هي هي تخفف دمك
فهد:لأن سؤالك غبي امش وصور في المجمعات
نايف:طيب بعدين اكلمك
فهد:اوكي
راشد:من كنت تكلم؟؟
نايف:وليه تسأل؟؟
راشد:لأنك كنت مرتبك كثير
نايف:لا عادي كنت اكلم فهد
راشد:فهد...............أنا مرتحت لهالولد من اول مشفته
نايف:ليه انت جلست معاه؟؟
راشد:لا بس شكله مايريح
نايف:لا بلعكس
راشد بخاطره:في شي بينك وبين فهد يانايف وشكله شي خطير.........الله يستر
وصل عبدالعزيز بيتهم وهو رايح غرفته لقى نور غرفة مساعد مفتوح راح ودخل على طول بدون ميطيق الباب وكان مساعد نايم على السرير ويكلم بالجوال(وجدان)...شاف مساعد عبدالعزيز وارتبك شوي وحاول ينهي المكالمه...
مساعد:اوكي بدق بعدين باي
عبدالعزيز:ايشفيك ليه سكرته؟؟
مساعد:لا لا مافي شي........كيف كان العشا؟؟
عبدالعزيز جلس على الكرسي بهدوء ورجع راسه وغمض وتذكر لما شاف الجازي...
عبدالعزيز بهدوء:احلى عشا
مساعد:كنك اول مره تتعشى في بيت عمي سعود
عبدالعزيز:لا هذا غير....... غير
مساعد:لــــيه؟؟
عبدالعزيز:كلمت الجازي
مساعد:بجد(انتبه لكلام عبدالعزيز وصارخ)ممممممممن الجاززززززززززززززززي!!!!!!!
عبدالعزيز رفع راسه وفتح عينه:قصر صوتك............ايوه الجازي
مساعد:كيف وايش صار وليه ومتى؟؟
عبدالعزيز:هههههههههههههههههه بشويش انا اقولك
قال عبدالعزيز لمساعد الي صار بينه وبين الجازي وقاله كمان عن عزام لما غطى عليه
مساعد مستغرب:معقووله....عزاموه قال كذا
عبدالعزيز:امممممممممممممم
سكت مساعد شوي وبعدين...
مساعد:موب هذا موضوعنا.....يعني تحبها؟؟
عبدالعزيز:مدري
مساعد:اجل من الي يدري؟؟عزوز انت تحب الجازي اكيد
عبدالعزيز تنهد:حتى لو احبها ماراح يغير شي فسخنا الخطبه ومستحيل نرجع لبعض
ومن بعد هذي الليله مروا اسبوعين عاشهم عزام بصدمته باشواق وكل يوم يزيد حبه لها وحس انه متعلق فيها كثير وصارت طول الوقت في باله متفارقه ونفس الحاله كانت عند اشواق ومن جهه ثانيه نايف رجع له الخوف ولارتباك من الموقع خصوصاً ان كل ربعه واولاد عمه يتكلمون عن الموقع على طول...

يوم السبت قبل صلاة العشا بشوي كان عبدالعزيز في الحديقه ماسك جواله ورايح جاي به يبي يكلم حد بس متردد...
عبدالعزيز:اووووووه خلاص بدق عليه
كلم عبدالعزيز راشد...
راشد:هلا والله بومتعب
عبدالعزيز:هلا والله راشد
راشد:زين ذكرتني ودقيت
عبدالعزيز:الله يسامحك تراك دايم على البال بس بعض الناس مغطيين علينا
راشد:هههههههههههههههههههههههه
عبدالعزيز:راشد انا مكلمك ابي منك خدمه
راشد يغني:آمر تدلل مالك إلا إلي يرضيك قدرك على كل الخلايق تعلا
عبدالعزيز:هههههههههههههههه ابيك..................................
قال عبدالعزيز لراشد الخدمه إلي يبيها منه...
راشد:بس تامر آمر كم عزيز عندي
عبدالعزيز:تسلم ياالغالي.......... اوكي باي
راشد:باي
وبعد صلاة العشا نزل راشد وراح المسبح وكان نايف يسبح والجازي جالسه وتسولف معاه...
راشد:مرحبا
نايف والجازي:هلا
راشد:الجازي بتطلعين الليل؟؟
الجازي:لأ ليـــــه؟؟
راشد:لا بس ابي اعزمك على العشا؟؟
الجازي بفرحه:بجد والله
نايف:وانا وانا كمان ابي ارووووووح
راشد:انت اقلب وجهك
نايف:مابي اصلاً الجازي مابتروح بدوني
راشد:اووووووووووه نايفوه مالي خلقك........... هاإيش رايك الجازي؟؟
الجازي:اممممممممممممممم اوكي
نايف:وانا بعد موافق
الجازي:هههههههههههههههههههههههههههههههههههههه هههه
راشد:غصب اهو مابيك ياخي
نايف:لا ارجوك انا الي ميت عليك(يطلع لسانه لراشد) يابخيييييييييييل
راشد يضحك بسخريه:حركات بزارين ماعليك شره
نايف:ياربي بعصبني........(يصارخ)لا تقولي بزززززززززر
راشد:وجع لا ترفع صوتك علي يابززززززززززززززززززززززززر
الجازي:اوكي خلاص لاتتهاوشون
راشد وهو طالع:اوكي الجازي بعد الصلاه خلك جاهزه
وبعد صلاة العشا غير راشد ملابسه ونزل ينتظر الجازي وشوي ونزلت الجازي وهي لابسه عباتها وجاهزه...

راشد:خلصتي؟؟
الجازي:ايوه...........راشد خلنا ناخذ نايف معانا
راشد:سوري
الجازي:ليه طيب؟؟
راشد:بعدين تعرفين يالله
ركبوا السياره وراحوا المطعم جلسوا على الطاوله...
راشد:طيب انا بروح الحمام وانتي شوفي ايش تبي تاكلين
الجازي:اوكي
راح راشد والجازي اخذت المنيو وتقرا الطلبات شوي وحست لأحد واقف عند الطاوله رفعت راسها بشويش وطاحت عينها بعينه انصدمت موب عارفه إيش تسوي انشلت حركتها حتى موب قادره تكلم ولا إيش تقول اما هو فكان مبتسم وتحت هالإبتسامه توتر وحيره موب عارف إيش يقول؟؟ ولا ليه جاي؟؟...
عبدالعزيز:مرحبــــــا
الجازي بارتباك:هـ...هلا
عبدالعزيز:إيش فيك ليه منصدمه كذا؟؟
الجازي:لا عادي
عبدالعزيز:ممكن اجلس؟؟
الجازي:تفضل
عبدالعزيز:كيفك؟؟
الجازي:بخير.......و...وانت؟؟
عبدالعزيز:ههههههههههههههه ايش فيك بعدك منصدمه خلاص اهدي
الجازي ابتسمت ونزلت راسها مستغربه من إلي قاعد يصير... سكت عبدالعزيز شوي وبعدين تكلم...
عبدالعزيز:الجازي
الجازي من غير شعور من سمعت عبدالعزيز يناديها رفعت راسها...
الجازي:هلا
عبدالعزيز يبتسم:ابي اكلمك بموضوع
الجازي:خير
عبدالعزيز:بصراحه مدري من وين ابدا..................الجازي...أنا......
الجازي:إيش فيك؟؟انت إيش؟؟
عبدالعزيز:الجازي انا منكر قبل مخطبك كنت احبك حب اخوه موب مثل حبك لي وحتى فترة الخطبه مكنت ابادلك نفس الشعور بس................بعد مفسخنا الخطبه........تغير هذا الشي
الجازي:كيف؟؟!!
عبدالعزيز:بعد مفسخنا الخطبه حسيت إني فقدت شي كبير بحياتي شي.....شي مكنت عارف أنه راح يعذب قلبي بفراقه...حسيت له شي بقلبي غير عادي..يخاوني بحلمي وبسهري..
اول كان قدامي وعيوني متهتم لشوفته والحين تبيع الدنيا عشان لحظة لقاه....
الجازي تجمعت دموعها بعيونها عبدالعزيز كان شكله متعذب وهو يتكلم واول مره تحس انه يكلمها بقلبه موب بلسانه نست نفسها وماحست لغياب راشد حتى....
الجازي:وشنو هالشي؟؟
عبدالعزيز:معقوله معرفتيه؟؟
الجازي:وكيف بعرفه؟؟
عبدالعزيز:انتـــــــــــــــــي يالجــــــــــــــــــــــــــازي
الجازي انصدمت وحست انها بحلم مستحيل عبدالعزيز إلي يقول هالكلام...
الجازي بخاطرها:مستحيل عبدالعزيز إلي جالس قدامي عبدالعزيز إلي كان يتمنى لحظه فراقي يقول هالكلام مستحيل اصدق انا بحلم ولابعلم آآآآآآآآآآآآآآآآآآه ه ه ه ه ه ه
نزلت دمعه من الجازي كلها حيره من كلام عبدالعزيز..عبدالعزيز يطالع الجازي بنظرات رومنسيه وحنونه...عبدالعزيز:مابي اشوف دموعك..انا جيتك بلهفة عاشق مشتاق لإبتسامتك وضحكتك مجيتك اشوف دموعك
الجازي واخيراً تكلمت:ماكان الفراق اختياري ياعبدالعزيز..تحملت صدك وجفاك لي مكنت ابي اخسر من حبيته وعشقته انت الوحيد إلي عصاني القلب عشانه ليمتى بتحملك واتحمل جفاك ماكان في حل إلا الفراق مع انه كان صعب حيل علي بس دامها رغبتك...وبتقول انا إلي طلبت نفسخ الخطبه....اكيد بعد معرف انك عيشتني بحب وعشق كلها اوهام مستحيل اقبل اني اكمل حياتي مع شخص اغليته ورفعته بعيني وهو مايحس لي حتى لوكنت بقربه
عبدالعزيز يحاول يمسك دمعته إلي مقدرت تظل بعينه اكثر من بعد كلام الجازي...
عبدالعزيز بصوت متكسر:بس الحين الوضع تغير انا...احبـــــــــــــــــــــــــك يالجازي
رجف قلب الجازي من سمع هالكلمه..الكلمه إلي كان ينتظر يسمعها من سننين...
الجازي:تحبني..مستحيل اصدق
عبدالعزيز:ليه؟؟ليه مستحيل تصدقين..يالجازي بعد مفسخنا الخطبه قلبي ماهدا إلا يوم شافك وعيوني مارتوت إلا يوم ناظرت عيونك
الجازي:معقوله تحبني ياعبدالعزيز بعد مكنت تكرهني و........
قطعها...
عبدالعزيز وهو ضاغط على اسنانه:لاتقولي اكرهك
الجازي:بس هذي الحقيقه
عبدالعزيز:حقيقة الماضي بس المستقبل حقيقته غير حقيقته اني احبك ومستحيل اكمل حياتي من دونك
الجازي:وهالماضي خدعني وعطاني درس مستحيل انساه
عبدالعزيز:بس انا ابيك................ابيك ترجعين لي محد عرف بموضوع فسخ خطبتنا ونقدر نخليه يروح مع الماضي وننساه ولاكنه صار
الجازي:انساه ولاكنه صار.......ارجوك ياعبدالعزيز بلاك مشفت حالتي بهالماضي الي تقولي انساه كل ليله اجلس بروحي متخاويني إلادموعي... دموعي الوحيده إلي وفت لي حتى قلبي خاني ومرضى ينساك وينسى حبه لك
عبدالعزيز:ايش قصدك؟؟
الجازي:قصدي اني مستحيل ارجع لك ياعزيز
عبدالعزيز جى بيتكلم بس الجازي ماخلته...
الجازي:انساني ياعزيز وخلي قلبك يرجع لقساه وجفاه لي
عبدالعزيز:مقدر مقدر يالجازي......اذا فكري قدر ينساك قلبي مستحيل
الجازي:ولا قلبي يقدر بس لازم هذا إلي يصير
سكتوا شوي وحاولت الجازي تمسك دموعها مرت 10 دقايق والصمت بينهم...
الجازي:وينه راشد؟؟
عبدالعزيز:رجع البيت
الجازي:رجع؟؟وانــــــــــــا من برجعني؟؟!!
عبدالعزيز:انـــــــــــــــــــا
الجازي:لامابي بكلم السايق
عبدالعزيز:بترجعين مع السايق وانا موجود صاحيه انتي........(وقف عبدالعزيز)انا بوصلك
وقف الجازي ومشت بهدوء وركبت السياره بدون متكلم عبدالعزيز وطول الطريق وهم ساكتين حط عبدالعزيز"ماكان الفراق"لعبدالمجيد وسمعتها الجازي وانهارت دموعها وصلوا بيتهم وقبل متنزل الجازي ناداها عبدالعزيز

عبدالعزيز:الجازي
الجازي تلتفت:هلا
عبدالعزيز:ابي اقولك كلمه اخيره
الجازي:أيـــش؟؟
قرب عبدالعزيز من الجازي وباسها في خدها وقال بهمس باذنها:احبــــــــــــــــــــــك
الجازي وجها صار احمر وقلبها من زود نبضاتها بذوب..نزلت الجازي من السياره وشوي وبيغمى عليها اما عبدالعزيز فمشى ولا ارادي طاحت منه دمعه كان ماسكها طول ماهو مع الجازي...
وفي الصباح صحى نايف وفطر وركب سيارته عشان يروح المدرسه وهو في الطريق...
نايف:أنا لازم اليوم اقول لفهد مستحيل اتحمل اكثر من كذا..وبعدين ماجد شكله حس بشي ...اوووووووف ياربي ايش هالبلوى إلي بليت روحي بها
وصل نايف المدرسه ولقى فهد وناداه...
نايف:فهد..فهههههههههد
فهد يلتفت لنايف:هلا والله
نايف:تعال ابي اكلمك شوي
راحوا نايف وفهد لمكان بعيد عشان لااحد يسمعهم...
فهد:خير
نايف:فهد...انا...انا ابي اقطع الموقع
فهد منصدم:نعععععععععععم ليه؟؟
نايف:بس كذا مليت منه وبعدين ماجد وراشد اخوي بدوا يحسون بشي
فهد:من ارتباكك واخوفك كل ميتكلمون عن الموقع
نايف:عشان كذا خلنا نقطعه احسن
فهد:سوووووووووري انا ماظنيت الموقع ينشهر كذا وبعد متعبت عليه تبيني اقطعه احلم
نايف:بتقطعه غصباً عنك............ شكاوي الأهالي زادت واليوم ولا بكره راح ننكشف
فهد:خلهم يشتكون ماراح اقطعه
نايف:اوكي براحتك بس من اليوم اقولك انا لااعرفك ولاتعرفني وهالزفت الموقع لك بروحك فاهم
فهد:نايف بليز لاتتهور
نايف:انا تهورت لما طعتك على الموقع ياحقير
فهد:لاتبدا بالغلط
نايف يضحك على جنب بسخريه:لا ابدا بالغلط؟؟!!..........انت كلك على بعضك غلط
فهد:مابرد عليك
نايف:لأنك موب قدي
فهد:بتندم يانايف
نايف:موب انا إلي امشي بالتهديد
فهد:بنشوف
نايف وهو ماشي:اعلى مابخيلك ركبه
فهد:انا اوريك يانايفوه
ومن جهه ثانيه في الشركه كان مشعل جالي بمكتبه ويكلم هيا بالتلفون...
هيا:طيب يالله بروح اشوف بندر
مشعل:اوووووووف تراني بديت اغار منه كل مكلمك قلتي بشوف بندر ياخي وانا كمان لي حق تدلعيني
هيا:لا حبيبي انت دلعك غير
مشعل:وينه مشوفه؟؟
هيا:بعدين........يالله روح شوف شغلك
وفي ذا الوقت دخلوا مساعد وراشد مكتب مشعل وماحس عليهم لأنهم دخلوا بشويش ومشعل عاطي ظهره الباب...
مشعل:اول قولي لي احبك
مساعد واقف ورا كرسي مشعل...
مساعد بصوت انثوي:أحبك
التفت مشعل بسرعه مخترع وشاف مساعد وراشد يضحكون ضربه ورجع يكلم هيا...
هيا:وينك؟؟
مشعل:اوكي حبيبتي بكلمك بعدين(يطالع مساعدوراشد)عندي ناس غثه
هيا:اوكي باي
مساعد:افا حنا غثه وهذا حنا اولادعمك ومن اسبوعين مشفناك بدل متستقبلنا بالأحضان
مشعل:هلا والله.........كيفها رجلك؟؟
مساعد:افضل
مشعل:وينه اخوك ليه مجى اليوم؟؟
مساعد:والله مدري مجلس معانا على الفطور الصباح
مشعل:والله انا اخوك هذا بجنني
راشد:ههههههههههههه ليه؟؟
مشعل:ياخي حد عنده قمر مثل الجازي ويقول مايحبها
انتبه مشعل لكلامه وارتبك ومساعد كمان اما راشد يطالع مشعل ومساعد وهو رافع حاجب ومستغرب...
راشد:مايحبها؟؟
مساعدبارتباك:لا لا......يمزح معك مشعل يعني متعرف حركاته
مشعل:ههههههههههههههههههههههههههههه ايوه صح وانت صدقت
راشد:بس شكلك مكنت تمزح
مشعل:ايوه لاني شاطر بالمقالب خخخخخخخ
راشد موب مقتنع بالكلام...مساعد:راشد إيش فيك بجد صدقته عبدالعزيز لوميحب الجازي كان مخطبها بعدين عزيز يموت بشي اسمه الجازي
مشعل:تراني كنت امزح معاك رشووود
راشد:اهااااااااا
مشعل:تفضلوا
مساعد:بعد إلي سويته وتبينا نتفضل
راشد:لا لا بنمشي عن اذنك
طلع راشد قبل مساعد ومساعد وهو طالع...
مساعد:ياويلك من عبدالعزيز
مشعل:مساعدوه تأدب لاتقوله
طلع مساعد وهو يمشي بسرعه ورا راشد...
مساعد:راشد إيش فيك اوقف لحظه؟؟
راشد وقف:هلا
مساعد:رشود إيش فيك ليه موب راضي تصدق إنه كان يتمسخر
راشد:حد يتمسخر في هذي المواضيع
مساعد:مشعل يحب هذي الأشياء معليك منه...........صدقني ياراشد عزيز يحب الجازي
راشد اخذ نفس وهدا شوي:عبدالعزيز في بيتكم؟؟
مساعد:مدري يمكن ليه؟؟
راشد:خلنا نروح بيتكم
مساعد:اوكي
راحوا مساعد وراشد بيت بوعبدالعزيز دخلوا...
مساعد:عزوووووووووووووووز..............عزيييييييييي ييييييييييييييييييييز
طلع عبدالعزيز من المسبح وكان شكله مضايق وتعبان حيل...
عبدالعزيز:إيش تبي؟؟؟(انتبه لراشد)هلا والله راشد
راشد:عزيز ابي اسالك سؤال وجاوبني بصراحه بليز
عبدالعزيز:إيش؟؟
راشد:انت تحب الجازي؟؟
عبدالعزيز مستغرب حيل:اكيد احبها.......إيش هالسؤال هذا
مساعد:لابس مشعل اليوم كان يمزح مع راشد وقال انك متحب الجازي وراشد اخذها بجد
عبدالعزيز:مشعل.....انا ذابحه ذابحه..........معليك منه ياراشد انا احب الجازي ولو ماأحبها كان مخطبتها.............ولا خليتك تعزمها على العشا البارح
راشد:متأكد؟؟
عبدالعزيز:كيف موب متأكد؟؟............(يغمز لراشد)ولا على بالك بس انت إلي تحب
راشد:هههههههههههههههههههههههههههه
مساعد:عشا؟؟؟!!!!!! إي عشا؟؟!!!
راشد:اوكي انا بروح باي
مساعد:وين بدري تعال اجلس شوي
راشد:لا لا بروح عندي محاظره بعد شوي سلام
راح راشد وعبدالعزيز جى بيركب غرفته بس مساعد مسكه من يده...
مساعد:وين رايح تعال قولي إيش قصة العشا؟؟
عبدالعزيز يطالع مساعد بنظرات حزن...
عبدالعزيز:مساعد انا تعبان بعدين اقولك

وبعد الدوام في الظهر ماجد كان طالع من المدرسه بيركب سيارته والتفت على صوت حد يناديه...
فهد:مااااااااااااجد
ماجد يلتفت:هلا
فهد:ماجد ممكن اكلمك شوي
ماجد بدون نفس:ايش تبي؟؟
فهد:ابي اكلمك عن نايف
ماجد:نايف؟!!!.........إيش فيه؟؟؟
فهد:مينفع في الطريق خلنا نركب السياره
ركب ماجد وفهد سيارته...
ماجد بخوف:تكلم
فهد بارتباك:أنا بقولك بس مابيك تعصب و.........
ماجد يصارخ:تكلم بلا مقدمات سخيفه
فهد:طيب طيب تعرف موقع(***********)
ماجد:إيش فيه؟؟
فهد بارتباك شديد:هذا....نايف.......هو.........اوووووووه انا ونايف اصحابه

كيف بتكون ردة فعل ماجد؟؟بهاوش نايف ولا بيسكت؟؟
بتغير الجازي راييها ولا لأ؟؟
إيش إلي بخلي راشد يصدق إن مشعل كان يمزح؟؟
بايـــــــــــــــــــــــــــــــــوه

الجزء الثانــــــــــــــــي عشر

انصدم من إلي سمعه تم يطالع فهد وهو رافع حاجب بنظرات عصبيه...
ماجد مستغرب:انت ونايف؟؟؟!!!
فهد بخوف من نظرات ماجد:أي..ايوه
ماجد:مستحيل........انا اوريك يانايفوه
فهد كان خايف من ردة فعل ماجد وبداخله كان فرحان لأنه انتقم من نايف...
ماجد باستسلام:انزل من السياره
فهد:طيب ماجد............
قطعه ماجد بصرخة عصبيه:انـــــــــــــــــــــــــــــزل
فهد نزل على طول وحرك ماجد السياره بسرعه......
فهد يضحك بسخريه:بنشوف من هو قد الثاني يانايف
أما ماجد فكان معصب حيل وموب عارف شسوي...
ماجد:لاياتعبان.......كنت عارف فيه شي بينك وبين فهدوه لكن انا اوريك
اخذ نفس عشان يهدا شوي ويدق جواله وكان نايف المتصل...
ماجد:هلا نايفوه
نايف:هلا......صار عنك كتابي الأحياء؟؟
ماجد يدور بين كتبه:ايوه هذا هو
نايف:طيب إيش فيه صوتك تعبان؟؟
ماجد:ولا شي.......اجيبه لك الحين؟؟
نايف:ايوه
ماجد:اوكي باي
نايف:باي.......................إيش فيه صوته موب طبيعي؟؟!!
وصل ماجد بيت نايف ودق عليه عشان يطلع ياخذ الكتاب وقبل ماينزل من السياره...
ماجد تنهد:أخاف اشوفه واذبحه...................لازم امسك اعصابي
نزل من السياره وطلع له نايف واخذ الكتاب...
نايف:تفضل
ماجد:لالا بروح تعبان ابي انام
نايف:مجود إيش فيك؟؟
ماجد:قلت لك تعبان شوي
نايف:طيب ليه معصب؟؟
ماجد:إلا ماقلت لي انت إيش بينك وبين فهد؟؟
نايف بزلة السان:الموقع
انتبه نايف لكلامه وارتبك وحاول يدارك الموضوع بس مقدر....
ماجد يبين انايف انه مستغرب بس من داخله معصب...
ماجد:الموقع؟؟!؟؟!
نايف بارتباك:لالا إي موقع.....ايوه......لا.........ايوه..........مدري.. ..موقع المدرسه......ايش فيك؟؟........ايوه موقع المدرسه
ماجد بخاطره:خلني امشي قبل لااذبحه........................اوكي باي
ماجد وهو رايح يركب السياره...
نايف:ما......ماجد لحظه
التفت ماجد لنايف ومقدر يمسك اعصابه اكثر ومسك نايف من قميصه ورماه على السياره...
ماجد بعصبيه:انت شســـــــــــــــــويت؟؟
نايف بخوف وارتباك:ايش.........شســــــــــــــــويت؟؟!! !؟؟
ماجد حاول يتمالك اعصابه ورفع يده عن نايف ورفعه عن السياره...
ماجد يضحك عشان يخفي عصبيته:هههههههههههههههههههههه مشت عليك
نايف مستغرب:إيش فيك موب على بعضك اليوم؟؟
ماجد:ابد امزح معك..........تأخرت يالله باي
نايف:باي
ركب ماجد سيارته ورجع بيتهم أما نايف دخل بيتهم وهو مستغرب من ماجد...وفي بيت بوعبدالعزيز كان عبدالعزيز جالس يوقع اوراق بمكتبه ودخل مساعد...
مساعد:مرحبــــــــــــا يالغلا
بوعبدالعزيز:هلا.............جيت بوقتك مساعد
مساعد:خيـــــــــــــر
بوعبدالعزيز:هذي الاوراق ابيك توديهم بيت عمك سعود
مساعد:ها......بيت عمي سعود طيب خلي عزيز يوديهم
بوعبدالعزيز:اخوك نايم....ليه انت مشغول؟؟
مساعد:لأ......قصدي ايوهبوعبدالعزيز:كل هذا عشان لاتشوف عزام انتوا بعد إلي صار بينكم مفروض تتصالحون
مساعد:خلاص خلاص يبه بوديهم
بوعبدالعزيز:قل كذا من البدايه لازم الواحد يصارخ
مساعد:وينهم؟؟
بوعبدالعزيز:تفضل
اخذ مساعد الأوراق وراح بيت عمه بومشعل وصل ودق جرس الباب وفتحت له الخدامه...
مساعد:هاي....وينه عمي؟؟
الخدامه:في العمل
عزام كان نازل على الدرج ولقى مساعد على الباب...
عزام:مساعد غريبه موب من عادته يجي بيتنا....................هلا مساعد
مساعد:اهلين عزام
عزام:ليه واقف تفضل؟؟
مساعد:لا بس جايب هذي الأوراق لعمي
اخذ عزام الأوراق من مساعد...
عزام:طيب اجلس شوي إيش وراك؟؟
مساعد:الغـــــــــــــداههههههههههههههه
عزام:ههههههههههههههههههههههه طيب بدري على الغدا اجلس شوي؟؟
دخل مساعد وجلس مع عزام بالصاله...
مساعد:ليه مرحت الجامعه اليوم؟؟
عزام:لا بس تعبان شوي
مساعد:أهاااااااااا
عزام:إيش رايك اعزمك على الغدا؟؟
مساعد:اممممممممممممممممممم واي نات
عزام:اوكي بروح اجيب جوالي
مساعد:انتظرك بالسياره
مساعدو وهو طالع كانت حلا داخله...
حلا اخترعت:من مساعـــــــــــــــــــــــــــــــــد؟؟!!؟؟! ؟؟!
مساعد:هاي حلا كيفك؟؟
حلا:هايات تمام.......................وينك يالقاطع؟؟
مساعد:موجود
حلا:وين رايح بدري مشفناك؟؟
مساعد:لا معزوم على الغدا؟؟
حلا:بجد والله من عازمك؟؟
مساعد:عـ.........وانتي ليه ملقوفه كذا؟؟
حلا:لا بس فضول
مساعد:عزام
حلا بخاطرها:عزام ومساعد بيتغدون مع بعض......إيش صاير بالدنيا...............اوكي بالعافيه
مساعد:على قلبك باي
حلا:باي

راح عزام لمساعد بسيارته وفي الطريق مساعد يحك شريط خالد عبدالرحمن في المسجل..
مساعد:تسمع لخالد؟؟
عزام:اكيد.........فناني المفضل؟؟
مساعد:مي تو
وصلوا المطعه واخذتهم السوالف ومشى الوقت ومحسوا عليه........والساعه 4 العصر ماجد كان جالس بغرفته ويفكر...
ماجد:اقول لراشد محد بيقدر يحل هالمشكله إلا هو آآآآآآه ه ه ه يانايفوه إيش هالبلوى إلي بليت روحك بها آخر شي كنت متوقعه منك...................لازم اقول لراشد
نرجع لمساعد وعزام.....وهو يسولفون دق جوال مساعد......
مساعد يطالع وهو رافع حاجب ومستغرب:إيش جابها هذي؟؟
عزام:هلا
مساعد:لا ولا شي
عزام:اوكي ليه مترد؟؟
مساعد:لا هذا واحد غثه مابي ارد عليه
عزام يطالع الساعه:أوووووف مشى الوقت بسرعه
ودق مره ثانيه جوال مساعد...
عزام:رد عليه شوف إيش يبي؟؟
مساعد:آلو
وجد:مرحبا حبيبي
مساعد:هلا
وجد:وحشتني حيل حبيبي مشتاقه لصوتك
مساعد:انا مقلت لك لاتدق علي؟؟
وجد:مقدرت اتحمل اكثر بليز مساعد خلني اسمع صوتك بين فتره وفتره
مساعد:إيش الفايده؟؟
وجد:ارتاح واطمن قلبي عليك
مساعد:انا مقدر اكلمك انت إيش فيك متفهم؟؟
وجد:جالس مع اهلك؟؟
مساعد:وليه تسأل؟؟
وجد:لأنك تكلمني كني ولد
مساعد:ايوه
وجد:قلبي....
مساعد بلحظه عصبيه لاإرادي:لا تقول لي قلبي
عزام يطالع مساعد مستغرب...
وجد:ليه؟؟!!انت قلبي وروحي وكل دنيتي
مساعد:اوكي باي
وجد:مساعد بليز لاتسكره لسى مشبعت من صوتك
مساعد:وبعدين معاك
وجد:اوكي حبيبي باي
سكر الخط مساعد وكان مضايق شوي...عزام:يعني هذا الولد يحبك؟؟
مساعد:هلا...ليه؟؟!!
عزام:لا بس اسمعك تقوله لاتقولي قلبي
مساعد:تقريباً نمشي؟؟
عزام:يالله
أما هي فكانت جالسه بعالمها الخاص عالم الحزن والحيره قلبها يسأل ودموعها تجاوب عليه...
الجازي:معقوله عبدالعزيز يحبني معقوله قلبه يحس بعذاب الحب مثلي........بس انا مابي اغلط مثل غلطتي يوم وافقت عليه بدون تفكير...وكافي علي الصدمه إلي عطاني اياها
وفي الليل رجع مشعل بيتهم وملقى حد وراح لشقه..كانت هيا جالسه تطالع التلفزيون...
مشعل بصوت زعلان:مساء الخير
هيا:مساء النور
راح مشعل للغرفه عشان يغير ملابسه....
هيا:إيش فيه؟؟.............خلني اروح اشوفه
راحت هيا لمشعل....
هيا:حبيبي إيش فيك؟؟
مشعل:مافيني شي
هيا:علي انا......شكلك مضايق؟......يالله قولي
مشعل:ايوه زعلان منك
هيا مستغربه:انـــــــــــــا؟؟!!ليــــــــــــــــــــ ـه؟؟!!
مشعل:وليه يهمك؟؟
هيا:إذا ميهمني زعل الغالي من يهمني زعله
مشعل:زعل الغالي ندر.......روحي له ليه جالسه هنا
هيا سكتت شوي:حبيبي نسيت انك بعد عمري آسفه ولا اعيدها مره ثانيه
مشعل:هيا انا مابيك تقللين من اهتمامك ببندر مهما كان هذا ولدنا بس انا كمان لي حق عليك
هيا:حقق علي يادوا الروح أنا آسفه
مشعل يبتسم:مشكلتي احبـــــــــــــــــــك
هيا تلتفت يمين وشمال:وينه كتكوتي؟؟
مشعل:هذاني قدامك
هيا:لا موب انت بندر
مشعل:لا حوووووووووووووول
هيا:ههههههههههههههههههههه امزح معك
وفي بيت بوراشد كان عبدالعزيز جالس مع راشد بالصاله......شوي وتنزل الجازي وكانت لابسه عباتها...
الجازي شافت عبدالعزيز واستغربت:مرحبـــــــــــــــا
عبدالعزيز وراشد:هــــــــــــلا
عبدالعزيز يبي يعاند الجازي:وين رايحه؟؟
الجازي بخاطرها:وانت من عشان تسألني؟؟......................بروح ارجع لصاحبتي اغراض اخذتهم من عندها
عبدالعزيز:ومن بوصلك؟؟!!
الجازي بخاطرها:يارررربي برد عليه بس عشان راشد لايشك......................السايق
عبدالعزيز:نعم السايق؟؟!! لا لا مافي
راشد:وليه لأ؟؟
عبدالعزيز:انا اغار على خطيبتي ماابيها تركب مع السايق بروحها
راشد:ولا اول مره تركب معاه هي
الجازي تضايقت شوي بس موب قد مفرحت لإهتمام عبدالعزيز بس بعد إيش؟؟
الجازي/ماراح اطول دقايق وراجعه
عبدالعزيز:أممممممممممممممممممم اوكي
الجازي:باي
بيقول ماجد لراشد عن موضوع نايف ولا لأ؟؟
كيف بتكون علاقة مساعــــــــــــد وعــــــــــــــزام بعد ماتصالحوا؟؟

الجزء الثالث عـــــــــــــــــــــــشر

يوم الاربعاء الساعه 4 العصر...
الســـــــــــــــــــــــلام...
مدري من وين ابتدي ابدأ من عذاب القلب ولا من حسرة العين تركتني بروحي في ظلمة الحب لادليل ولا رفيق مالي غير قلبٍ يعاتب وعين تلوم على حبيبٍ رفضت قلبه يوم انه عطاني اياه وبعد ماخسرته حس قلبي لغلاه وتندم لفرقاه وصارت ليليي سهر ولوم وعتاب ما أنكر قبل لاسمعت صوته الجو هادي بس الحين يرجف القلب من يسمع همسته دنيتي تتلخص بحبك يوم وله ويوم عتب ويوم عذاب حبيبي جيتك بقلب مشتاق لصوتك وهمسة كلامك حبيبي جيتك بعين مشتاقه لشوفتك ونظرت عينك حبيبي جيتك اعتذر عن جفا قلبٍ ماعرف غلاتك إلا مع فرقاك.
حبيبتي ابيك تفكرين بالموضوع وانا انتظر ردك
هذي كانت رساله من عبدالعزيز للجازي رسلها على الإميل بعد ماقرت الجازي الرساله...
الجازي:عبدالعزيز حرام عليك انا تعذب واتعب من التفكير وانت موب حاس فيني...انا ابي ارجع لك اليوم قبل بكره مشتاقه لك ولصوتك ولبسمتك....بس انا انصدمت فيك اكبر صدمه مابي اعيدها
ماكملت كلامها إلا بدمعه على خدها جلست على السرير ومن تعب التفكير نامت...ومن جهه ثانيه راشد كان جالس على المسنجر وفيه اميل ضايفه شوي ويدخل صاحب الإميل....
صاحب الإميل:الجنرال راشد:مخاوي الليل
الجنرال:مرحبا
مخاوي الليل:ياهلا....من معي؟؟
الجنرال:أنا ماجد صاحب نايف
مخاوي الليل:اهلين هلا ماجد كيفك؟؟
الجنرال:بخير وانت شلونك؟؟
مخاوي الليل:تمام
الجنرال:راشد انا ابي اكلمك بموضوع
مخاوي الليل:خير انشالله
الجنرال:راشد قبل مااقولك مابيك تعصب وحاول تتفهم
مخاوي الليل:اوكي قول
الجنرال:نايف
مخاوي الليل:شسوى بعد؟؟
الجنرال:تعرف موقع(**************)
مخاوي الليل:ايوه.... ايش فيه؟؟
الجنرال:هذا.........نايف وفهد...........اصحابه
راشد انصدم من كلام ماجد سكت شوي وموب عارف ايش يقول ولا شسوي؟؟!!
مخاوي الليل:نايف...نايف اخوي
الجنرال:للأسف ايوه.............بس راشد الله يخليك لاتهاوشه كلمه بهدوء
مخاوي الليل:شنو مااهاوشه انا زين إذا ماذبحته
الجنرال:لا بليز راشد
راشد ماقدر يتحمل اكثر وراح لغرفة نايف فتح الباب بقوه ودخل معصب ونايف شافه واخترع....
نايف:ايش فيك؟؟
راشد:لا يالنذل يالتعبان
نايف:راشد إيش فيك؟؟
راشد:مسوي فيها ماتعرف
نايف:ايش إلي اعرفه؟؟
راشد مسك نايف من قميصه...
راشد يصارخ:ليه يانايفوه ليه نزلت راسنا بالأارض كذا
نايف:عن ايش تكلم
راشد:لاتغيشم نفسك
نايف رفع يد راشد...
نايف:طيب اهدا...... اهدا وفهمني الموضوع
راشد تنهد عشان يهدا ونايف كان خايف حيل اول مره يشوف راشد معصب كذا...
نايف بخوف:را...راشد إيش صاير؟؟
راشد يطالع نايف بنظرات عصبيه...
راشد:إيش بينك وبين الزفت فهد؟؟
نايف ارتبك وحس ان راشد يعرف عن الموقع.

راشد يصارخ:تكلـــــــــــــــــــــــــــــــــم
نايف:مافي شي
راشد:مافي شي..انا اقولك إيش فيه....موقع(**************)
نايف وقف منصدم موب قادر يتكلم وكيف يبرر الموقف...
نايف:انا...انا..قلت له بنقطع الموقع بس هو مارضى
راشد:بعد ايش بعد ماصار الشغل الشاغل لشباب بعد مافضحتوا البنات خلق الله وشوهتوا سمعتهم بعد ما نزلت راسنا بالأرض...الحين انبك ضميرك....الحين حسيت بالذنب
نايف موب عارف ايش يقول كلام راشد صح وماقدر ينكره...
راشد:لهذي الدرجه انت متهور وماتفكر...ماخفت انك تنكشف
نايف:مدري
راشد:اجل من إلي يدري........كذب عليك بكلمتين وصدقته
نايف:راشد انا اعترف اني غلط........وحاولت معاه يقطعه بس مارضى
راشد:راح يقطعه غصباً عنه اهو بكيفه.......دق عليه هالتعبان
نايف:بس انا متهاوش معاه
راشد يصارخ:دق عليـــــــــــــــــــه
نايف:طيب......ايش اقول له؟؟
راشد:قول له انك تبي تشوفه الليل بسرعه
كل نايف فهد...
فهد:ياهلا والله
نايف بدون نفس:ابي اشوفك الليل
فهد:طيب سلم قول شي......قلت راح تغير رايك
نايف:الساعه 7 ابي اشوفك بالكافي
فهد:طيب
سكر نايف الخط وطالع راشد بخوف...
نايف:إيش بتسوي؟؟
راشد وهو طالع:بعدين تعرف
نروح للحبيبين المخبي كل واحد منهم حبه عن الثاني كل يوم هالمشاعر تزيد حب وشوق لشوفة بعض كل واحد منهم ينتظر شوفة الثاني ويروي ظمى عشقهم...اشواق كانت جالسه بالصاله....
اشواق بخاطرها:آآه ه ياعزام لو تدري بحبي لك لوتدري اني مجنون قلبي فيك يارررربي انا صرت اعشق هالولد موب بس احبه....
قطع تفكيرها التلفون...
اشواق:ألو
حلا:هلا اشواق
اشواق:هلا والله حلا
حلا:اشواق بنروح السوق انا وبيان ووجدان بتروحي معنا؟؟
اشواق:طيب والهنوف؟؟
حلا:كلمتها قالت ماتقدر
اشواق:اوكي
حلا:خلاص ربع ساعه اجهزي وبنمر عليك الحين
اشواق:طيب
حلا:باي
سألت اشواق امها ووافقت وراحت تغير ملابسها....حلا جالسه تقنع عزام يوصلهم....
عزام:لاتحاولين خلاص قلت لأ والف لأ
حلا:طيب انت مابطول بس بتوصلنا بيت خالتي وبعدين السوق
عزام:والله ماتبيني امر على الجيران بعد
حلا:هههههههههههههههههه لأ يالله عزوز

عزام:من الي بروح؟؟
حلا:انا وبيان واشواق ووجدان
عزام من سمع اسم اشواق رجف قلبه بخاطره:اشواق...واخيرا بشوفها واخيرا بشوف حلم قلبي.............................امممممممممممممممم مم اوكي
حلا:بجد والله
عزام:ايوه
حلا باست عزام:تسلم يالغالي
راحت حلا لبست عباتها وكانوا بيان ووجدان معاها طلعوا وركبوا السياره مع عزام...
عزام:ماعرفتونا على الحلو إلي معاكم؟؟
بيان:أحم أحم..انا بيان ماعرفتني
عزام:هههههههههههه ومن كلمك انتي
بيان:طيب جامل
عزام بثقه:انتي تعرفين يابنت العم انا مااعرف اجامل
بيان:طيب تقصد من؟؟
حلا:هذي وجدان
عزام:اهااااا ياهلا والله
وجدان:هلا فيك
وصلوا عند بيت بوحمد ودقت حلا على اشواق وطلعت...
اشواق:الســـــــــــــــلام
الكل:وعليكم
جلست اشواق جنب بيان ووجدان ورا وفي الطريق رفع عزام يطالع بالمرايا وشاف اشواق تطالعه استحت ونزلت راسها عزام ابتسم..دق جوال اشواق...
وجدان تكلم اشواق بصوت خفيف:هذا الرقم إلي قلتي لي عنه؟؟
اشواق:ايوه
وجدان:طيب ردي عليه
اشواق:لا مابي
دق جوال اشواق مرتين وثلاث...
حلا تلتفت لها:ايش فيك ليه ماتردين؟؟
اشواق:لا هذا رقم غريب ماعرفه
حلا:عزوز رد عليه
عزام:اوكي
خذت حلا الجوال من اشواق وعطته لعزام ورد عليه....
عزام:آو
الولد:مرحبا
عزام:ياهلا
الولد:هذا....موب جوال......مناير؟؟
عزام:لا والله
الولد:متأكد؟؟
عزام:ايش متأكد...... استهبل معاك يعني
الولد:طيب ليه مضايق؟؟
عزام:موب مضايق ومره ثانيه تأكد من الرقم قبل ماتكلم
الولد:طيب ولا يهمك
عزام:باي............................ناس فاضيه
وصلوا المجمع وقبل ماينزلون...
بيان:عزوز انزل معانا
عزام:لا مالي خلق
حلا:لا بجد انزل
عزام:والله مدري