قصه عاشها قلبين <<<جنااااااان

هـــــــــــ الحب ــــذا............(قصه سعوديه أجزاء)
السلام عليكم
جبت لكم قصه سعوديه مرره روعه.........اتمنى يعجبكم
القصه شفتها في منتدى ثاني مره رووووعه
....................
شخصيات القصه:

عائلة بومشعل/ بومشعل – أم مشعل
- مشعل(29سنه) متزوج وعنده الدلوع بندر يشتغل مع ابوه وأعمامه بشركتهم.
- هيا زوجة مشعل
- عزام(19سنه) يدرس بسنه أولى جامعه وجميل خلوا جماله بصوب ونظرة عيونه بصوب.
- حلا(17سنه) بالثانويه حلوه وفضوليه.
ــــــــــــــــــــــــــــ
عائلة بوعبدالعزيز/ بوعبدالعزيز – أم عبدالعزيز
- عبدالعزيز(24سنه) آخر سنه له بالجامعه ويشتغل مع أبوه وأعمامه بشركتهم شاب حلو و وسيم ولطيف.
- مساعد(19سنه) يدرس بسنه أولى جامعه مغرور وقمر ماشالله عليه جماله ماينوصف.
- بيان(17سنه) تدرس بالثانويه بنت حلوه وبريئه وتحب ولد عمها(راشد).
ــــــــــــــــــــــــــــ
عائلة بوراشد/ بوراشد – أم راشد
- الجازي(22سنه) تدرس بالجامعه حلوه وناعمه.
- راشد(19سنه) بسنه اولى جامعه جميل ورزه ويحب بنت عمه(بيان).
- نايف الصغير(18سنه) بثالث ثانوي مشاغب وحلو ومتهور.
ــــــــــــــــــــــــــــــــــــــــــــــــ
وغيرها من الشخصيات بنتعرف عليها في القصه..
بومشعل وبوعبدالعزيز و بوراشد إخوان وعلاقتهم مع بعض قويه ..
ــــــــــــــــــــــــــــــــــــــــــــــــــ ــــــ
نبدأها بيوم ملكة عبدالعزيز على بنت عمه الجازي(عبدالعزيز من هو صغير مسمى لبنت عمه الجازي وهو ما يحبها بس ماحب يرفض كلمة أمه وأبوه فوافق وهو مايبيها والجازي تموت عليه)
كان عبدالعزيز بغرفته واقف عند الشباك ودخل مساعد...
مساعد:هلا والله بالمعرس
عبدالعزيز وهو شارد:هلا
مساعد:هذا شكل واحد اليوم ملكته مفروض تفرح
عبد العزيز يضحك بسخريه:أفرح..أفرح وأنا بكمل حياتي مع بنت ما أبيها ما أحبها
مساعد:عزيز هذا الواقع ولازم ترضى فيه وأنا متأكد إنك مع الأيام بتحبها
عبدالعزيز:أنا سنين ما أعجبت فيها في أيام راح أحبها مستحيل
مساعد:إذا ماتبيها ليه وافقة من البداية؟؟
عبدالعزيز:وأهلك بيهتمون لرايي
مساعد:الجازي حلوه وطيبه وإذا تقربت منها أكثر راح تتغير مشاعرك ناحيتها
أما الجازي فكانت فرحانه كثير وكانوا معاها بنات عمها بيان وحلا وزوجت ولد عمها هيا وكانت الكوافير تعدل الجازي بغرفتها..
حلا:بجد المكياج لعب دوره
هيا:لاوالله الجازي من زمان قمر
الجازي:تسلمين هذا الكلام الحلو موب كلامك
بيان:هههههههه أجل أنا أخليكم باروح أشوف خالتي إذا تحتاج مساعده
راحت بيان لأم راشد بالمطبخ...
بيان:مرحبا خالتي
أم راشد:هلا بنتي
بيان:تحتاجين مساعده؟؟
أم راشد:لا حبيبتي أنا خالصه شكراً
بيان:براحتك..خالتي أنا فوق إذا تبين شي ناديني

طلعت بيان من المطبخ ولقت عمها جالس بالصاله راحت تسلم عليه...

بيان:السلام عليكم عمي

بوراشد:هلا هلاوالله يالغاليه كيفك؟؟

بيان:بخير الحمدلله انت شلونك عمي؟؟

بوراشد:الحمدلله

بيان:كيف الشركه معاك عمي؟؟

وهو بيرد سمع صوت الأغاني على حدها..

بوراشد:منوهذا؟؟روحي يابنتي شوفي من مرفع على الأغاني كذا وقولي له يقصر على الصوت

بيان وهي قايمه:إنشالله عمي

ركبت بيان لمصدر الصوت وقفت عند غرفة راشد...

بيان:هذا ليه مطول على الصوت كذا؟؟خلني أشوفه

طقت الباب كذا مره وراشد من الصوت العالي ماسمعها عصبت بيان وفتحت الباب بقوه ولقت راشد متسطح على السرير ولابس شورت وتيشيرت بدون أكمام وسارح مع الإغنيه ...

بيان:راشد..راشد

راشد مشغول تفكيره وماسمعها دخلت بيان وسكرت الستيريو إنتبه لها راشد..

راشد وبكل برود:ليه كذا؟؟

بيان:إلي ماخذ عقلك يتهنى به

راشد يضحك على جنب:إلي ماخذ عقلي بنت ملاك عذبتني في حبي لها أبي أقول لها أحبك

بيان وهي كاتمه عصبيتها:من ماسكنك قول لها

راشد:متأكده أقول لها

بيان شوي وتصارخ في وجهه قام راشد من السرير وتقرب منها وهمس بإذنها..

راشد:أحبك

ضحكة بيان ونزلت راسها طلعت من الغرفه وراحت لغرفة الجازي...

هيا:انت وينك؟؟

بيان:أنا هنا ماتستغنون عني لحظه

حلا:موب بس الحبايب مايستغنون عنك

بيان:الله يرجك

وأخذتهم السولف ومضى الوقت وجاوا المعازيم وبعد شوي دخلت أم عبد العزيز على البنات...

أم عبدالعزيز:إيش هالزين والله عرف يختار ولدي

الجازي:مشكوره خالتي تسلمين

أم عبدالعزيز:يالله متى نفرح فيكم يابنات

حلا:آميــــــــــــــــــــــن

الكل قعد يضحك على حلا...

بيان:ها يمى إيش رايك فيني؟؟

أم عبدالعزيز:ياحبيبتي انت قمر

بيان بمسخره:أدري من زمان هههههههه

حلا:مصدقه روحك انت وجهك

بيان:أيوى وليه ماصدق حالي ماسمعتي أمي إيش قالت قمــــــــــــــــــــــــــــــــر

حلا:إيوى باين

بيان:تتطنزين حضرتك

حلا:لاوالله جد

بيان:على العموم مشكوره

أم عبدالعزيز:أنا نازله للمعازيم وانتوا إستعجلوا لكم شوي

بيان:يالله يالجازي متى تخلصين؟؟

الجازي:والحين متى الملكه؟؟

بيان:بعد6شهور7 كذا انت إيش فيك بعد شوي وبعدين المعازيم وصلوا بتقوم الحفله وناســــــــــــــــــــــه

حلا:لايطق لك عرق بس

بيان:انت إيش فيك علي اليوم بس تتطنزي

حلا:سوري

بيان:أحسب مابقى إلا البزارين

حلا:ماحد بزر غيرك

الجازي:ممكن تسكتون

بيان و حلا:إنشالله

بيان:أنا رايحه أضبط الميك آب وراجعه

حلا:مابتجي إلا وحنا خالصين

راحت بيان للحمام إلي بالطابق الثاني وقفت أمام المرايا إلي جنب الحمام..

بيان:غبيه هذي ماتعرف تحط الميك آب غامق كثيييييييييييييييييير

الاوتسمع صوت يكلمها...

الطرف الثاني:لا بلعكس

بيان باستغراب: رااااااااااااااااااااااااااااشد

كان راشد متكي على الجدار ويطالع بيان من فوق لي تحت

راشد: لا جورج بوش ..........أي راشد ليه أخترعتي؟

بيان بخوف:راشد روح لايشوفك أحد معي ..............أوووووه وين شيلتي ....عن أذنك

راحت بيان ووقفت على صوت راشد يناديها...

راشد:بياااااان

بيان:هلا

راشد:أحد قالك أنك مثل القممممر

بيان ضحكت وراحت ............وراشد تنهد وراح

وقفت بيان بعد ماراح راشد وتقول في نفسها:آآآآآآآآآآآآآآآآآآآآآآآه ه ه من زمان قالوها بس منك لها طعم ثاني آه ياراشد

وراحت بيان للبنات...

حلا:كل هذا تضبطين الميك آب

بيان:هاااا أيش

حلا:وييييييين رحتي؟؟

بيان:المريخ يعني وين رحت

هيا:بس انت وياها يالله تأخرنا خلنا ننزل

الجازي:أنا جاهزه

وقفوا عند الدرج وكانت الجازي جداً ناعمه فستانها أصفر فاتح وأزرق وميك آبها مثل ألوان فستانها وشعرها فيه حركه بسيطه من قدام وكانوا بيان وحلا وهيا وراها قربت هيا من الجازي...

هيا:يالله لا تخافين نزلي

الجازي خايفه ومرتبكه:طيب

نزلت الجازي الصاله والبنات وراها وتوجهت الأنظار كلها عليهم الجازي كانت مرتبكه كثير وصلت لأمها وسلمت عليها...

أم راشد:والله كبرت يابنتي وصرتي عروس

إبتسمت الجازي وباست راس أمها وراحت جلست على الكرسي شغلت حلا الستيريو ومسكت بيان إلي كانت جالسه على الكنبه وتحاول تقومها...

حلا:يالله قومي نرقص

بيان:لا لا مابي

حلا:يالله عاد بلا سخافه

إسحبت حلا بيان بقوه ورقصت معاها..أما في مجلس الرجال كان عبد العزيز متوسط أبوه وعمه ومساعد جالس جنب فيصل(صاحبه الروح باروح ومايفارقه)وراشد قبالهم..مساعد يطالع عبد العزيز ويقول بخاطره...

مساعد:ليه الإبتسامه المصطنعه ياعبد العزيز معقوله للحين وموب راضي بالجازي

قطع تفكيره فيصل...

فيصل:ها تفكر فيني؟؟

مساعد:أحد يفكر فيك انت وجهك
فيصل:حاصل لك قمر مثلي

عبدالعزيز يكلم مشعل:أقول بو بندر وينه عزاموه ليه ماجى معاكم؟؟

مشعل:والله مادري عنه طلعنا وهو نايم

راشد:نايم ولا مايبي يشوف مساعد

مشعل:أظن كذا

بوعبدالعزيز:راشد ولدي قول للحريم يسوون لنا درب بندخل ألحين

راشد:إنشالله عمي

مساعد دار لفيصل:تصدق إيش أحلى شي بالملكه

فيصل يعدل ثوبه:إحم أكيد أنا

مساعد:أوه ماخذ بروح مقلب انت أكلمك بجد ياغبي

فيصل:أيش؟؟

مساعد:عزاموه موب موجود

فيصل:حرام عليك والله عزام حلو

مساعد:ولي يرحم والديك أسكت هذا حلو

راح راشد المطبخ ولقى حلا هناك طق الباب ودارت حلا تشوف من...

حلا:أوه إيش ذى الأدب تقدم

راشد:من زمان مأدب بس ماحد مكتشف

حلا:إيه واضح

راشد و حلا:هههههههههههه

راشد:يالله قولي لهم بندخل ألحين

حلا:أوكي

راحت حلا الصاله وقالت لهم إرتبكت الجازي من سمعت حلا قالت إنهم بيدخلون قربت منها أم مشعل وقالت...

أم مشعل:خليك طبيعيه يالجازي لاتخافين

الجازي بتوتر:أحاول خالتي

بيان كانت جالسه جنب الهنوف (صاحبتها وقريبتهم من بعيد)...

الهنوف تكلم بيان:بيانوه بيدخل معاهم مساعد؟؟

بيان:أمممممم ماأظن

الهنوف:ليه؟؟

بيان: مساعدوه أخوي مايحب هذي الأشياء

الهنوف:خساره وحشني أبي أشوفه

بيان:أنا مادري انت كيف عاشقه مساعدوه وهو موب عاطنك وجه

الهنوف:قلبي بعد إيش أسوي..بعدين أنا متأكده مع الأيام راح أكسبه

بيان:بالمشمش..قلب مساعد صعب توصلين له

وفي مجلس الرجال..

بوراشد:يالله ياولدي عبد العزيز

عبد العزيز:يالله

عبدالعزيز كان مضايق كثير ومعصب وموب طايق الوضع إلي هو فيه وصلوا الصاله وأول ماشاف الجازي نزلت راسها وقال بخاطره...

عبدالعزيز:الله عليك يالجازي قمر قمر بس للأسف موب قادر أعتبرك خطيبتي

قرب عبد العزيز من الجازي وسلم عليها...

عبدالعزيز:كيفك؟؟

الجازي بصوت خفيف وناعم:بخير

جلس عبدالعزيز على الكرسي إلي جنب كرسي الجازي وكان معاه أبوه وعمه وراشد ونايف..جابت أم عبدالعزيز الشبكه وساعدت عبدالعزيز هي وأم راشد عشان يلبس الجازي وهو يلبسها الخاتم قالت بخاطرها...

الجازي:وأخيراً عطيتني الخاتم إلي بيربطني فيك ياعبدالعزيز

أما عبدالعزيز كان راسم إبتسامه على وجهه عشان لايحسسها إنه مايبيها ولا يخرب فرحة أهله جلسوا شوي...

بوعبدالعزيز:يالله ياعزيز روح إجلس مع زوجتك بروحكم

عبدالعزيز:طيب

راح عبدالعزيز مع الجازي وجلسوا بغرفه بروحهم..عبدالعزيز موب أول مره يجلس مع الجازي بروحهم بس إلي إختلف هذي المره إنه يجلس معاها كخطيب وخطيبته...

عبدالعزيز:مبروك ياقمر

الجازي:الله يبارك فيك...عزيز

عبدالعزيز:هلا

الجازي:إيش فيك شكلك تعبان

عبدالعزيز:أنا لا لا عادي

بعد صمت دام 5دقايق...

عبدالعزيز:هههههههههههههههههههههه

الجازي مستغربه:ليه تضحك؟؟

عبدالعزيز:لابس شكلك خجلانه كثير كأنك أول مره تجلسين معاي

الجازي:هههههه الوضع تغير

عبدالعزيز بخاطره:للأسف إنه تغير

طقوا الباب بيان وحلا ودخلوا...

بيان:سوري على الإزعاج بس ماتبون تتعشون؟؟
عبدالعزيز وهو قايم:أوكي أنا باروح المجلس للرجال باي

بيان وحلا والجازي:باي

طلع عبدالعزيز وجلست حلا جنب الجازي...

حلا:ها إيش قلتوا؟؟إيش قال لك؟؟

الجازي:مالك دخل بجد ملقوفه

وفي المجلس بين السولف والضحك دخل عزام...

عزام:السلام عليكم

الكل:وعليكم السلام

مساعد بصوت خفيف:أوف هذا إيش جابه يالله

راح عزام يسلم على عبد العزيز...

عبدالعزيز:لا لاتكلمني أنا زعلان عليك

عزام:ليه عسى ماشر؟؟

عبدالعزيز:كان لاجيت كمل نومك

عزام:ههههه سوري وحقق علي يابو الشباب ألف مبروك

عبدالعزيز:الله يبارك فيك

سلم عزام على أعمامه وبارك لهم وجلس جنب راشد...

(علاقة عزام مع راشد قويه أعظم من أخوه بس علاقته مع مساعد مكهربه مايحبون بعض ودايم إهواش)...

راشد ضرب عزام على كتفه:وينك انت ماتشبع نوم؟؟

قرب عزام من راشد وقاله بأذنه:ياغبي ماكنت نايم بس ماأبي أجي بدري وأقابل مساعدوه كثير

راشد:أها مثل ماتوقعت

وقف بوراشد:يالله ياجماعه تفضلوا العشا جاهز

راح الكل لقاعة الطعام عشان يتعشون ماعدا مساعد وفيصل إنتبه لهم نايف وراح لهم...

نايف:ماتبون عشا؟؟

مساعد وفيصل:شبعانين

نايف:انت إيش فيك إنقلبت من دخل عزام؟؟

مساعد:نايفوه مالي مزاجك إقلب وجهك

نايف:وإذا ماقلبته

طالع مساعد نايف بنظرات عصبيه خاف نايف...

نايف:لاطالعني كذا خلاص باروح باروح

راح نايف وهو يركض وضحك عليه فيصل شوي وقاموا راشد وعزام من العشا وراحوا يغسلون...

عزام:وينه السخيف ماشفته على العشا؟؟

راشد:من؟؟مساعد يمكن مايبي

عزام:أحسن

راشد:تعبت أدور سبب واحد للخلاف إلي بينك وبينه

عزام:لاتعب نفسك مافي أي سبب غير إن مساعدوه مغرور وسخيف مادري كيف متحملينه انت وربعه

خلصوا العشا وجلسوا بالمجلس...

بوراشد:نايف بابا قوم صب القهوه

نايف:يوبى عندك راشدوه ومساعدوه وعزاموه مالقيت إلا أنا أصب القهوه

بوراشد:بتقوم بالطيب ولا...

نايف:لا لا أقوم وليه ماقوم

ضحك مشعل على نايف:الله يساعدك ياعمي عليه

بوراشد:والله بجنني هالولد

وفي الصاله عند الحريم كانت أشواق بنت خالة عزام جالسه مع الجازي وخلتها أم مشعل...

أم مشعل:متى نفرح بك ياأشواق مع عزام

إخجلت أشوق وقالت بخاطرها:هو خله يعرفني عشان يوافق علي زوجته

الجازي:هه وين رحتي؟؟

أشواق:لامعاكم

(عزام علاقته مع عائلة خالته ضعيفه جداً وتقريباً ماشافهم من هو بالمتوسطه عشان كذا مايعرف أشواق ولاأخوها حمد وأمه دايم تقول له انت لأشواق وأشواق لك وهو دايم في باله أشواق الموب حلوه عشان كذا رافض الفكره ولافكر مره إنه يشوفها بس أشواق تعرفه كانت تشوف صوره عند إخته حلا)نرجع...

الجازي:أشواق أيش دورين؟؟

أشواق:جوالي..أوه نسيته بالسياره باروح أجيبه

الجازي:أوكي

طلعت أشواق تجيب جوالها من سيارتهم وكان السايق واقف عند الباب وبنفس الوقت كان عزام مستأذن بروح البيت أخذت أشواق جوالها وهي داخله كانت منزله راسها تلعب بالجوال عزام وهو طالع ماأنتبه لأشواق صدمت أشواق بعزام وجى راسها بصدره طاح جوالها ورجع عزام على وراه...

أشواق:أوبس سوري

إنتبهت أشواق إنها صدمت بولد خالتها عزام بس هو ماعرفها وقالت بخاطرها:عزام يالله أحلى من الصور بكثير قمر..عزام رفع جوالها من الأرض وطالعها وهو رافع حاجب ويضحك على جنب...

عزام:ولايهمك تفضلي

عطاها الجوال وإبتسمت أشواق ودخلت وهي موب مصدقه إلي صار تقول:الله ماأحلى نظراته إصدقت حلا عيونه تذبح

عزام ركب سيارته وقال: من هذي البنت قمر وعيونها حلوه بس نظراتها لي كانت غريبه ..يمكن وحده من صاحبات الجازي بس شكل البنت أصغر من الجازي..أوه وأنا إيش دخلني من هي

شغل مسجل السياره على أغنية نبيل شعيل"لومـا"رفع على الصوت وحرك السياره بسرعه كعادته..حلا شافت أشواق داخله وهي سرحانه...

حلا:هه وين كنت؟؟

أشواق:ها رحت أجيب جوالي من السياره

بعد شوي راحوا المعازيم وظلت العايلتين بس...

بوعبدالعزيز:يالله ياولاد نمشي

بوراشد:وين أخوك بدري

بوعبدالعزيز:بدري من عمرك ياخوي بس ورانا شغل بكره.. نايف روح نادي خالتك وبيان قول لهم يطلعون

نايف: أوكي

عبدالعزيز ضرب نايف:يقولون إنشالله.. تعلم الأدب ياولد

نايف بعصبيه:إنشالله

مساعد:راشد بتدخل النت بعدين؟؟

راشد:أكيد من زمان مالعبن

مساعد:هههههههههه أكلمك بعدين

ركب مساعد مع عبدالعزيز باسياره وطول الطريق عبد العزيز كان ساكت ومساعد يبي يفتح معاه الموضوع ومب عارف .. مساعد قطع الصمت وقال...

مساعد:عبدالعزيزإيش فيك ساكت؟؟

عبد العزيز:أيش أقول؟؟

مساعد:ماقلت لي كيف كانت الجازي؟؟

عبدالعزيز:أممممممممم حلوه

مساعد:أكيد تغير رايك

عبدالعزيز:أيوى

مساعد:بس عيونك تقول غير كذا

طالع عبدالعزيز مساعد بسرعه ورجع يطالع الطريق...

عبدالعزيز:والله مادري إيش أقول لك يامساعد موب قادر أستوعب إن الجازي خطيبتي

تنهد مساعد وظل ساكت.. وصلوا البيت راح عبدالعزيز على طول لغرفته وسكر عليه الباب مساعد وهو رايح لغرفته مر على غرفة بيان وسمعها تكلم...

مساعد:خلني أتفلسف على بيانوه شوي....ودخل غرفتها

بيان:بسم الله طق الباب قبل ماتدخل

مساعد:من تكلمين؟؟

بيان:مالك دخل

مساعد:نعم مالي دخل أوريك.....أخذ المخده وضرب بيان على راسها بقوه

بيان:آآآوو انت إيش تبي؟؟

مساعد:مابي شي سكري التلفون

بيان:أوكي الهنوف أشوفك بكره باااي...سكرته تبي شي ثاني؟؟

مساعدبغرور:لأ.. قودنايت..وطلع من الغرفه

بيان:ياربي مغرور

مساعد وهو رايح غرفته:الغبيه طالعه حلوه

دخل غرفته وغير ملابسه وجلس على النت بيان غيرت ملابسها وهي تمسح الكياج جى على بالها راشد وسمعت همسته في إذنها لما قال:أحبك..أما عبد العزيز فكانت حالته صعبه موب مصدق إنه إرتبط بالجازي وصارت خطيبته..

وفي الصباح في الشركه بالتحديد مكتب عبد العزيز طق الباب مشعل...

عبدالعزيز:هلا والله بوبندر

مشعل:هلا فيك كيفك؟؟

عبدالعزيز:تمام الحمدلله

مشعل:ماعندك اليوم محاضرات؟؟

عبدالعزيز:لا اليوم ماعندي

مشعل:وأخبار الحبايب؟؟

عبدالعزيز:أي حبايب؟؟أوه هههههههه

مشعل:أمحق ولد نسيت خطيبتك

تغيرت ملامح عبدالعزيز وقال بصوت خفيف:خطيبتي

إنتبه مشعل لعبد العزيز إنه مضايق...

مشعل:عزيز

عبدالعزيز:هلا

مشعل:ممكن أعزمك على قهوه؟؟

عبدالعزيز:أوكي بس بشرط

مشعل:آمر تدلل

عبدالعزيز:أبي ستارباكس

مشعل:من عيوني تفضل

وفي الجامعه كان مساعد يمشي ويقرا بكتابه وعزام يمشي عكس إتجاه مساعد وكمان يقرا بكتابه صدم عزام بمساعد وطاحوا كتبهم...

عزام يصارخ:أعمى ماتشوف قدامك

مساعد:من الأعمى فينا أنا ولا انت ياغبي

عزام:إحترم نفسك ماحد غبي غيرك

أنقذ الموقف راشد إلى جه وبعد الإثنين عن بعض...

راشد:وانتوا مايمر عليكم يوم ماتتهاوشون فيه

مساعد وهو يرفع كتابه:قول للجاهل إلي معاك

جى عزام بيضرب مساعد بس راشد إمسكه .. طالع مساعد عزام بنظرات إحتقار ومشى...

عزام وهو ضاغط على أسنانه:تااااافه

بالكافي شوب كان عبد العزيز جالس مع مشعل...

مشعل:عزيز أبي أسألك سؤال؟؟

عبد العزيز:أيش؟؟

مشعل:انت..انت تحب الجازي؟؟

عبدالعزيز كان يحرك الكابتشينو إرتبك وطاحت الملعقه من يده...

عبدالعزيز:أكيد ليه تسأل؟؟

مشعل:بس شكلك يقول غير كذا ..عبدالعزيز انت تبي الجازي راضي بها؟؟

عبدالعزيز:مشعل إيش فيك أكيد أبيها

مشعل:بس أنا لاحظت عليك أمكس بالمكه كنت مضايق واليوم لما سألتك عنها كمان تضايقت عبد العزيز صارحني قول لي إلي بقلبك

عبدالعزيز تنهد:مشعل أنا..أنا أحب الجازي لكن حب أخوه وموب قادر أعتبرها خطيبتي

مشعل:طيب ليه؟؟

عبدالعزيز:مادري يمكن مافيها مواصفات الزوجه إلي أبيها

مشعل:بس الجازي كامله والكمال لله ومافيها شي ناقص

عبدالعزيز:عارف..الجازي جميله وأخلاقها حلوه بس ماأبيها خطيبتي

مشعل:قلت لعمي هذا الكلام؟؟

عبدالعزيز:لا

مشعل:ليه؟؟

عبدالعزيز:ماأظن أبوي بيسمع كلامي خصوصاً الأمر مكتوب من صغرنا

مشعل:عبدالعزيز أنا متأكد إن الجازي راح تغيرك بطيبتها وأخلاقها بس انت شيل فكرت إنها ماتناسبك من بالك وحاول تتعايش مع الواقع وراح تتغير صدقني

عبدالعزيز:أحاول

وفي الطريق وهو راجع أخذ جواله...

عبدالعزيز:أدق عليها..لا لا ماله داعي..بس إيش راح تقول عني إذا مادقيت..أووه

الجازي كانت بسايقهم الخاص راجعه بيتهم سمعت جوالها وعرفت من النغمه إنه عبدالعزيز فرحت كثير...

الجازي:آلو

عبدالعزيز:هلا الجازي كيفك؟؟

الجازي:بخير الحمدلله انت إيشلونك؟؟

عبدالعزيز:تمام .. خلصتي محاضراتك؟؟
الجازي:أيوى أنا راجعه البيت

عبدالعزيز:أوكي أكلمك بعدين..قودتايم

الجازي:قودتايم

سكرت الجازي الخط...

الجازي:غريبه ماقال حتى كلمه حلوه

السايق:نعم ماما

الجازي:ماكلمك طالع قدامك

عبدالعزيز رمى جواله على الكرسي إلي جنبه بقوه...

دخل راشد بيتهم ولقى نايف يشاهد التلفزيون...

راشد:هاي

نايف:هايات..انت وينك؟؟

راشد:ومن انت عشان تسألني

نايف:لاياغبي بس أبوي معصب حده منك

راشد:ليه؟؟

نايف:تأخرت كثير ويقول إذا شافك بيعطيك تهزيئه محترمه

راشد:تأخرت..أنا دايم أرجع هذا الوقت مايقول شي

نايف:والله مادري بس نصيحه مني إجلس بغرفتك ولا تطلع إلا إذا راق أبوي

جى راشد بيتكلم وسكت كأنه تذكر شي...

راشد يصارخ:أبوي بالشغل ياسخيف

نايف يركض وهو يضحك وراشد وراه كانت أم راشد نازله على الدرج وقف نايف وراها...

نايف:تعيش وتاكل غيرها

راشد:أنا أوريك يالتعبان

أم راشد:إيش فيكم؟؟جهال انتوا

راشد وهو يأشر على نايف:ولدك هذا يبي له تربيه

نايف بصوت خفيف:خلني ساكت إن رديت عليه بنام بالمستشفى من الضرب

أم راشد:أوه والله إنكم تجننون يالله ياراشد غير ملابسك عشان تغدا

راشد:أوكي مام

وهو راكب ضرب نايف على ظهره...

نايف وهو ماسك ظهره:آآآآآووو ياغبي

يوم الأربعاء الصباح في بيت بو عبدالعزيز كان مساعد طالع وبيان نازله على درج بسرعه...
بيان: مساعد
مساعد:هلا
بيان:إيش رايك توصلني المدرسه اليوم؟؟
مساعد:وليه ماتروحين مع السايق؟؟
بيان:كذا بس أبي أكشخ بك
طالع مساعد بيان وهو رافع حاجب:نعم إيش قلتي؟؟
بيان:لا ولاشي.. بتوصلني ولا لأ؟؟
مساعد:لأ
بيان:بترفض طلب إختك الغاليه
مساعد:ومن قال لك إنك غاليه
بيان:الله يسامحك
مساعد :باي
بيان بخاطرها:طيب يامساعدوه بتشوف من يكلمك
وفي بيت بو مشعل كانوا مجتمعين على الفطور..عزام جالس جنب مشعل ...
عزام يكلم مشعل بصوت خفيف:مشعل
مشعل بصوت عالي:إيش؟؟
ضرب عزام رجله برجل مشعل:قصر صوتك لايسمعك أبوي
مشعل:إيش تبي؟؟
عزام:أبي أروح معاك بسيارتك اليوم؟؟
مشعل:وليه وين سيارتك؟؟
عزام:بجيبي ..يعني وينها بالورشه
مشعل:وإيش تسوي هناك؟؟
عزام:تغير جو.. دعمت بها أمس
مشعل بصوت عالي متعمد عشان يسمعه أبوه:دعمت بها
بومشعل:من إلي دعم؟؟
عزام:ياغبي عجبك كذا..لا لا يوبى ماحد دعم
مشعل يعاند عزام:توك تقول دعمت بسيارتك أمس
عزام:واحد من الربع موب أنا
مشعل:طيب يالله قوم بسرعه
عزام قايم وهو يضحك متونس:يالله
وفي الجامعه وهم طالعين...
راشد:مساعد تعال تغدا معاي بيتنا؟؟
مساعد:لا ماقدر باروح أجيب بيان من المدرسه
راشد:ليه وين السايق؟؟
مساعد:موجود بس تعرف سخافة البنات اليوم الصباح قالت لي أوديها ومارضيت شكلها زعلت
راشد:أها وبتروح لها عشان تراضيها
مساعد:يس
راشد:مساعد خلني أروح معاك
مساعد:وين تروح؟؟
راشد:نجيب بيان من المدرسه
مساعد:يالله يالله إقلب وجهك
راشد:يالله عاد مساعدوه تكفى
مساعد بغرور:سوري
راشد:طيب ياغبي أوريك
مساعد:باي
راشد بدون نفس:باي
راح مساعد لمدرسة بيان ولقاها طالعه مع حلا...
بيان:مساعـــــــد
حلا:وينه؟؟
بيان:هناك ليه جاي؟؟
نزل مساعد من السياره...
مساعد:تفضلي
بيان بغرور:ماركب مع ناس مايعرفون قيمتي
مساعد:كم؟؟ريال
ضحكت حلا على مساعد...
بيان:تتمسخر وانت أضحكي أضحكي
حلا:سوري
مساعد:يالله بتركبين ولا أمشي؟؟
بيان:أمشي
فتح مساعد باب السياره بيركب...
مساعد:براحتك
بيان:لالا تعال باركب خلاص
مساعد:بسرعه..حلا تعالي أوصلك
حلا:لا أنا بانتظر السايق
مساعد:إيش دعوه أنا موجود وتنتظرين السايق يالله تعالي إركبي
سحبت بيان حلا وركبوا السياره...
بيان تدور لحلا:حلا خلنا نروح السوق اليوم؟؟
حلا:اليوم بنروح السوق وبكره بنروح السوق خلنا نغير
بيان:لانبي نروح السوق اليوم ونقول للهنوف تروح معانا
حلا:بعدين ماأحب أروح السوق بروحي تعرفين سخافة الشباب إذا شافوا البنات
مساعد:إحم..إحم
حلا:هههههههه سوري بس هذي الحقيقه
مساعد:إذا قرب منك إي واحد عطيه تهزيئه وبروح
حلا:وليه ماتوفر علينا التهزيئ وتروح معانا؟؟
مساعد:أنا أروح معاكم ليه جنيت أمشي وراي شلة بنات
حلا:إيش دعوه بس ثلاث
مساعد:كان بودي بس الهوا ضدي عندي بزنز اليوم
بيان:ولايهمك حلا بس يقرب منك واحد بعطيه كف أأدبه لك
مساعد:كفو كذا الرجوله
وصلت حلا بيتهم ودخلت ولقت عزام في الصاله...
حلا:مرحبا
عزام:هلا..السايق هنا كيف رجعتي؟؟
حلا:مع مساعد ولدعمي
عزام:أها....(بعصبيه)من مساعدوه
حلا:أيوى ليه معصب؟؟
عزام:وليه راجعه معاه؟؟
حلا:ولد عمي وراجعه معاه إيش فيها؟؟
قام عزام ومشى ومر عليها وضربها على كتفها بقوه وراح...
حلا ماسكه يدها:آآآآآآآآآآآآي إيش فيه هذا؟؟
طلعت أم مشعل مع هيا من المطبخ ولقوا حلا راكبها وهي ماسكه يدها بقوه...
هيا:حلا
حلا دارت:نعم
هيا:إيش فيك ليه ماسكه يدك كذا؟؟
حلا:عزاموه الغبي ضربني بقوه
هيا:ههههههههههه
حلا:إضحكي بلاك ماجربتي ضربته
أم مشعل: أكيد عاندتيه بشي .. المهم بسرعه غيري ملابسك عشان نتغدا
حلا:طيب
وفي بيت بوراشد كان بوراشد جالس مع أم راشد بالصاله...
بوراشد:أم راشد قولي لهم يحطون الغدا؟؟
أم راشد:بس نايف ماوصل
بوراشد:ألحين يوصل
أم راشد:إنشالله
شوي ويدخل نايف رمى شنطته بقوه على الأرض...
نايف يصارخ:أكره المدرسه أكرها
بوراشد:هه انت إيش فيك تصارخ؟؟
نايف:أوه الغالي هنا
بوراشد:يالله بسرعه نبي نتغدا
بوراشد مر على نايف وضرب شي برجله نزل راسها يطالع...
بوراشد:شريط أغاني
نايف:ها..ما..
بوراشد:هذا الشريط من شنطتك؟؟
نايف بخوف:مدري
بوراشد يصارخ:كيف ماتدري هذا الشريط طالع من شنطتك ماخذه المدرسه ؟؟ليه؟؟
نايف منزل راسه خايف موب عارف إيش راح يرد على أبوه...
بوراشد:ماتتكلم يالفاشل
نايف:أوه أيوى أنا مودي هذا الشريط المدرسه إيش فيها يعني؟؟
بوراشد:وتقول إيش فيها كمان
نايف:أنا موب أول واحد ولاآخر واحد أخالف..(بخاطره)بلاك ماشفت المصايب الثانيه تصارخ عشان شريط
أخذ نايف الشريط من يد أبوه ورفع شنطته...
نايف:سوري
ركب نايف غرفته...
بوراشد:الله يستر منك يانايف
بعد الغدا...
بيان:خلني أكلم الهنوف وأقول لها بنروح السوق اليوم
كلمت بيان الهنوف...
الهنوف:آلو
بيان:هلا الهنوف
الهنوف:هلا والله بيان
بيان:بتروحين مكان اليوم؟؟
الهنوف:لأ
بيان:أوكي بنروح السوق اليوم أنا وحلا بتروحين معانا؟؟
الهنوف:أمممممممم بسأل أمي وبرد عليك
بيان:بسرعه باي
الهنوف:باي
سألت الهنوف أمها ووافقت وإتفقت مع بيان إنهم يجتمعون في بيت بوعبدالعزيز والعصر راحت الهنوف بيت بوعبدالعزيز.. وهي ماسكه مقبض الباب بتفتحه فجأه إنفتح الباب بقوه ماقدرت الهنوف تمسك نفسها فارتمت عليه وهو كان بطيح بس مسك نفسه ورفعها الهنوف مغمضه عيونها وماسكه راسها وماشافت من هو إلي إرتمت عليه...
الهنوف بعصبيه:انت إيش فيك أحد يفتح الباب كذا؟؟
مساعد:سلامتك ياذوق
طلع مساعد على طول ومن سمعت صوته الهنوف وقفت منصدمه...
الهنوف:مسااااااااااعد..مستحيل
في هالوقت نزلت بيان وكانت لابسه عبايتها...
بيان: هلا وصلتي؟؟
الهوف:ها أيوى
بيان:إيش فيك كأن أحد عاطنك كف؟؟
الهنوف:أنا لا مافيني شي..وينها حلا؟؟
بيان:ألحين توصل تبينا ننتظرها بره ولا بالصاله؟؟
الهنوف:براحتك
بيان:خلنا نجلس بره الجو حلو
الهنوف:يالله
بيان بخاطرها:غريبه فيها شي
طلعوا من الباب إلا وتجي حلا...
حلا:مرحبا
بيان والهنوف:ياهلا
حلا:يالله السايق ينتظر
ركبوا السياره والهنوف شاغل تفكيرها مساعد...
الهنوف بخاطرها:الله ماحلاك يامساعد صوته رزه متى بس يحس قلبك فيني
أما مساعد مافكر بالموقف أبداً ولارجع لذاكرته ولاإهتم فيه عكس الهنوف إلي كان شاغلنها طول الوقت.. مساعد كان في السياره يتهاوش مع فيصل...
فيصل:قلت لك نروح الفيصليه
مساعد:لأ المكتبه يعني المكتبه
فيصل:الفيصليه
مساعد:المكتبه
فيصل:الفيصليه
مساعد:أوكي نروح ألحين المكتبه وبعدين الفيصليه وتعشيني على حسابك
فيصل:هههههههههههه تنكت على حسابك انت
مساعد:أوكي

فيصل:ولا نطول بالمكتبه
مساعد:ولا يهمك
راحوا مساعد وفيصل المكتبه وجلسوا على الطاوله...
مساعد:مابتروح تاخذ لك كتاب؟؟
فيصل:لا مابي أقرا
مساعد:أوكي
راح مساعد بياخذ له كتاب وكانت هناك بنت تمشي وراه وقف عند مجموعة كتب ووقفت جنبه مساعد ماعطاها وجه ولا طالعها حبت البنت تلفت إنتباهه فرمت مفتاحها على الأرض حسبالها مساعد بيرفعه لها طالع مساعد المفتاح ومشى وعصبت البنت كثير من حركته...
فيصل:ساعه تاخذ لك كتاب
مساعد:مافي كتب جديده خلنا نمشي
فيصل:يعني جبتنا على الفاضي
مساعد:للأسف بصير العشا على حسابك
فيصل:نععععععععععععععم
مساعد:أمزح لايوقف قلبك بل بخيـــــــــــــــل
وهم طالعين تلاقى مساعد وفيصل مع عزام وراشد...
فيصل بصوت خفيف:ياربي مايتهاوشون
تبادل مساعد وعزام نظرات إحتقار ومشوا...
عبدالعزيز كان نازل لأبوه إلي كان جالس بالصاله...
عبدالعزيز:مرحبا يوبى
بوعبدالعزيز:هلا هلاوالله بومتعب
عبدالعزيز:هههههه وسميتني بومتعب كمان
بوعبدالعزيز:خلاص من اليوم وطالع بومتعب.. ها إيشلونك مع الجازي؟؟
عبدالعزيز:ها..تمام
بوعبدالعزيز:غريبه اليوم الأربعاء وجالس بالبيت
عبدالعزيز:مالي مزاج أطلع
بوعبدالعزيز:طيب ليه ماتطلع مع خطيبتك؟؟
عبدالعزيز إرتبك:ها مدري عن إذنك يوبى تذكرت شي
بوعبدالعزيز مستغرب:تفضل
طلع عبدالعزيز في الحديقه...
عبدالعزيز:أطلع مع الجازي..أيوى هذا الشي إلي راح يقربني منها خلني أدق عليها
الجازي كانت نايمه وصحاها الجوال...
الجازي بصوت نايم:آلو
عبدالعزيز:الجازي..سوري شكلك نايمه
الجازي:عزيز لا لا عادي
عبدالعزيز:أوكي مشغوله اليوم؟؟
الجازي:لأ
عبدالعزيز:خلاص بنروح نتعشا مع بعض اليوم
الجازي فرحت كثير:طيب
عبدالعزيز:باي
الجازي:باي..الله بنتعشا بروحنا
عبدالعزيز:مدري كيف بنقضي الليله
نزلت الجازي عشان تقول لأمها وكانت في المطبخ مع نايف...
الجازي:مرحبا
نايف وأم راشد:ياهلا
أم راشد:صحيتي؟؟
الجازي:أيوى..يمى اليوم بطلع مع عبدالعزيز نتعشا بره
نايف:لأ وألف لأ ماعندنا بنات يطلعون بروحهم الليل رجلي على رجلك
الجازي:وانت من كلمك بعدين أنا بطلع مع خطيبي موب واحد غريب
أم راشد:نايف ممكن تسكت؟؟
نايف:أوكي..(يطالع الجازي وهو ضاغط على أسنانه)أنا طالع
أم راشد:طيب يابنتي بس لاطولون
الجازي:إنشالله يالغاليه
وفي السوق كانت بيان في محل الملابس تدور بين الملابس...
بيان:حلا شوفي هذا القميص حلو صح؟؟
حلا:واو يجنن
بيان:اخذه؟؟
حلا:أكيد حلو مره
الهنوف:ها شفتوا شي؟؟
بيان:أيوى هذا القميص
الهنوف:أوكي يالله نحاسب
حاسبوا وطلعوا من المحل...
حلا:خلنا نروح ستارباكس
الهنوف:أيوى أنا من زمان ماشربت كابتشينو
راحوا حلا وبيان والهنوف ستارباكس ...
حلا:ها إيش تشربون؟؟
الهنوف وبيان:كابتشينو
حلا:أوكي
راحت حلا تطلب وقف وراها ولد...
الولد يبي حلا تدور:إحم
مافكرت حلاتدور..ضرب بصبعه كتفها عصبت حلا ودارت بتهزئه لكن حط صبعه على فمها...
الولد:إششش
حلا:ناااااااايف
نايف:ههههههههه خفتي
حلا ضربت نايف على كتفه ضربه خفيفه:خرعتني يادب
نايف:كيفك؟؟
حلا:تمام..أخبارك انت؟؟
نايف:بخير..مع من جايه؟؟
حلا:بيان والهنوف
أخذت حلا طلبهم...
حلا:خلنا نشوفك
نايف:بس طالعي القمر
حلا:هههههههه باي
نايف:باي
وفي الليل راح عبدالعزيز بيت عمه ياخذ الجازي دخل ومالقى إلا الخدامه...
عبدالعزيز:هاي
الخدامه:هاي
عبدالعزيز:وينها الجازي؟؟
الخدامه:فوق
عبدالعزيز:طيب روحي
ماكمل كلامه إلا وتنزل الجازي وهي لابسه عبايتها وجاهزه...
الجازي:هلا عبدالعزيز
عبدالعزيز:هلا فيك جاهزه؟؟
الجازي:أيوى يالله
ركبوا السياره وبعد شوي...
عبدالعزيز:وين تحبي نتعشا؟؟
الجازي:براحتك
عبدالعزيز:طيب إيش رايك بجليز
الجازي:حلو
وصلوا المطعم وجلسوا على الطاوله وطلب لهم عبدالعزيز الأكل ..كل واحد مهم يبي يفتح موضوع بس موب عارف إيش هو...
الجازي:عزيز
عبدالعزيز:هلا
الجازي:إيش فيك ملاحظه عليك هذي اليومين مضايق؟؟
عبدالعزيز بخاطره:معقوله حست إني ماأبيها لا مستحيل..لا ولا شي بس زحمة الشغل والجامعه
الجازي بخاطرها:مدري ليه إحساسي يكذبك ياعبد العزيز..طيب ليه ماتترك الدراسه بعدين انت ظامن الشغل
عبدالعزيز:أنا أفضل الدراسه على الشغل
الجازي:ليه؟؟
عبدالعزيز:لأن الشغل مسؤوليه وعوار راس بس الدراسه على راحتي لا أتعب نفسي ولا شي
ومضوا الليله سوالف على الشغل والجامعه وصل عبدالعزيز الجازي بيتهم وراح بيتهم ركب ولقى مساعد يشاهد التلفزيون بالصاله...
عبدالعزيز:مساعد
مساعد:هلا
عبدالعزيز:إيش تشاهد؟؟
مساعد:فيلم.. وين كنت؟؟
عبدالعزيز:أتعشى مع الجازي
مساعد:أها..ها مع الجازي
عبدالعزيز:أيوى
مساعد:تقدم .. وإيش صار؟؟
عبدالعزيز:ماصار شي
مساعد:يعني ماحسيت بشي؟؟
عبدالعزيز:إلا حسيت..حسيت إني مستحيل أتقبل الجازي وهي بدت تحس بهذا الشي
مساعد:عزوز انت إيش تقول؟؟
عبدالعزيز:وإذا ماعرفت اليوم إني ماأبيها بكره ولا إلي بعده تعرف ..ماأقدر أصطنع حركات أكثر من كذا
مساعد:عزيز انت صاحي؟؟
عبدالعزيز:أنا تعبان وأبي أنام بكره نكمل الموضوع قود نايت
مساعد:قودنايت
أما الجازي كانت نايمه على السرير وتفكر...
الجازي:معاملته لي صارت جفا .. معقوله مايبيني لا مستحيل إذا مايبيني ليه خطبني من البدايه..يمكن مثل ماقال الشغل والجامعه تاعبينه..أوف بصبر وبشوف
وفي اليوم الثاني بعد أذان الظهر دخلت الجازي الحمام تاخذ شور خلصت وطلعت على صوت رنين جوالها...
الجازي:آلو
بيان:هلا الجازي
الجازي:أهلين بيان..كيفك؟؟
بيان:تمام..وانت؟؟
الجازي:أسأل عنك
بيان:أنا اليوم عازمتك على الغدا
الجازي:أممممممم أوكي
بيان:يالله بسرعه تعالي لاطولين
الجازي:أوكي باي
بيان:باي
الجازي:خلني أكلم عبدالعزيز وأقول له إني بجي بيتهم
كلمت الجازي عبدالعزيز إلي كان جالس على الكمبيوتر شاف رقم الجازي وقال...
عبدالعزيز:أوف هذي إيش تبي؟؟
رفعه على آخر رنه...
عبدالعزيز:هلا
الجازي:مرحبا عبدالعزيز
عبدالعزيز بدون نفس:هلا هلا والله الجازي
الجازي:أخبارك؟؟
عبدالعزيز:تمام..كيفك انت؟؟
الجازي:بخير
عبدالعزيز:أقول الجازي أنا مشغول ألحين أكلمك بعدين
الجازي مضايقه:أوكي باي
بعد ماسكرت الجازي الخط...
الجازي:ياربي إيش فيه ليه تغير علي كذا؟؟ماسويت له شي غلط أووووووووف

تتوقعون راح يستمر عبدالعزيز بمعاملته الجافيه للجازي؟؟
وبتعرف الجازي إنه مايبيها ؟؟وكيف بتتعايش مع الوضع ؟؟
راح تعرفون كل شي بأحداث الجزء الثالث
باااااااااايو

جبت لكمــــ الجززززء الثــــــــالت

لبست الجازي عابتها ونزلت ولقت أبوها وأمها وراشد ونايف جالسين بالصاله...
الجازي:السلام عليكم
الكل:وعليكم السلام
أم راشد:طالعه؟؟
الجازي:أيوى باروح بيت عمي بوعبدالعزيز..وينه السايق؟؟
بوراشد:السايق موب هنا خلي واحد من إخوانك يوصلك
الجازي:ليه جنيت أركب مع راشدوه ولا نايفوه بالسياره
راشد ونايف:ليه إيش فينا؟؟
الجازي:لا بس لازم الأغاني على حدها والسرعه توصل 140
راشد:هذا إذا واحد منا تنزل يوصلك
نايف:صحيح
الجازي بعصبيه:نعععم
بوراشد:بس بس خلاص أنا بوصلك
الجازي:شكراً يوبى
وصل بوراشد الجازي بيت عمها دخلت وكانت بيان نازله.. سلمت بيان على الجازي...
بيان:هلا والله بمرت أوخي
الجازي:هلا فيك
بيان:تفضلي
الجازي:أجل وينها خالتي؟؟
بيان:بالمطبخ ألحين تجي
الجازي:أجل خلنا نروح لها
بيان:يالله
راحوا بيان والجازي لأم عبدالعزيز بالمطبخ...
الجازي:مرحبا خالتي
أم عبدالعزيز:هلا هلاوالله بالغاليه..كيفك؟؟
الجازي:تمام الحمدلله
أم عبدالعزيز:وأمك متى بتجي؟؟
الجازي مستغربه:تجي؟؟ليه؟؟
أم عبدالعزيز:بيانوه ماقلتي لخالتك؟؟
بيان حاطه يدها على فمها:أوووو نسيت
أم عبدالعزيز:حسبي الله عليك خلني أروح أكلمها
الجازي:إش صاير؟؟
بيان:اليوم بنسوي عشاء عائلي ونسيت ماقلت لك تقولين لخالتي
الجازي:أها
بيان:صح إيش تشربين؟؟
الجازي:عصير
بيان:أوكي روحي الصاله وبجيبه لك
راحت الجازي الصاله ..عبدالعزيز طالع من غرفته بينزل إنتبه للجازي جالسه بالصاله...
عبدالعزيز: الجازي هنا ليه جايه؟؟
نزل عبدالعزيز وراح لصاله...
عبدالعزيز:مرحبا
الجازي:هلا عزيز..طالع؟؟
عبدالعزيز:أيوى
الجازي:بتجي على العشا؟؟
دق جوال عبدالعزيز ورد عليه وطلع بدون مايقول للجازي شي...
الجازي:لا أكيد إنه مايبني مافي تفسير لحركاته غير كذا أووووف
جات بيان وهي حامله العصير...
بيان:الجازي إيش فيك؟؟
الجازي:هلا لا ولاشي
جات أم عبدالعزيز...
بيان:ها يمى كلمتيهم؟؟
أم عبدالعزيز:إيوى وراح يجون الليل إنشالله
شوي وينزل مساعد...
مساعد:Hallow
الكل:هلا
أم عبدالعزيز:كان لاصحيت؟؟
مساعد:اليوم الخميس ليه أصحى بدري.. كيفك الجازي؟؟
الجازي:تمام.. وانت؟؟
مساعد:بخير.. وينه عبدالعزيز؟؟
الجازي:طلع
مساعد:وين راح هذا؟؟إيه أعرفه يبي يتهرب
الجازي:يتهرب من إيش؟؟
مساعد ارتبك:ها لاولا شي..عن إذنكم
طلع مساعد في الحديقه ودق على عبدالعزيز...
عبدالعزيز:هلا
مساعد:هلا انت وينك؟؟
عبدالعزيز:بالشركه
مساعد:مطول؟؟
عبدالعزيز:مدري يمكن أطول
مساعد:أوكي باجيك ألحين
عبدالعزيز:أوكي باي
دخل مساعد عشان يغير ملابسه...
أم عبدالعزيز:ماتبي تتغدا؟؟
مساعد:لا أنا طالع
غير مساعد ملابسه وطلع ركب سيارته دق جوالها مسج فتح مساعد المسج...
مساعد راف حاجب مستغرب:الرقم غريب من منه هذا المسج؟؟
رمى مساعد جوالها على الكرسي إلي جنبه..وصل الشركه دخل وراح لمكتب عبدالعزيز...
عبدالعزيز:ياهلا
مساعد:هلا فيك
عبد العزيز:تفضل
مساعد:ليه طلعت قبل ماشوفك تتهرب يعني
عبدالعزيز:اتهرب من إيش؟؟
مساعد:انت عارف
عبدالعزيز:أها

مساعد:وبعدين معاك انت؟؟ يعني ماراح تشيل فكرتك ماتناسبك من بالك
عبدالعزيز:لاتلومني يامساعد بلاك موب حاس بشعوري
مساعد:حاس والله إني حاس بس لازم تغير شعورك
عبدالعزيز:عواطفي موب بيدي
مساعد:طيب ليه ماتطلع معاها مره ثانيه
عبدالعزيز:تنكت..أنا المره الأولى ويالله تحملت تبيني أعيدها كمان
مساعد:مره وحده ماتكفي جرب مره وثنتين وثلاث
عبدالعزيز:نو ويه ماراح أعيدها أنا والجازي مستحيل نتأقلم مع بعض
مساعد:عزوز بليز إفهم الجازي إيش ذنبها تعاملها كذا مره ثانيه لاغير وصدقني بتتغير
عبدالعزيز يبي يغير الموضوع:بتجي على العشا اليوم؟؟
مساعد:مدري
مساعد وهو قايم:فكر بالموضوع باي
عبدالعزيز:وين رايح؟؟
مساعد:برجع البيت
عبدالعزيز:أوكي باي
ركب مساعد سيارته ودق جواله دقه وحده أخذ مساعد جواله يشوف من...
مساعد: نفس الرقم..من هذا؟؟
دق جواله وكان المتصل نايف...
مساعد:هلا بالغلا
نايف:هلا والله.. هاو آر يو؟؟
مساعد:فاين وات أبوت يو؟؟
نايف:فيري قود.. مشغول؟؟
مساعد:لأ..ليه تسأل؟؟
نايف:أبيك تبرمج لي برنامج بالكمبيوتر
مساعد:برنامج أيش؟؟
نايف:انت تعال وشوفه
مساعد:أوكي ألحين أجي باي
نايف:باي
وفي بيت بومشعل كان عزام يتهاوش مع بندر على جوال عزام...
عزام يصارخ:ياغبي جيب جوالي
بندر: هذا جوالي أنا
عزام:قلت لك جوالي
بندر:لا لا جوالي
عزام عصب:بندروه والله مالي مزاجك جيبه لاأضربك
بندر:إذا ضربتني باقول للبابا يضربك
عزام:ياربي جيبه
عزام يحاول يسحب الجوال من يد بندر وبندر يصارخ دخل مشعل...
مشعل:هه انتوا إيش فيكم؟؟
عزام:قول لولدك يعطيني جوالي
بندر:بابا هذا جوالي
مشعل:خله يلعب به شوي
عزام:نعم وليه ماتعطيه جوالك
مشعل:بابا بندر إعطي عمك جواله
بندر:مابي
حاول مشعل ياخذ الجوال بس بندر ضربه على يده...
عزام يضحك:امحق بابا..جيب الجوال انت
سحب عزام جواله وطلع وبندر يبكي ويصارخ.. وصل مساعد بيت عمه فتح له الباب نايف...
نايف:هلا
مساعد:أهلين..ليه بيتكم هدوء كذا؟؟
نايف: كلهم نايمين.. تفضل
راح نايف مع مساعد غرفته وجلسوا على الكمبيوتر...
مساعد:هذا البرنامج؟؟
نايف:يس
شوي ويدخل راشد...
راشد:نايفوه.. الحلو هنا وانا مدري
مساعد:هلا والله
راشد:هلا..نايفوه أبوي يبيك
نايف:لاتكذب أبوي نايم
راشد:توه صاحي وقال لي أناديك
نايف:طيب
راشد:كيف حال العائله الكريمه؟؟
مساعد:العائله الكريمه ولا..
راشد:ههههههه تفهمني
مساعد:تمام
دخل نايف...
راشد:أوكي أشوفك الليل باي
مساعد:باي
نايف:خلصته؟؟
مساعد:يس.. بتجون على العشا اليوم؟؟
نايف:أكيد
مساعد:أوكي أنا رايح باي
نايف:مشكور
مساعد:العفو
وهو طالع دق عليه فيصل وراح معاها الفيصليه.. وفي الليل إجتمعوا في بيت بوعبدالعزيز الحريم مع بعض في الصاله والرجال في مجلس الرجال ...
بوعبدالعزيز:عزيز وينه أخوك؟؟
عبدالعزيز:طلع مع فيصل ألحين بيجي.
ـــــــــــــــــــــــــــــــــ
إيش بصير لمساعد إلي بأخره عن العشا؟؟ومن إلي كان معاه؟؟
والجازي وعبدالعزيز بظلون على هذي الحال ولا لأ؟؟
كل هذا بنشوفه في الجزء الرابع...
بايو

الجــــزء الرابـــع..........
وفي الصاله إلي كانوا مجتمعين فيها الحريم سوالف وضحك أما الجازي ماكأنها موجوده تفكيرها مشغول في عبدالعزيز...
هيا:الجازي
الجازي:هلا
هيا:إيش فيك؟؟ وين وصلتي؟؟
الجازي:لا معاكم
حلا:طيب أتحداك إيش كنا نقول
الجازي:سوالف
بيان:الجازي انت من العصر وانت مضايقه خير فيك شي؟؟
الجازي:والله مافيني شي بس تعبانه مانمت أمس عدل
دق جوال بيان وشافت من المتصل وأستأذنت وراحت المطبخ عشان تكلم على راحتها...
بيان:آلو
راشد:هلا حبيبي كيفك؟؟
بيان:تمام وانت؟؟
راشد:تمام بس ..
بيان:أيش؟؟
راشد:في شي مضايقني وأبي أقوله لك
بيان:إيش هو؟؟
راشد:لا مايصير أقول لك بالتلفون..إطلعي عند المسبح
بيان:سوري
راشد:طيب ليه؟؟
بيان:كذا بس
راشد:ولمن أشكي همي؟؟
بيان:ها..طيب بس مانطول
راشد:من عيوني
طلعت بيان عند المسبح وراشد وهو طالع...
عبدالعزيز:وين رايح؟؟
راشد:لحظه باكلم صاحبي وبرجع
نايف وعبدالعزيز:صاحبك ولا صاحبتك
راشد:سخيفين
طلع راشد ولقى بيان واقفه وطالع السما قرب منها راشد طالعته وإبتسمت...
بيان:إيش إلي مضايقك؟؟
راشد:شوقي لك
بيان:نعم..ألحين مطلعني ومخوفني عشان تقول شوقي لك
راشد:خفتي علي؟؟
بيان:بجد فاضي
مشت بيان بس راشد مسكها من يدها...
راشد:وين رايحه؟؟
بيان:بدخل يعني وين رايحه
راشد:وهمي ماراح تحلينه لي؟؟
بيان:وكيف أحله؟؟
راشد:تكفي نظرت عيونك
بيان:راشد بليز خلني أدخل مابي أطول
راشد:بشرط..تدقين علي الليل
بيان:أوكي باي
دخلت بيان الصاله وراشد مجلس الرجال...
عبدالعزيز:ها كيفها؟؟
راشد:من هي؟؟
عبدالعزيز:صاحبتك
أخذ راشد المخده وضرب بها عبدالعزيز...
راشد:بايخ
ومساعد راجع في السياره كان يكلم فيصل في الجوال وموب منتبه لطريق وهو جاي بيلف وعزام جاي بالإتجاه المعاكس وفجأه تلاقوا مع بعض ومن السرعه ماقدر يسيطر كل واحد منهم على سيارته فدعموا في بعض نزلوا إثنينهم وهم معصبين ...
عزام:هذا انت
مساعد:إيش سويت ياغبي
عزام:قول لنفسك
مساعد:إذا انت جاهل ماتعرف تسوق ليه تسوق
عزام ضرب كتف مساعد بقوه:احترم نفسك وماحد جاهل غيرك
مساعد ضرب عزام:لاتمد يدك علي
عزام:بامد وريني رجولتك
مساعد يصارخ:أنا رجال غصباً عنك يالتعبان
عزام:ماحد تعبان غيرك
تهاوشوا مساعد وعزام وتجمعوا عليهم الناس واحد من الشباب كلم الشرطه وبعد شوي جات الشرطه وقفت الهواش أخذوهم لمركز الشرط وعند الضابط...
الضابط:من إلي بدا الهواش؟؟
مساعد وعزام:هو
الشرطي:بس..عطوني اسماءكم الكامله عشان نستدعي اولياء أموركم
عزام ومساعد:اولياء أمورنا
الشرطي:أيوى إيش فيكم إخترعتوا
أخذ الشرطي أسمائهم...
الشرطي:تقربون لبعض؟؟
عزام:للأسف أولاد عم
الشرطي:أولاد عم وتتهاوشون كذا

كلم الشرطي بوعبدالعزيز وبومشعل وراحوا لمركز الشرطه ومعاهم راشد..دخلوا مكتب الضابط وتكلموا معاه طلعوا من مركز الشرطه...
بوعبدالعزيز:يالله نرجع البيت
عزام:إسمحوا لي أنا راجع بيتنا
وراح بومشعل وبوعبدالعزيز ومساعد بيت بوعبدالعزيز أما عزام وراشد فراحوا بيت بومشعل..وصلوا البيت
وراح بومشعل مجلس الرجال ودخل بوعبدالعزيز مع مساعد الصاله كان بوعبدالعزيز ماسك يد مساعد بقوه دخله وهو معصب وكان عبدالعزيز واقف هناك..وقفت أم عبدالعزيز من شافت مساعد وكانت حالته حاله ...
بوعبدالعزيز وهو يصارخ على مساعد:عيال آخر زمن أنا تدخلني مركز الشرطه؟؟
مساعد:عزاموه هو الغلطان
بوعبدالعزيز:وهذي حالة أولاد عم؟؟
مساعد:هو إلي بدا
بوعبدالعزيز:بجد وقح ويبي لك تربيه من جديد
مساعد يصارخ:ماحتاج لتربيتك
عبدالعزيز:مساعـــــــــــد
بوعبدالعزيز:وترد كمان يالطايش
مساعد:طايش صايع متهور انت إيش دخلك فيني توك متفرغ تحاسبني
أم عبدالعزيز:مساعد انت إيش قاعد تقول؟؟
مساعد:أقول إلي مفروض ينقال من زمان..انت دايم مشغول بشغلك ماتدري عني وإذا أخطيت جيت تحاسبني وتصارخ علي
بوعبدالعزيز:هذي جزاتي تاركنك براحتك
مساعد:إيش ذي الراحه إلي تخليك ماتدري عن ولدك
بوعبدالعزيز:إصعد غرفتك مابي أشوفك
ركب مساعد غرفته وسكر الباب وبو عبدالعزيز وعبدالعزيز راحوا مجلس الرجال..
أما عزام فكان طول الطريق يسب مساعد ويصارخ..وبعد ماهدت الأوضاع تعشوا وجلسوا شوي وبعدين رجعو بيوتهم..
أول ماوصلوا البيت راحت حلا لعزام بغرفته وكان نايم على السرير...
عزام:إيش انت كمان؟؟
حلا:أبي أسولف معاك
عزام:مالي خلقك قوآوت
حلا:وانت دايم تهزء
عزام:وبعدين معاك
حلا:عزام انت ليه دايم اهواش مع مساعد؟؟
عزام:أوف أكره حتى إسمه
حلا: ليه؟؟
عزام:مدري أنولدنا وحنا مانحب بعض
حلا:لازم فيه سبب
عزام:حلا إطلعي بره
حلا:ليه؟؟
عزام:لأن أسألتك بايخه ومالها داعي قو آوت أبي أنام
حلا وهي طالعه:طيب طيب باي
وعبدالعزيز كان جالس بغرفته ويفكر بكلام مساعد...
عبدالعزيز:معقوله الجازي حست إني ماأبيها ..أكيد حست معاملتي لها صارت جافيه
ياربي أنا كل يوم أكرها ماأحبها..كيف أحبها وأنا بعيد عنها لازم أطلع معاها كذا مره مثل ماقال مساعد أووف
وفي الصباح مساعد كان نايم وصحى على رنين جواله رفعه مساعد بدون مايطالع الرقم(وكان نفس الرقم الغريب إلي يدق عليه)...
مساعد بصوت نايم:آلو
المتصل(بنت):مرحبا
مساعد:هلا
البنت:هذا جوال هند؟؟
مساعد:لأ
البنت:أوه آسفه باي
مساعد:باي
رمى مساعد جواله على الأرض...
مساعد وهو ماسك راسه:آآخ تعبان
دخل عبدالعزيز غرفة مساعد...
عبدالعزيز:قود مورنينج
مساعد:قود مورنينج
جلس عبدالعزيز على السرير:قوم غسل وجهك أبي أكلمك بموضوع
مساعد:مالي خلق أقوم إيش؟؟
عبدالعزيز:مساعد انت لازم تعتذر من أبوي
مساعد رافع حاجب:أعتذر منه ليه؟؟
عبدالعزيز:وتسأل كمان ليه إلي سويته أمس هين
مساعد:هذي الحقيقه
عبدالعزيز:بلا غرور وراح تعتذر منه يعني راح تعتذر هذا أبوك
مساعد:انا ماقلت شي غلط
عبدالعزيز:قلت ولا ماقلت بتعتذر ..وعلاقتك مع عزام بتتعدل
مساعد:عزاموه نو ويه ماراح أكلمه
عبدالعزيز:إيش فيك انت؟؟عزام ولد عمك يعني عاجبك إلي يصير بينكم
مساعد:أوه خلك مني ألحين..فكرت بالموضوع؟؟
عبدالعزيز قام من على السرير:تعبت من التفكير
مساعد:وإيش وصلت له؟؟
عبدالعزيز:بطلع معاها
قام مساعد وقف مقابل عبدالعزيز:بجد

عبدالعزيز:أيوى
مساعد:روح معاها البحر
عبدالعزيز:وليه البحر بالذات؟؟
مساعد:لأنه أكثر مكان رومانسي
عبدالعزيز:يعني لازم نروح الشرقيه..مالي خلق المشوار
مساعد:مالك خلق المشوار ولا ماتبي تجلس معاها كثير..عزوز حاول بقدر الإمكان تتقرب منها
عبدالعزيز:أوكي باكلمها وباشوف..وانت يالله روح اعتذر من أبوي
مساعد:رجعنا
عبدالعزيز:أيوى وماراح أسكت إلا لما تعتذر منه
مساعد:أوكي
أخذ مساعد شاور ولبس ملابسه وراح لأبوه بغرفته طق الباب...
بوعبدالعزيز:تفضل
دخل مساعد...
مساعد:صباح الخير يوبى
بوعبدالعزيز:ـــــــــــــ
مساعد:يوبى أنا آسف على إلي صار أمس صدقني موب قصدي الكلام إلي قلته
بوعبدالعزيز:كلامك أمس يامساعد خطير حسستني إني هاملنك ولاأدري عنك
مساعد:قلت هذا الكلام بلحظة غضب وماحسيت له
بوعبدالعزيز:حتى لو كنت بلحظة غضب ماتقول ذى الكلام هذا وأنا المدلعك ومارفض لك طلب
مساعد:آسف يوبى حقق علي
بوعبدالعزيز:المشكله انك غالي مازعل عليك
باس مساعد راس أبوه:الله يخليك لي
بوعبد العزيز:عندي لك طلب..أبيك تتصالح مع...
قطعه مساعد:مستحيل يوبى لاتفكر بالموضوع أنا وعزام مستحيل نتصالح
دق جوال مساعد...
مساعد:عن إذنك يوبى
بوعبدالعزيز:تفضل ياولدي
طلع مساعد ورد على جواله...
مساعد:هلا فيصل
فيصل:هلا.. انت في البيت؟؟
مساعد: أيوى بالبيت
فيصل: طيب تعال لي البيت
مساعد:ماقدر سيارتي بالورشه
فيصل:ليه؟؟
مساعد:إذا شفتك باقول لك
فيصل:أوكي بامرك ألحين
مساعد:أوكي أنتظرك باي
فيصل:باي
وفي بيت بومشعل كانت حلا جالسه مع أمها في الصاله ...
حلا:خلني أدق على أشواق
أم مشعل:ليه؟؟
حلا:باقول لها تروح معاي السوق
كلمت حلا بيت خالتها ورد عليها حمد...
حمد:آلو
حلا:مرحبا
حمد:هلا
حلا:كيف الحال؟؟
حمد:بخير..وانت؟؟
حلا:تمام..وينها أشواق؟؟
حمد:لحظه..أشواق التلفون
أشواق:من؟؟
حمد:حلا
أخذت أشواق التلفون...
أشواق:هلا حلا
حلا:هلا كيفك؟؟
أشواق:تمام..وانت؟؟
حلا:بخير.. خلنا نروح السوق اليوم؟؟
أشواق:أوكي متى أشوفك؟؟
حلا:تعالي العصر الساعه 4 كذا
أشواق:طيب باي
حلا:باي
وفي العصر راحت أشواق بيت خالتها دخلت ولقت خالتها بالحديقه...
أشواق:مرحبا خالتي
أم مشعل:هلا بنيتي كيف حالك؟؟
أشواق:ماشي الحال ..أقول خالتي وينها حلا؟؟
أم مشعل:داخل تلبس عباتها إدخلي لها
دخلت أشواق لحلا...
حلا:هلا ليه تأخرتي؟؟
أشواق:السايق الغبي تأخر..يالله لايمشي صاير شخصيه الأخ
حلا:ههههههه
نزل عزام وهم طالعين ومانتبه للي مع حلا...
عزام:حلا
حلا تدور لعزام:هلا
دارت أشواق وطاحت عينها بعين عزام وتذكروا إثنينهم الموقف إلي صار بالملكه...
عزام:وين رايحين؟؟
حلا:السوق

عزام حاط أياديه في جيوبه وقرب من حلا وهو يطالع أشواق وهو رافع حاجب...
عزام:ماتعرفنا؟؟
حلا:عزام تستهبل
عزام:أكيد إسمها قمر
ضحك على جنب وطلع لأمه بالحديقه..وأشواق حسيت إنه شوي وبيغمى عليها...
حلا:يالله يالله لانتأخر
طلعت حلا مع أشواق...
حلا:يمى حنا رايحين
أم مشعل:الله يحفظكم
عزام:باي قمر
إضحكت أشواق وطلعوا هي وحلا...
حلا:ماعليك منه يستعبط شوي
أشواق:لا عادي
أم مشعل:متى أشوفك عريس على إلي في بالي
عزام:بعدين بعدين..أنا رايح
عبدالعزيز كان جالس بغرفتها ومتردد يكلم الجازي ولا لأ...
عبدالعزيز:أوه بكلمها وإلي فيها فيها
دق عبدالعزيز على الجازي..شافت الجازي الرقم وقالت...
الجازي:غريبه داق علي..هلا عبدالعزيز
عبدالعزيز:كيف الحلوين اليوم؟؟
الجازي:يسلمون عليك
عبدالعزيز:الله يسلمك..مشغوله اليوم؟؟
الجازي:لأ
عبدالعزيز:أوكي إيش رايك نطلع اليوم؟؟
الجازي:ليه لك خلق تطلع معاي
عبدالعزيز:نعم
الجازي:لا سلامتك وين نروح؟؟
عبدالعزيز:سروبرايز
الجازي:بجد
عبدالعزيز:أيوى
الجازي:أوكي
عبدالعزيز:يالله إجهزي بامرك ألحين
الجازي:باي
وبعد مالبس ملابسه أخذ جواله ومحفظته ومفتاح السياره وطلع وصل بيت عمه ودق على الجازي عشان تطلع..طلعت الجازي وركبت السياره...
الجازي:السلام
عبدالعزيز:وعليكم
الجازي بخاطرها:والله انك ياعزيز يوم رايق ويوم مضايق وللأسف الواضح إنك مضايق
عبدالعزيز:ليه ساكته؟؟
الجازي:أممممممم وين بنروح؟؟
عبدالعزيز:قلت عليك سروبرايز
الجازي:الله يستر من ذى السروبرايز
عبدالعزيز:إيش دعوه مافي ثقه
الجازي:إلا في
شغل المسجل على أغنية راشد الفارس "هذا الحب"...
عبدالعزيز بخاطره:ياليت أقدر أحس بذى الحب
وصلوا البحر وطالعت الجازي مستغربه...
عبدالعزيز:يالله نزلي
نزلت الجازي وهي فرحانه ومستغربه بنفس الوقت..راحت مع عبدالعزيز عند البحر وتمشوا عليه..بعد صمت دام عشر دقايق...
الجازي:عزيز بسألك سؤال؟؟
عبدالعزيز:هلا
الجازي:ليه معاملتك لي تغيرت؟؟
عبدالعزيز إرتبك:ها.. أنا..
الجازي:لاتنكر هذا الشي عزيز وبصراحه أنا حاسه انك ماتبيني؟؟
عبدالعزيز كان يمشي جنب الجازي وقف قدامها وطالعها بنظرات غريبه...
عبدالعزيز:إيش هذا الكلام الفاضي من وين جايبته؟؟
الجازي:من معاملتك لي
عبدالعزيز:.........الجازي أنا لوماأبيك ماخطبتك
الجازي جات بتكلم وحط صبعه على فمها...
عبدالعزيز:ما أبي أسمع هذا الكلام مره ثانيه
ابتسمت الجازي بس من داخلها كانت تبكي.

إيش بكون موقف عبدالعزيز مع الجازي بعد إلي سمعه منها؟؟
وبيعرف عزام أشواق ولا لأ؟؟
بايو

*********************************************

الجــــــــزء الخامســ
سوري على التأخير وهذا الجزء إنشالله يعجبكم
الجزء الخامس
الجو هدوء يمشون وكأنهم أول مره يتلاقون...
عبدالعزيز بخاطره:يالله ماظنيت إنه بجي يوم تصارحني بلي في قلبها
وقف عبدالعزيز...
الجازي: ليه وقفت؟؟
عبدالعزيز:تعبت خلنا نجلس هنا
عبدالعزيز بخاطره:ليه أكذب عليها وأقول لها إني أحبها ليه أعيشها بأوهام..أصارحها أقول لها إني ما أبيها..
قطعت تفكيره الجازي:في إيش تفكر؟؟
عبدالعزيز:سلامتك.............إيش رايك بالبحر؟؟
الجازي:روعه..(بخاطرها): يا ليتني أعرف إيش تفكر فيه
عبدالعزيز مسك يد الجازي وحطها على رجله...
عبدالعزيز:ممكن
الجازي مستغربه:إتز أوكي..(بخاطرها):غريب يا عبدالعزيز حركاتك غامضه مستحيل أفهمها
الجازي:طيب خلنا نرجع
عبدالعزيز:إيشدعوه مليتي مني
الجازي:لا لا بس تعبت وأبي أنام بعدين الوقت تأخر
دق جوال الجازي وكانت أمها المتصله...
الجازي:هلا يمه
أم راشد:هلا يالجازي وينكم تأخرتوا؟؟
الجازي:حنا راجعين إنشالله مابنطول
أم راشد:طيب يابنتي سلمي على عبدالعزيز وقولي له ينتبه على الطريق
الجازي:طيب
أم راشد:بحفظ الله
الجازي:تسلم عليك أمي
عبدالعزيز:الله يسلمك..يعني لازم نرجع؟؟
الجازي:يس ما أبيك تسوق بوقت متأخر
عبدالعزيز:أوكي براحتك
أما مساعد فكان في الصاله مع بيان إلي كانت تشاهد التلفزيون وهو رايح جاي ينتظر عبدالعزيز...
بيان:مساعدوه إيش فيك رايح جاي دوختني
مساعد:مالك دخل.............بيانوه
بيان:هلا
مساعد:أمممممممم خلاص
بيان:براحتك
مساعد:بيانوه
بيان:إيشتبي؟؟
مساعد:خلاص خلاص
بيان:مساعدوه إيش فيك انت شارب شي؟؟
مساعد:نعم..ليه؟؟
بيان:لا بس شكلك موب مثبت
مساعد:ياهو ضبطي كلامك يا بنت
شوي ويدخل عبدالعزيز راح مساعد بسرعه له...
مساعد:هلا بومتعب
عبدالعزيز مضايق:هلا
مساعد:إيش فيك؟؟
عبدالعزيز:ناثينق
راح عبدالعزيز غرفته...
بيان:إيش فيه عزوز؟؟
مساعد وهو عارف إيش فيه عبدالعزيز:مدري
راح مساعد لعبد العزيز غرفته...
بيان:وأنا إيش مقعدني أروح أنام أفضل
وفي غرفة عبدالعزيز...
مساعد:وإيش بتسوي؟؟
عبدالعزيز بصوت تعبان:مدري أفكر أصارحها
مساعد:لأ.. لاتفكر بهذا الشي
عبدالعزيز:وإيش تبيني أسوي أنا أكثر من كذا ماأقدر
مساعد:يعني هي مقتنعه إنك ماتبيها ولا تحبها
عبدالعزيز:أيوى
مساعد:طيب انت إهدا وبليز لا تتهور وشيل من بالك فكرت تصارحها
عبدالعزيز:صدقني يا مساعد مافي حل إلا كذا
مساعد:إلا في غيره وبعدين إيش راح تستفيد إذا صارحتها
عبدالعزيز:طيب عطني حل ثاني
مساعد:تقرب منها وإطلع معاها كذا مره
عبدالعزيز:ياربي رجعنا لموضوع الطلعات
مساعد:وكيف بتقرب منها بالتلفون................اسمع الوقت تأخر نام وبكره نطلع لك حل
عبدالعزيز:أوكي
وفي الصباح في بيت بوحمد...
حمد:يمه .. أبوي متى بيرجع؟؟
أم حمد:والله مدري بس أمس كلم وقال إن ممكن يطول
أشواق:والله ملينا صرنا مانشوفه إلا مرتين كل سنه من هالسفر
أم حمد:بعد إيش إسوي هذي طبيعة شغله
حمد:يالله أنا رايح المدرسه
أم حمد:صح اليوم بنتغدى في بيت خالتكم أم مشعل
حمد:ليه؟؟
أم حمد:عازمتنا من زمان وكل يوم نأجل لبكره.. لا تتأخر إطلع من المدرسه وتعال البيت على طول لا تلف ودور
حمد:طيب
أشواق بخاطرها:إنشالله ما يكون عزام موجود لأنه إن عرف إني بنت خالته بحرم حتى يطالع وجهي.. يالله أنا تأخرت على المدرسه
أم حمد:انتبهوا لنفسكم
وفي المدرسه كان جالس مع ربعه...
ماجد(صاحب نايف الروح بالروح):أوف جى هالغبي
نايف يطالع:من هو؟؟
ماجد:فهدوه
(فهد صاحب نايف بس علاقته معاه سطحيه)...
فهد:نايف ممكن شوي؟؟
نايف:خير
فهد:تعال معاي لحظه
نايف:أوكي
ماجد بصوت خفيف يقلد صوت فهد:نايف ممكن شوي؟؟
نايف ضرب ماجد على كتفه وراح مع فهد...
نايف:إيش؟؟
فهد:نايف عندي لك مشروع يجنن
نايف:مشروع..مشروع إيش؟؟
فهد :موقع على النت
نايف:موقع أمممم فكره حلوه بس موقع إيش؟؟
فهد يطالع يمين وشمال...
نايف:إيش فيك؟؟
فهد: تركيب صور بنات
نايف يصارخ:إيش انت صاحي؟؟
فهد:قصر صوتك فضحتنا
نايف:إيش تقول؟؟
فهد: إيش فيك عصبت وناسه وتضيع وقت
نايف:في ألف شي تضيع به وقتك ويونسك ما لقيت إلا هذا الشي
فهد:صدقني ماراح تخسر شي بالعكس راح تتونس
نايف:نو ويه لاتحاول
فهد:بليز نايف لاتستعجل فكر بالموضوع ماراح تندم
نايف:وإذا إنفضحنا؟؟
فهد:ماراح ننفضح لأن ماحد بيعرف بالموضوع انت جرب وإذا ماعجبك الوضع اتركه ماراح تخسر شي
نايف:ــــــــــــــ
فهد:أخذ ردك الليل؟؟
نايف:أوكي
رجع نايف لربعه...
ماجد:إيش فيك؟؟
نايف:ولا شي
ماجد:طيب يالله بدت الحصه لانتأخر
نايف:يالله يالله لاناخذ لنا تهزيئه بعد
أما في الجامعه كان مساعد جالس مع فيصل يذاكرون...
مساعد:أوه مليت من المذاكره..خلنا نروح الكافتيريا
فيصل:يالله نفس تفكيري ماشالله أنا وانت نفس تفكير الحمار
مساعد:هههههههههه..يالله
راحوا فيصل ومساعد الكافتيريا ولقوا راشد جالس يذاكر هناك...
فيصل ومساعد:مرحبا
راشد:هلا والله
فيصل:أجل عزام وينه؟؟
مساعد:وإيش تبي فيه؟؟
فيصل:مالك دخل سر
مساعد:بايخ
فيصل:وانت أبيخ حبيبي
راشد:هههههههههههههه كيفكم؟؟
مساعد:تمام.. وانت؟؟
راشد:ماشي الحال
وفي هذا الوقت جى عزام...
مساعد طالعه بنظره:يالله حنا ماشيين
عزام بمسخره:لا ولي يخليك أوقف
راشد وقف:أمش أمش تأخرنا على المحاضره
وبعد فتره في المحاضره...
راشد يكلم عزام بصوت خفيف:فهمت شي؟؟
عزام:يعني
الدكتور:عزام وراشد فيه شي؟؟
راشد وعزام:لا ولاشي
راشد:طيب متى بتخلص المحاضره؟؟
عزام:باقي نص ساعه تقريباً
راشد:أوووووووف مليت
عزام:وانت على طول زهقان
الدكتور بعصبيه:راشد وعزام بلاها التعليقات الجانبيه
راشد:طيب وانت دايم معصب
وفي الشركه كان عبد العزيز رايح لمكتب أبوه يوقع له أوراق...
عبدالعزيز:مرحبا يالغالي
بوعبدالعزيز:هلا بومتعب تفضل
عبدالعزيز:هذي أوراق أبيك توقعها
بوعبدالعزيز:أشوفها
بوعبدالعزيز يوقع الأوراق ويطالع عبدالعزيز كأنه يبي يقول شي...
عبدالعزيز:خير يبه في شي
بوعبدالعزيز:كيفك مع بنت عمك؟؟
عبدالعزيز:ها..تمام
بوعبدالعزيز:متأكد
عبدالعزيز:أكيد يبه ليه تسأل؟؟
بوعبدالعزيز:لا ولاشي الله يوفقكم..تفضل
عبدالعزيز:شكراً عن إذنك

وهو طالع صدم بمشعل...
مشعل:آآآآآآآآآآوووووو
عبدالعزيز:اوبس سوري بوبندر
مشعل:إيش فيك ماخذ تهزيئه؟؟
عبدالعزيز:نعم..حبيبي أنا كبرت ما أتهزئه
مشعل:لا أكيد يا بومتعب..أقول وخر وخر
عبدالعزيز:طيب
خلصت المحاضره طلع وركب سيارته ورمى كتبه على الكرسي إلي جنبه...
راشد:آآآه أخيراً خلصت.. خلني أدق عليها وأشوف ليه مادقت أمس
دق كذا مره وماحد رد عليه طالع الساعه...
راشد:أوووه هي بالمدرسه ألحين
وهو بسكره ردت عليه...
بيان:هلا
راشد:هلا حبيبي..انت هالوقت مفروض بالمدرسه؟؟
بيان:مارحت اليوم
راشد رفع صوته شوي:ليه فيك شي؟؟
بيان تضحك:لا لا تخاف صحيت متأخر وكنت تعبانه ومالي مزاج المدرسه
راشد:أها.. وكيفك ألحين؟؟
بيان:أفضل
راشد:ليه مادقيتي أمس؟؟
بيان:أووووووه نسيت سوري راشد
راشد:عادي تعودت على أعذارك
بيان بخاطرها:يابعد عمري ياراشد..لا بجد ما قصدي بس نسيت
راشد:أوكي بسامحك هذي المره
بيان:ثانكس
راشد:أوكي حبيبي سلامتك
بيان:الله يسلمك
راشد:قود تايم
بيان:قود تايم
سكرت بيان وضمت جوالها...
بيان:آآآآآآآآآآآآه أحبك أحبك
والظهر راحوا أم حمد مع حمد وأشواق بيت بومشعل جلس حمد مع مشعل وبندر في مجلس الرجال وأشواق وأم حمد مع خالتها وهيا وحلا في الصاله...
مشعل:وكيفك مع الدراسه حمد؟؟
حمد:ماشي الحال
بندر:انت شاطر بالمدرسه؟؟
حمد:أيوى وانت؟؟
بندر:أنا شاطر كثير
مشعل:بابا بندر روح نادي عمك عزام
بندر:وينه؟؟
مشعل:فوق بغرفته
راح بندر لغرفة عزام وفتح الباب ومالقاه نزل لصاله ولقاهم جالسين...
بندر:وين عزام؟؟
هيا:بندر عيب قول عمي عزام
حلا:عزام بالجامعه يمكن مايجي على الغدا
أم مشعل:ليه؟؟
حلا:مدري يمكن محاضراته تطول
راح بندر لمجلس الرجال...
بندر:بابا مالقيته
مشعل:طيب بادق عليه وأشوفه
وفي هالوقت دخل بومشعل مجلس الرجال وقام حمد يسلم عليه...
حمد:مرحبا بومشعل
بومشعل:هلا هلا والله حمد كيفك؟؟
حمد:بخير وانت كيف الشركه معاك؟؟
بومشعل:ماشي الحال
بندر يركض لبومشعل...
بو مشعل:هلا بشيخ الشباب
بندر:جدو متى بتشتري لي سياره
بومشعل:تبي سياره؟؟ خلاص الليل نروح نشتريها
مشعل يكلم عزام على جواله...
عزام:وأيش إلي جابهم هذولي؟؟
مشعل:تأدب.. بعدين انت من متى ماشفتهم اتحدى إذا تعرفهم
عزام:متخلفين إيش أبي فيهم؟؟
مشعل:أوه لاطولها وهي قصيره بتجي يعني بتجي لا طول
عزام:طيب باي
مشعل:باي........جيت يبه
بو مشعل:أيوى.........أجل عزام وينه؟؟
مشعل:ألحين بيجي
بعد شوي دخل عزام مجلس الرجال.. طالع حمد بس ماعرفه...
عزام:مرحبا
الكل:هلا
مشعل:عزام هذا حمد ولد خالتك
عزام يسلم على حمد:هلا والله كيفك؟؟
حمد:بخير وانت؟؟
عزام:تمام
بومشعل:ليه تأخرت؟؟
عزام:الدكتور الغبي أخرنا في المحاضره
بومشعل:طيب يالله روح غير ملابسك عشان نتغدى
عزام:طيب
دخل عزام الصاله إلي كانوا جالسين فيها الحريم...
عزام:السلام
الكل:وعليكم السلام
أم حمد:كيف حالك عزام؟؟
عزام:تمام الحمدالله
أم حمد:وينك من زمان ماشفناك؟؟
عزام(بخاطره):اوه ليه الإحراج كيف برد عليها ألحين.. سوري خالتي بس مشغول مع الجامعه
أم حمد:الله يوفقك
عزام:تسلمين
راح عزام لغرفته ومانتبه لأشواق..أما أشواق من شافت عزام وقلبها يدق...
وفي بيت بو راشد كان راشد يشاهد التلفزيون مع نايف..أخذ نايف الجهاز وغيره...
راشد:ليه غيرته؟؟
نايف:بايخ
راشد:رجعه بسرعه
نايف:مابي
راشد يسحب الجهاز من يد نايف:جيبه
نايف:مابي مابي
ضرب راشد نايف على كتفه بقوه وضربه نايف وتهاوشوا..الجازي كانت مع أم راشد بالمطبخ سمعوا صراخهم وراحوا لهم...
الجازي:هه انت وياه بس
بعدت الجازي راشد عن نايف...
نايف:غبي
راشد:بعض ماعندكم
أم راشد:بس ماتملون من الهواش كبرتوا على بالكم بعدكم صغار
نايف:قولي لهذا
راشد:إسمي راشد يا بيبي
راشد كان واقف على الكنبه رمى نايف نفسه عليه وتهاوشوا...
نايف:لا تقولي بيبي
راشد:بيبي غصباً عنك
الجازي وأم راشد يبعدوهم عن بعض مسكت الجازي راشد وأم راشد نايف...
راشد:مابقى إلا البزارين يتكلمون
نايف:إحترم نفسك
أم راشد: بس انت وياه
الجازي:توم وجيري وحنا ماندري
راح نايف وراشد كل واحد منهم غرفته.. وفي بيت بومشعل تغدوا والعصر جلسوا يشربون وشاهي..كانت أشواق مع حلا في المطبخ شوي ويدخل عزام انتبهت له أشواق وتلثمت قبل ما يشوفها..شاف عزام أشواق...

[size=12]عزام (بخاطره):هذي البنت إلي كانت مع حلا هذاك اليوم بس أنا شايفها من قبل بس وين ماذكر
حلا:عزام حبيبي بتطلع اليوم؟؟
عزام وهو فاتح الثلاجه بياخذ له عصير:وليه تسألين؟؟
حلا:جهازي إنكسر أبيك تشتري لي واحد ثاني
عزام:وانت كل شهر لك جهاز يابنت حافظي على أغراضك
حلا:من عيوني بس بتشتري ولا لأ؟؟
عزام:أي واحد تبي؟؟
حلا:انت وذوقك بس يفضل الشيطان
عزام:لأ اخذي الهمر أحلى
حلا:بتشتري لي؟؟
عزام وهو يرجع العصير الثلاجه:لأ
أشواق:ههههههههههه
عزام(بخاطره):الله ماحلى ضحكتها..ياربي وين شايفها هالبنت
حلا:يالله عاد عزاموه
عزام وهو طالع:أفكر
طلع عزام من المطبخ وراح غرفته نام على السرير ويفكر.. بعد شوي...
عزام:عرفتها..هذي البنت إلي صدمت فيها يوم الملكه إلا هي .. شكلها علاقتها مع حلا وف لازم أعرف من هذي البنت
والليل كلمت بيان الجازي...
الجازي:هلا والله
بيان:هلا فيك.. الجازي مشغوله؟؟
الجازي:لأ ليه؟؟
بيان:لا بس عندي درس بالرياضيات موب فاهمته أبيك تفهميني إياه
الجازي:أوكي تعالي بيتنا
بيان:بيتكم لا لا ماقدر انت تعالي أفضل
الجازي:أوكي ألحين بجي
بيان:يالله أنتظرك
بعد شوي وصلت الجازي بيت عمها دخلت وجلست مع بيان في الصاله...
الجازي:ها وينه الدرس؟؟
بيان وهي تفتح الكتاب :هذا
شرحت الجازي الدرس لبيان...
الجازي:ها فهمتيه؟؟
بيان:أيوى ثانكس
الجازي:ويلكم
وفي هالوقت دخل عبدالعزيز...
عبدالعزيز:هاي
الجازي وبيان:هايات
بيان:أوكي بالإذن
عبدالعزيز:بيان مساعد هنا؟؟
بيان:لا طلع
عبدالعزيز:أوكي
راحت بيان غرفتها وجلس عبدالعزيز جنب الجازي...
عبدالعزيز:كيف الجامعه معاك؟؟
الجازي:ماشي الحال
بعد شوي...
الجازي:عزيز إيش فيك شكلك عندك كلام تبي تقوله؟؟
عبدالعزيز بخاطره:لو تعرفين يالجازي إيش بصير فيك إذا تكلمت ماطلبتي مني أتكلم...ماعندي شي أقوله
الجازي:بس انا أبيك تقولي بمشاعرك ناحيتي
عبدالعزيز إرتبك وماعرف كيف بيرد عليها:ها..أنا..
الجازي:إرتباكك عزيز أكبر دليل على ان ماعندك مشاعر ناحيتي
عبدالعزيز وقف:أنا ماقلت لك لاتكلمين بهذا الموضوع مره ثانيه
الجازي:عزيز أرجوك صارحني وريح قلبي انت تبيني ولا لأ؟؟
عبدالعزيز:أكيد أبيك..إيش إلي يخليك تشكين بالموضوع
الجازي:حركاتك ومعاملتك الجافيه لي عزيز انت مستحيل تحبني انت مغصوب علي
عبدالعزيز يصارخ:إيش أنا بنت يغصبوني عليك الجازي أنا أخذتك برضاي
الجازي:عزيز لا تكذب
عبدالعزيز:براحتك لا تصدقين
راح عبدالعزيز غرفته وطلعت الجازي ركبت السايق وهي منهاره...
الجازي وهي تبكي:كنت عارفه انك ماتبيني يا عبدالعزيز
بايــــــــــــــــــــــــــــــــــــــو

[/size]

الجزء السادس

وصلت بيتهم وراحت غرفتها دايركت سكرت عليها الباب ورمت نفسها على السرير والدموع مليانه عينها...

الجازي:معقوله طول هالفتره كان يمثل علي إنه يبيني......... كيف بكمل حياتي مع واحد مايبيني ولا يحبني...آآآآآآآآه راسي يوجعني

أما نايف فكان جالس على الكمبيوتر بغرفته ودق جواله...

نايف:آلو

فهد:هلا والله يابو الشباب

نايف بدون نفس:هلا

فهد:إيشدعوه مالك خلق ترد ماعلينا فكرت بالموضوع؟؟

نايف:فهد انت ضامن هذا الشي؟؟

فهد:أفا عليك ضامنه مئه بالمئه

نايف:ـــــــــــــــــ

فهد:إيش فيك قلت لك إذا ماعجبك الشغل إتركه

نايف تنهد:طيب برد عليك بكره

فهد:ليه هالتفكير المطول ماله داعي

نايف:لا أغير رايي الحين

فهد:لا لا طيب لاتعصب أشوفك بكره

وفي الصباح مساعد كان جالس يفطر مع عبدالعزيز ودق جواله...

مساعد:يالله إيشتبي هذي

عبدالعزيز:من هي؟؟

مساعد:رقم غريب صار له فتره يدق علي ومره رديت وكانت بنت غلطانه

عبدالعزيز:أكيد معجبه ياكثرهم هالمعجبين رد عليها

مساعد:آلو

البنت:السلام

مساعد:وعليكم

البنت:انت مساعد صح؟؟

مساعد:من انت بالأول

البنت:لا موب ضروري تعرف من انا

مساعد يبي يختصر المكالمه:أوكي كيف عرفتيني؟؟

البنت:ألحين ماقدر أقول لك شي العصر بدق عليك وأقولك كل شي

مساعد:لا والله ليه في شي بيني وبينك عشان تقولينه

البنت:بعدين تعرف كل شي بس أتمنى ترد علي

مساعد:أوكي بنشوف باي

البنت:باي

عبدالعزيز:ها عرفتها؟؟

مساعد:لأ بس شكلها تعرفني

عبدالعزيز:ناس فاضيه يالله أنا باروح الجامعه

مساعد:مي تو

وفي بيت بوراشد على الفطور...

أم راشد:الجازي ماصحت؟؟

راشد:مدري

أم راشد:خلني اروح أشوفها

راحت أم راشد غرفة الجازي دخلت ولقتها نايمه...

أم راشد:يالجازي إصحي يابنتي لاتتأخرين على الجامعه

الجازي بصوت تعبان:يمه تعبانه خلني أنام

أم راشد وهي تمسح على شعر الجازي:خير يابنتي إيش فيك؟؟

الجازي:راسي يألمني

أم راشد:طيب ماتشوفين شر

الجازي :الشر مايجيك

نزلت أم راشد...

بوراشد:ها وينها الجازي؟؟

أم راشد:نايمه تقول تعبانه

بوراشد:طيب إذا صحت روحي معاها المستشفى

أم راشد:إنشالله

بوراشد:أنا رايح الشغل تبين شي؟؟

أم راشد:سلامتك

راشد:وأنا كمان باروح الجامعه

أم راشد:بحفظ الله....... وانت مابتروح المدرسه؟؟

نايف:يمه وانا كمان تعبان مابروح المدرسه

أم راشد:لاه.. يالله يالله قم لاتتأخر على المدرسه

نايف وهو قايم:يالله وانتوا نهار ولليل تهزئني

وفي السياره كان يفكر...

نايف:ياربي أوافق بس إذا إنكشفنا باروح فيها ... كيف ننكشف وماحد يعرف إنا حنا أصحاب الموقع...... آآآه تعبت من التفكير

وصل المدرسه وكان فهد ينتظره دخل وراح له فهد على طول...

فهد:هلا والله

نايف:هلا

فهد:ها بشر؟؟

نايف بتردد:أنا موافق بس...

فهد بفرحه:بس إيش؟؟

نايف:أذا ماعجبني الشغل بتركه

فهد:لا إنشالله بيعجبك
نايف:متى بنبدأ؟؟
ومن جهه ثانيه كان ماجد واقف ويطالعهم...
ماجد:إيش قصة نايف مع فهد؟؟..... الله يستر فهدوه ماوراه إلا المشاكل
مشى فهد وراح ماجد لنايف...
نايف:قود مورنينق
ماجد:قود مورنينق.... إيش يبي فهد منك؟؟
نايف إرتبك:ها..لا بس يسأل عن الإختبار
ماجد:إي إختبار؟؟
نايف:مدري مدري..انسى الموضوع
ماجد:الله يستر منك يانايف
طالع نايف ماجد بارتباك ومشوا
بيان كانت جالسه مع حلا يذاركون...
بيان:بتجيب هذي المسأله في الإختبار
حلا:لا لاهذي
بيان:هذي سهله ماراح تجيبها
شوي وتجي الهنوف وهي طايره من الفرحه...
حلا:الله يدوم الوناسه
الهنوف:اليوم أحلى يوم بحياتي

بيان:ليه؟؟

الهنوف:لا حبيبتي كل شي بوقته حلو

والظهر رجع مساعد بيتهم وهو تعبان حيل ولقى بيان جالسه في الصاله راح ورمى نفسه على الكنبه نام وحط راسه على رجل بيان...

مساعد:آآآآآآه تعبان

بيان:موب تعب كسل

مساعد:وين مامي؟؟

بيان:بالمطبخ

مساعد:أوكي أنا باروح أنام والساعه 4 صحيني

بيان:والغدا؟؟

مساعد:مابي لاتنسي 4 صحيني

بيان:طيب

راح مساعد غرفته وغير ملابسه وجى بنام ودق جواله...

مساعد:أوه هذا وقتك....... آلو

البنت:هلا.. كيفك؟؟

مساعد:بخير.. وانت؟؟

البنت:ماشي الحال

مساعد:موب قلتي العصر

البنت:أيوى بس ماقدرت أصبر

مساعد:لحظه ماراح أكلمك إلا لما قولي من انت

البنت:أمممممم أوكي أنا إسمي وجد

مساعد:لا صدقت هذا اسمك

وجد:وليه أكذب عليك

مساعد:أوكي اوكي كيف عرفتيني؟؟

وجد:بصارحك يامساعد من البدايه......أنا أحبك

مساعد:تحبيني... ليه شايفتني من قبل؟؟

وجد:انا دايم أشوفك بس غرورك عامنك عني

مساعد:لاه وتعرفين كمان إني مغرور

وجد:وأعرف إنك بسنه أولى جامعه

مساعد:هههههههه

وجد:ليه تضحك؟؟

مساعد:من وين جايبه هذي المعلومات؟؟

وجد:بعدين تعرف

مساعد يضحك على جنب:طيب يا.......وجد ممكن سؤال

وجد:تفضل

مساعد:بأي سنه انت؟؟

وجد:ليه السؤال؟؟

مساعد:فضول

وجد:بثاني ثنوي

مساعد:العمر كله

وجد:تسلم.. طيب مابي اطول عليك بس ممكن أكلمك مره ثانيه

مساعد:شور

وجد:باي

مساعد:باي.......والله غريبه هالبنت إيش قالت قالت وجد

وفي بيت بومشعل حلا كانت جالسه في غرفتها ودخل عليها عزام...

عزام:مرحبا

حلا:هلا والله

عزام:حلا أبي أسألك سؤال

حلا:إيش؟؟

عزام:بس لايروح فكرك لبعيد

حلا مستغربه:أوكي

عزام:البنت إلاي كانت معاك بالمطبخ أمس من هي؟؟

حلا:نعم معقوله ماتعرفها

عزام:لوأعرفها بسألك

حلا:لا أكيد تستهبل

دق جوال عزام...

عزام:طيب نكمل كلامنا بعدين

طلع عزام من الغرفه وحلا مستغربه...

حلا:من جد هذا يتكلم كيف مايعرف بنت خالته

وفي الليل الجازي إتصلت لعبدالعزيز بعد تردد...

عبدالعزيز:هلا الجازي

الجازي:عزيز ممكن تجي بيتنا؟؟

عبدالعزيز:ليـــــــــــــــــــه؟؟

الجازي:أبيك في موضوع مهم

عبدالعزيز:إيش هو الموضوع؟؟

الجازي:تعال وانت تعرف

عبدالعزيز:طيب

الجازي:أنتظرك... باي

عبدالعزيز:باي....... إيشتبي هذي خلني أروح وأشوفها

وصل عبدالعزيز بيت عمه بوراشد.... دخل عبدالعزيز البيت...

عبدالعزيز:الجازي.. الجازي وينك

صعد لها فوق.. والجازي كانت جالسه بغرفتها...

الجازي:هذا كأنه صوت عبدالعزيز

قامت الجازي تفتح الباب ولقت عبدالعزيز قدامها...

الجازي:هلا عزيز تفضل

عبدالعزيز:إيش هو الموضوع المهم؟؟

جلست الجازي على السرير بهدوء طالعت عبدالعزيز ونظراته إبتسمت ونزلت راسها...

الجازي:عزيز بدون مقدمات ممكن.... ممكن نفسخ الخطبه
عبدالعزيز وقف:إييييييش قلتي .......انت صاحيه ولا مجنونه
الجازي:أنا مجنونه لأني وافقت عليك وعلى بالي تحبني وتبيني لكن للأسف انت ماتحبني ولا حتى تنظر لي نظرة إعجاب عزيز أنا تعبت من جفاك لي
عبد العزيز:ـــــــــــــــــــــ
الجازي:عزيز ممكن سؤال...... انت إيش تعرف عن الحب؟؟
عبدالعزيز بارتباك:الحب.....
الجازي والدمعه على خده:أنا أقولك..... الحب عاطفه الحب حنان الحب...الحب كل شي بالدنيا.........عبد العزيز أنا أحبك وانت كل يوم عن يوم تجرحني بمعاملتك لي عزيز أنا خلاص مقدر أكمل معاك
عبدالعزيز:انت إيش تقولين أنا مقدر أفسخ الخطوبه مستحيل
الجازي تضحك بسخريه والدموع ماليه عينها:متقدر تفسخ الخطوبه موب لأنك تبيني أنا.... لا لأنك خاف على أبوك ورضاه عليك... عزيز انت شخص ماعندك مشاعر ماتعرف تحب ماتهتم لمشاعر غيرك عشان كذا أنا مستحيل أكمل معاك
عبدالعزيز:الجازي إيش فيك قلت لك إنا أخذتك برضاي
الجازي:انت لو قلت لي من البدايه انك ماتبيني كان رفضت الخطبه من نفسي... عزيز بليز افسخ الخطبه ولا تخاف أنا بقول لهم إني أنا إلي طلبت منك هذا الشي
عبدالعزيز بخاطره:والله أبي أفسخ الخطبه اليوم قبل بكره بس إيش راح أقول للأهل
الجازي:عزيز أنا أحبك وأرددها ألف مره ومدري كيف بكمل حياتي بدونك حياتي بس انت ماتحبني انت ماتحبني ومستحيل اعيش مع شخص مايحبني ..........عبدالعزيز تكلـــــــــم
عبدالعزيز:وانت خليتي فيها كلام.... انت متأكده من إلي تقوليه؟؟
الجازي:أيوه متأكده أنا خلاص مستحيل أكمل حياتي مع شخص ما يكن لي أية مشاعر
عبدالعزيز:أنا آسف لأني عذبتك وجرحتك بمعاملتي لك .. خلاص ماراح تشوفين وجهي مره ثانيه
رمى عبدالعزيز الخاتم على الجازي وطلع معصب.. الجازي رمة نفسها على السرير وهي تبكي.. عبدالعزيز ركب السياره يسوق وهو موب عارف وين رايح...
في بيت بوراشد وصل راشد البيت...
راشد:ليه البيت فاضي كذا
ركب راشد فوق...
راشد:نور غرفة الجازي مفتوح شكلها داخل.. فتح راشد الباب ولقى الجازي طايحه على السرير...
راشد:الجازي..الجازي إيش فيك
رفع راشد الجازي وراح طيران للمستشفى.. دخلوا الجازي وراشد واقف ينتظر ووصلت أم راشد مع بوراشد وبيان بعد ماتصل راشد على أبوه...
عبدالعزيز كان في السياره دق جواله أخذه وسكره بدون مايطالع الرقم...
وفي الستشفى طلع الدكتور من الغرفه كلهم وقفوا وراح له بوراشد...
بوراشد:ها إيش فيها؟؟
الدكتور:إنهيار عصبي.. بس تحتاج اليوم تنام بالمستشفى لأنها ماراح تصحى
يوراشد باستسلام:طيب يادكتور مشكور
الدكتور:ولو هذا واجبنا سلامات إنشالله
راشد:يالله يمه الجازي ماراح تصحى الحين خلني أوديك البيت
أم راشد:لا مقدر أرجع البيت بجلس معاها
بوراشد:ياأم راشد مالها داعي جلستك هنا روحي إرتاحي في البيت وبكره نجي
بيان:أنا خالتي راح أجلس معها ولا يهمك انت روحي إرتاحي
راشد بخاطره:فديتها والله....... يالله يمه
أم راشد بحزن:يالله
راشد:بيان انتبهي لحالك
بيان وهي تبتسم:أوكي
راحت بيان غرفة الجازي وجلست جنبها وتفكر...
بيان:أموت وعرف ليه جى لها إنهيار عصبي
في بيت بوراشد كانوا نايف وراشد جالسين في غرفة نايف...
نايف:راشد
راشد:هلا
نايف:الجازي ليه جاها الإنهيار العصبي؟؟
راشد:مدري والله.. بس يمكن يمكن .. يعني إحتمال
نايف:قول إيش هو الإحتمال؟؟
راشد:يمكن متهاوشه مع عبدالعزيز وتعرف الجازي حساسه كثير
نايف:وإيش إلي يخليك تقول كذا؟؟
راشد:مدري لأن في الستشفى دقيت على عزيز ولا رد علي... وبالأصح سكر جهازه
نايف:يمكن ليه لأ
راشد:أوكي أنا باروح أنام تصبح على خير
نايف:وانت من أهله
راح راشد غرفته وكلم بيان...
بيان:هلا راشد
راشد:هلا حبيبي.. كيفك؟؟
بيان:بخير وانت لحد ألحين مانمت؟؟
راشد:شسوي أفكر فيك
بيان:ألحين مفروض تفكر بالجازي ولا فيني أنا
راشد:لا الجازي مافيها شي إنشالله تقوم بالسلامه
بيان:إنشالله
راشد:إذا تعبانه بجي أرجعك البيت وأجلس معاها أنا
بيان:لا لا انت إرتاح
راشد:وكيف أرتاح وانت معذبه قلبي.....أحبـــــــــــك
بيان:راشد موب وقته
راشد:وليه موب وقته
بيان:إختك في الستشفى تعبانه وانت تقولي أحبك
راشد:بعد إيش أسوي قلبي موب بيدي
بيان:يالله راشد أخاف أزعج الجازي رح نام لاتتعب
راشد:فديت إلي يخافون علي.....يالله عمري باي
بيان:باي قلبي
راشد:إيش قلتي؟؟
بيان:خلاص خلاص باي....سكرت الخط
راشد يضحك:أموت فيك
المكان هدووء مافي إلا صوت حركة أمواج البحر...

عبدالعزيز وهو يعاتب نفسه:أنا ليه سويت معاها كذا.. ياربي الجازي تحبني وأنا أعاملها بجفا ماحد يتصوره..ياربي إيش أسوي ألحين كلمتها انها تحبني موب راضيه تروح عن بالي

(عبدالعزيز تنهد):آآآآآآه يالجازي لو أقدر أتحكم بقلبي وعواطفي

رجع عبدالعزيز بيتهم وهو تعبان كثير...

وفي الصباح في بيت بو راشد...

راشد:يالله أنا باروح أجيب الجازي من المستشفى

أم راشد:أنا باروح معك

راشد:لالا يمه أنا بس باجيبها ماراح أطول

بوراشد:ياأم راشد هو ماراح يجلس معاها هو بجيبها

راشد:يالله أنا رايح

أم راشد:انتبه لنفسك يايمه وللجازي

راشد:إنشالله يمه ماطلبتي شي....باي

الكل:مع السلامه

وصل راشد للمستشفى وراح لدكتور...

راشد:السلام عليكم

الدكتور:وعليكم السلام

راشد:ها دكتور تقدر الجازي تطلع؟؟

الدكتور:أكيد.. بس عندي سؤال عن الجازي وآسف إذا فيه خصوصيات شوي

راشد:لا إيشدعوه تفضل

الدكتور:الجازي تمر بظروف نفسيه حاده..هل البيت موب موفر لها الراحه النفسيه ولا إيش فيها إهي؟؟

راشد:الجازي تمر بظروف نفسيه ليه؟؟.. لاإيشدعوه كيف مانوفر لها الراحه النفسيه

الدكتور:إهي متزوجه؟؟

راشد:لا مخطوبه

الدكتور:وخطيبها متوفي؟؟

راشد:لالا أستغفر الله فال الله ولا فالك

الدكتور:أنا آسف بس أنا أحط لك كل الإحتمالات لحالتها..لأن مستحيل يجي الإنهيار العصبي كذا بدون أسباب

راشد:والله مني عارف شقول لك

الدكتور:هي راح تتطلع اليوم من المستشفى وبالشفا إنشالله

راشد:أوكي مشكور يادكتور

الدكتور:العفو

وراشد رايح لغرفة الجازي كان يفكر بكلام الدكتور...

راشد:إيش إلي ممكن يصير للجازي يجيب لها إنهيار عصبي؟؟ الله يستر إحساسي يقول إنها متهاوشه مع عزيز

راشد:الســـــــلام

بيان والجازي:وعليكم

راشد:كيف الحلو اليوم؟؟

الجازي بابتسامه:بخير

راشد:سلامتك يالغاليه

الجازي:الله يسلمك

راشد:يالله ماتبين تروحين البيت ولا عجبتك جلسة المستشفى

الجازي:لا لا لا ألحين راح أقوم.. بس ممكن تطلعون عشان أغير ملابسي وألبس عباتي

بيان:طيب خذي راحتك

طلعوا راشد وبيان وجلسوا ينتظرون الجازي...

راشد:تعبانه

بيان:لالا عادي

شوي وتطلع الجازي مسكتها بيان ومشت معاها وراشد قدامهم ركبوا السياره وصلوا بيان بيتهم دخلت بيان ولقت مساعد وأم عبدالعزيز جالسين بالصاله...

أم عبدالعزيز:ها بيان كيفها الجازي؟؟

بيان:بخير طلعت اليوم من المستشفى

مساعد:المستشفى!! ليه إيش فيها الجازي؟؟

بيان:جاها أمس إنهيار عصبي ونقلوها المستشفى

وقف مساعد خايف وبخاطره:أكيد صار شي بينها وبين عزيز

راح مساعد يركض لغرفة عبدالعزيز...

بيان:إيش فيه مساعدوه؟؟

أم عبدالعزيز:والله مدري.. طيب لازم نروح للجازي العصر

بيان:أكيد..يمه أنا باروح أنام

مساعد يصحي عبدالعزيز...

مساعد:عزوز بسرعه قم

عبدالعزيز:أوه إيش تبي مالي خلقك

مساعد:صار شي بينك وبين الجازي أمس؟؟

عبدالعزيز:ألحين مصحيني عشان تسألني هالسؤال

مساعد:إصحى البنت جاها إنهيار عصبي ونقلوها المستشفى قولي إيش صار؟؟

عبدالعزيز قام خايف:إنهيار عصبي.. وليه ماحد قالي؟؟

مساعد:مدري بيان لسى داخله كانت معاها بالمستشفى... قول إيش صار أمس؟؟

عبدالعزيز رمى نفسه على السرير:فسخنا الخطبه

مساعد رافع حاجب وموب عارف إيش يقول...

مساعد يصارخ:إيييييييش فسختوا......

قبل لايكمل كلامه حط عبدالعزيز يده على فمه...

عبدالعزيز:قصر صوتك فضحتنا

مساعد:ليه؟؟

قال عبدالعزيز لمساعد السالفه كلها...

مساعد:إيش بتقول لأهلك ألحين؟؟

عبدالعزيز:مدري مدري

مساعد:عزوز حرام عليك إلي سويته بالبنت

عبدالعزيز يصارخ:أوه وأنا إيش دخلني..أنا إلي ماسك قلبي لايحبها حاولت بس ماقدرت

مساعد:أوكي ريلاكس لاتعصب.

إيش بصير بين عبدالعزيز والجازي.. بقولون لأهلهم ولا لأ؟؟
ومن هي البنت إلي تكلم مساعد؟؟
نايف بيبدأ مع فهد بالموقع ولا بصير شي يعطلهم؟؟

الجزء السابع
وصلوا الجازي وراشد بيتهم نزلت الجازي من السياره ومشت وهي متكيه على راشد دخلوا وكانت أم راشد وبو راشد ينتظروهم بالصاله ...
أم راشد قامت على طول تسلم على الجازي...
أم راشد:كيفك ياالغاليه؟؟
الجازي بصوت تعبان:أفضل
بوراشد:الحمدلله على سلامتك يابنتي
الجازي:الله يسلمك يبه
راشد:ها يالجازي بتركبين غرفتك ولا بتجلسين هنا؟؟
الجازي:لا لا بركب غرفتي
ركبت الجازي غرفتها مع أهلها..الجازي شالت عباتها ونامت على السرير عشان ترتاح...
بوراشد:يالله أنا رايح الشركه ماتشوفين شر يالجازي ولا تعبين نفسك
الجازي:الشر مايجيك..إنشالله
أم راشد:تبين تاكلين شي؟؟
الجازي:لا يمه مالي نفس
راشد:أوكي انا بروح الجامعه تأخرت باي
أم راشد:مع السلامه..(تطالع الجازي)يالله حبيبتي إرتاحي ألحين أنا تحت إذا تبين شي ناديني
الجزي:طيب
نزلت ام راشد ونادت على راشد قبل لا يطلع...
راشد:يس مام
أم راشد:راشد ياولدي إيش فيها إختك ليه جاها الإنهيار؟؟
راشد:والله مدري بس خلها ترتاح وإذا صحت إنشالله نعرف كل شي
أم راشد:طيب
أخذ له شاور وغير ملابسه نزل عشان يفطر بس ماكان له نفس أخذ له كوب نسكافيه وجلس قرب الشباك إلي بالصاله...
بخاطره:كيف راح أقول للأهل بالي صار..أكيد بشكون لأني مارحت لها بالمستشفى والوالده أكيد بتجبرني أروح لها العصر........ الله يستر يارب يعدي هالموضوع على خير
نزلت ولقته جالس بالصاله...
بيان:صباح الخير
عبدالعزيز:صباح النور.....ماعندك مدرسه اليوم؟؟
بيان:إلا بس مارحت لأني كنت مع الجازي بالمستشفى ...إلا ماقلت لي انت عرفت إن الجازي جاها إنهيار؟؟
عبدالعزيز:أيوى قالي مساعد قبل شوي..كيفها ألحين؟؟
بيان:نعم ليه انت ماكلمتها؟؟
عبدالعزيز إرتبك:ها..لا..خفت أزعجها أكيد نايمه
بيان:امممممممممم أفضل من البارح
وهي رايحه للمطبخ دارت تكلمه...
بيان:على فكره أنا والوالده رايحين لهم العصر.....(قطعها)
عبدالعزيز:لالالا مقدر أروح معاكم عندي شغل
بيان مستغربه:أوكي براحتك
وهو صاعد لغرفته تقابل مع أمه إلي كانت نازله...
أم عبدالعزيز:عزيز متى صحيت؟؟
عبدالعزيز:قبل شوي
أم عبدالعزيز:طيب أكيد وصلك خبر عن الجازي متى راح تروح لها؟؟
عبدالعزيز:مدري أنا مشغول اليوم يمكن بكره أروح
أم عبدالعزيز:إيش هالشي إلي بيشغلك عن خطيبتك؟؟
عبدالعزيز بخاطره:سابقاً.. وأخيراً صارت خطيبتي سابقاً...... شغل وبس عن إذنك يمه
وفي الجامعه وصل راشد وراح له عزام إلي كان ينتظره من فتره طويله...
عزام:انت وينك تأخرت؟؟
راشد:كنت أجيب الجازي من المستشفى
عزام باستغراب:الجازي...ليه إيش فيها؟؟
راشد:مدري بس أمس جاها إنهيار عصبي ونقلناها المستشفى
عزام:أهااااااااا وكيفا الحين؟؟
راشد:أفضل
عزام:الحمدلله على سلامتها
راشد:الله يسلمك
وفي ذا الوقت جى مساعد...
مساعد:مرحبا راشد
راشد:هلا هلاوالله مساعد
عزام:أووووف
راشد بخاطره:ياربي بيتهاوشون
طالع مساعد عزام بنظرات إحتقار...
عزام:كم مره قلت لك لا طالعني بنظراتك السخيفه هذي
مساعد:نعم.. شف نظراتك بعدين تعال تكلم
عزام:تدري إنك تافه وحقير
مساعد بغرور:كلن يرى الناس بعين طبعه
عزام رفع صوته شوي:إيش قصدك؟؟
راشد:بس انت ويها هذا وقته تتهاوشون
طالع مساعد عزام بنظرات إحتقار وقال لراشد:الله يعينك على مابلاك
راح مساعد وعزام كان معصب فيه حيل.. والظهر رجع نايف بيتهم...
نايف يصارخ:يمه...يمه
طلعت له الخدامه:يس نايف
نايف إخترع:اعوذ بالله انت من وين طالعه.......وينها أمي؟؟
الخدامه:مع الجازي فوق
نايف:طيب ياشين الحلايه إقلبي وجهك
راح نايف غرفة الجازي...
نايف:السلام
الجازي وأمراشد:وعليكم
نايف:الحمدلله على السلامه الجازي
الجازي:الله يسلمك
نايف:يالله خرعتونا عليها هذا هي مثل الحصان
أم راشد:الحمدلله يوم قامت بالسلامه
نايف:إرتحت ألحين يام رشود
أم راشد:أكيد إرتحت دام الغاليه بسلام
الجازي:يابعد عمري والله يايمه
نايف:يالله إقلبوها فيلم هندي

أم راشد:الله يغربل إبليسك
شوي ويدخل راشد...
راشد:مرحبا
الكل:هلا
راشد:كيفك ألحين الجازي؟؟
الجازي:بخير
أم راشد:طيب انا بروح أشوف الغدا
نايف:تفضلي خذي راحتك البيت بيتك
راشد والجازي:ههههههههههههه
راشد:الجازي ممكن سؤال؟؟
الجازي:تفضل
راشد:إيش إلي صار ليه جاك إنهيار عصبي؟؟
اول ماسمعت الجازي السؤال تذكرت عبدالعزيز وهمها إربط لسانها وماعرفت كيف بترد إرتبكت وشبكت أيدينها بعض موب عارفه إيش تقول راشد ذكي ومستحيل تمشي عليه إي حجه...
الجازي:لا ولا شي سبب تافه
نايف:سبب تافه جاب لك إنهيار إيش هالسبب؟؟
الجازي:لا بس .........حملت ماده كنت أحبها
نايف وراشد:نعم إنهيار عصبي عشان حملتي ماده
نايف:تنكتي انت
الجازي:ليــــــــــــــــــه؟؟
نايف بمسخره:ياكبرها عند الله تحملين ماده وبس يجيك إنهيار عصبي لا بصراحه أهنيك على قلبك القوي مفروض تروحين بغيبوبه ولا تموتين يبعد الشر عنك طبعاً
الجازي:تتمسخر على وجهك
راشد كان ميت من الضحك على نايف
نايف وهو طالع:ما أقول إلا الله يعينك على مابلاك
راشد سكت شوي وقف عند الطاوله إلي كانت محطوطه عليها صورة الجازي مع عبدالعزيز في الملكه...
راشد:مدري ليه إحساسي موب مصدقك يالجازي
الجازي بخاطرها:آآآآآآه ياراشد لو أقدر أقولك إلي بقلبي لو أثقدر أقولك إن حياتي إنتهت إن قلبي مات بفراق عبدالعزيز ... أقول إن عبدالعزيز صدمني اكبر صدمه بحياتي عيشني بحب خيالي
راشد:الجازي وين وصلتي؟؟
الجازي وهي حابسه دموعها:لا معاك
راشد:طيب بخليك ترتاحين باي
الجازي:باي
طلع راشد وسكر الباب وراه وإنهارت الجازي بدموع ماقدر تمسكها أكثر من كذا وهو تذكر الايام إلي طلعت فيهم مع عبدالعزيز ولما مسك يدها في البحر..طلع كل هذي حركات مصطنعه عشان لا يحسسني إنه مايبيني.. أكرهك ياعبدالعزيز أكرهك
أما عبدالعزيز فكان جالس بمكتبه في الشركه وحامل هموم الدنيا كلها...
عبدالعزيز:إلي أبيه صار وفسخنا الخطبه وانتهت علاقتي مع الجازي...هذا إلي كان مفروض يصير من زمان حرام البنت تعطي قلبها لواحد ميقدر غلاته..الجازي تملك أحلى قلب لكن للأسف موب قادر أحفظه وأغليه حرام إنها تعطيني حبها وأغلى ماعندها وأنا أبادلها بحب وهم مستحيل يصير حقيقه
دخل مشعل مكتب عبدالعزيز...
مشعل:مرحبا بومتعب
عبدالعزيز كان فكره مشغول وماأنتبه لمشعل..مشعل تقرب من عبدالعزيز...
مشعل:عزوز.......بومتعب.........ياهوووووو وينك؟؟
عبدالعزيز إنتبه:هلا هلاوالله بوبندر
مشعل:هلا فيك وينك انت ماتنشاف؟؟
عبدالعزيز:والله مشغول مع الجامعه والشركه
مشعل:مشغول بالجامعه والشركه ولا مع الحبايب؟؟
عبدالعزيز نزل راسه وهو مضايق...مشعل إنتبه لعبدالعزيز إنه مضايق...
مشعل:عزيز إيش فيك؟؟.......انت بعدك على حالك مع الجازي؟؟ ماتغيرت مشاعرك ناحيتها؟؟
عبدالعزيز بصوت مضايق:والله مدري إيش أقولك يامشعل
مشعل:خير ياعزيز إيش فيك تكلم؟؟
عبدالعزيز سكت شوي وتنهد:لا ولا شي يالغالي لاتشغل بالك.........إلا ماقلت لي كيفه بندر؟؟
مشعل عرف إن عبدالعزيز يحاول يغير الموضوع فما حب يضغط عليه...
مشعل:بخير........مجنني هو وعزاموه
عبدالعزيز:هههههههههههه الله يعينك
كان في السياره راجع لبيتهم وحاط أغنية محمد عبده"الأماكن"ومشغول تفكيره وكانه بعالم ثاني ...
عزام:ياربي من هالبنت المعذبتني صورتها موب رايحه عن بالي كل مابي أنساها يرجع لذاكرتي الموقف إلي صار بيني وبينها بالملكه ولما شفتها في بيتنا..أحسها دخلت قلبي وعذبته... يمكن تكون بنت خالتي إلي فضحتني امي بها ... لا لانو ويه أذكر إن هذيك موب حلوه هذي كلمة قمر هاينه عليها....كيف بعرفها الحين هذيك المره لما سألت حلا حسيتها شكت بشي...أوووووووووف
وصل بيتهم ودخل لقى أمه وحلا وهيا جالسين بالصاله...
عزام:الســـــــــــــــــلام عليكم
الكل:وعليكم الســــــــــــــــتلام
جلس عزام جنب أمه...
عزام:يمه عرفتي بالي صار للجازي؟؟
أم مشعل وحلا وهيا إخترعوا وطالعوا عزام بخوف...
أم مشعل:الجازي بنت عمك .......إيش فيها؟؟
عزام:مدري بس اليوم راشد بالجامعه قالي إن جاها أمس إهيار عصبي ونقلوها المستشفى
أم راشد وقفت ويدها على قلبها:إنهيار عصبي..........ليه إيش صار؟؟
عزام:آي دونت ناو
حلا:وانا أقول بيانوه ليه مجت المدرسه اليوم
هيا:طيب وكيفها الحين؟؟
عزام:يقول راشد افضل
أم مشعل:الله يستر عليك يابنتي .......خلني أدق على أم راشد وأشوف إيش فيها
راحت أم مشعل تكلم أم راشد وراحت معاها هيا...طلع بندر من المطبخ وكان فمه وملابسه ويدينه كلهم شوكلاته راح لعمه عزام إلي كان نايم على الكنبه وحط على وجهه الشوكلاته عزام حس بشي غمض عينه حيل ورفع حاجب...
عزام:إيش هذا؟؟

حلا دارت تطالع عزام وشافت وجهه كله شوكلاته...
حلا:هههههههههههههههههههههههههههههههههههه عزوز قم طالع وجهك
فتح عزام عينه ولقى بندر واقف قدامه وكله شوكلاته ويضحك رفع بسرعه...
عزام:وجع يوجعك ياغبي كـــــــــــــــــــــــذا
بندر مع حلا وعزام عصب...
بندر:هههههههههه عزاموه يدحك
عزام قام بيضرب بندر وراح بندر ورا حلا وحلا تحاوزل تمسك عزام وتبعده عشان لايضربه...
عزام:يالتعبان...عزاموه أصغر عيالك أنا
حلا وهي تضحك:عزاموه ماعليك منه جاهل
بندر يضحك جات هيا وشافتهم...
هيا:بندر إيش فيك كذا؟؟
بندر:ماما تبين شوكلاته
هيا شافت عزام ومسكت ضحكتها لأنه كان معصب شوي...
هيا:إيش سويت بعمك؟؟...ههههههههههههههههههههههههههههههههههه
عزام:تضحكين إيه إضحكي إضحكي
هيا:سوري عزام بس شكلك يضحك ههههههههههههههههه
بندر:ههههه عزام بيبي
عزام ضرب بندر:بيبي وجهك
دخل مشعل وسمع بندر وهو يبكي...
مشعل:إيش فيه شيخكم يبكي؟؟
عزام يقلد صوت مشعل:إيش فيه خروفكم يبكي
راح بندر لبوه وهو يبكي...
مشعل:ليه ملابسك كذا ليه تبكي بابا؟؟
بندر:عزام دربني
مشعل:عزاموووووووووووووووووووه كم مره قلت لك لا تضرب ولدي هههههههههههههههههههههههههههههههههههههههههها عزام تذكر أيام الطفوله ليه وجهك كذا؟؟ههههههههههههههههههههههههههه
هيا وحلا:هههههههههههههههههههه
عزام:إسأل ولدك الغبي
عزام ركب غرفته وهو راكب مر على بندر وضربه...
مشعل:هي وخر يدك
ركب عزام غرفته وراحت حلا تشوف أمها ....
هيا:زين كذا عصبت عمك.......يالله تعال غير ملابسك وخذ لك شاور
بندر:بس هو وأنا؟؟
هيا:ههههههههه تفضل
والعصر كانت أم عبدالعزيز واقفه عند الدرج تحت وتنادي بيان ...
أم عبدالعزيز:بيااااااااااان ...بيان يالله تأخرنا
بيان وهي نازله:أوكي أوكي جيت يالله
وهم طالعين كان مساعد داخل...
مساعد:يمه وين رايحين؟؟
بيان:وانت إيش دخلك؟؟
مساعد:الباب......... بعدين انت ماحد كلمك
أم عبدالعزيز:بس بتتهاوشون.........رايحين بيت عمك راشد
مساعد:أهاااااااااااااا أوكي سلموا لي على الجازي
أم عبدالعزيز:الله يسلمك.............إلا ماقلت لي وينه أخوك ؟؟
مساعد:إي أخو....................أووه عزوز مدري عنه؟؟
أم عبدالعزيز:طيب إذا شفته قوله يجي لنا بيت عمه بو راشد يشوف الجازي وبلاه يتحجج
مساعد:اوكي
طلعت أم عبدالعزيز ومسك مساعد بيان وكلمها بصوت خفيف...
مساعد بهمس:لاتفرحين راشد موب في بيتهم
بيان ضربت مساعد على صدره:بااااااااااااايخ وسخيف
مساعد:ههههههاااااااااااااووووووووو
وصلوا بيت بوراشد وفتحت لهم الخدامه الباب وكانت أم راشد نازله...
أم راشد:ياهلا هلا والله
أم عبدالعزيز:هلا يام راشد إيشلونك؟؟
أم راشد:بخير الله يسلمك....(تطالع بيان)كيفك يمه بيان؟؟
بيان:تمام الحمدلله خالتي
أم راشد:تفضلوا حياكم الله
أم عبدالعزيز وهي تجلس:وينها الجازي؟؟
أم راشد:تغير ملابسها الحين تنزل
بيان:خالتي إذا تعبانه نركب لها حنا
أم راشد:لا حبيبتي تحسنت حالتها كثير
أم عبدالعزيز:الحمدلله
بعد شوي جوا أم مشعل مع هيا وحلا.. نزلت الجازي وسلمت عليهم وجلست جنب أم عبدالعزيز

نايف وهو يركض بسرعه على الدرج...
أم راشد:ياحافظ بشويش يانايف
نايف:ســـــــــــــــــــلام طنــــــــــــطات
الكل:وعليكم السلام
أم مشعل:إيشلونك نايف؟؟
نايف:هلا خالتي تمام الحمدلله
أم عبدالعزيز:وكيفك مع المدرسه؟؟
نايف:ماشي الحال نضيع وقت
بيان:تضيع وقت قل تنهم تنقرف موب تضيع وقت
نايف:هههههههه إي والله هم وبين هالمدرسه
أم راشد:أجل أخوك راشد وينه؟؟
نايف يطالع بيان:والله مدري يمكن طلع...يالله أنا طالع باي
وهو طالع يغني عشان يقهر بيان...
نايف:ياحبايب ياحبايب ليش خلي اليوم غايب والله ماسهر معاكم لين أشوفه ياحبايب
حلا والجازي يضحكون عليه وبيان عصبت...
بيان بخاطره:طيب يانايفوه أوريك.

الجـــــــــــــــــــــــــــــــــــــــــــــــ ــز الثامن

صار إلي كان يتمناه عبدالعزيز وقطع علاقته مع الجازي بس للآن ماحد يعرف بهذا الشي إلا هو والجازي ومساعد.. من راح يتكلم قبل ويخبر الأهل بلي صار عبد العزيز ولا الجازي كيف بتعيش الجازي بعيده عن قلبها وحياتها والشخص إلي ساكن بقلبها من صغرها.. عبدالعزيز إلي عمره ماحب الجازي ولا فكر يحبها رغم إنه معترف بجمالها وأخلاقها...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
وفي الليل كان جالس عند المسبح إلي بالفيلا ودق جواله...
مساعد:أووووووف هذي إيشتبي مني؟؟...................هلا
وجد:هلا والله كيفك؟؟
مساعد:تمام وانتي؟؟
وجد:ماشي الحال.............غريبه توقعتك بدق علي
مساعد مستغرب:ادق عليك.......وله ادق؟؟
وجد:لا بس قلت يمكن تكلمني عشان تعرف كل شي عني وكيف عرفتك و....
سكتت وكمل مساعد...
مساعد:وحبيتك......... بتقولين وحبيتك صح؟؟
وجد:أمممممممممممم........مدري مساعد انت شكلك موب مصدق كلامي
مساعد:أي كلام؟؟
وجد:إني احبك وأعرف كل شي عنك
مساعد سكت شوي:........................لا مصدق من قال موب مصدق
وجد:مساعد أنا..........أنا موب بس أحبك أنا اموت فيك انت كل إلي بقلبي
مساعد يضحك بسخريه...
وجد عصبت:إيش فيك انت لهذي الدرجه مغرور أقولك أحبك وانت تضحك بمسخره
مساعد:طيب وين شفتيني عشان حبيتيني؟؟
وجد:كذا مره وكذا مكان شفتك في بيتكم وبرا بيتكم
مساعد:ماشالله ودخلت بيتنا كمان
وجد:كيف مادخلته.....أقول لك أنا أعرفك زين
مساعد:أهااااااااا...طيب ليه خايفه تقولي من انت؟؟
وجد:ومن قال إني خايفه؟؟
مساعد:قولي من انت؟؟ كيف عرفتيني؟؟
وجد:موب وقته بعدين تعرف.....إلي أبيك تعرفه إني أحبك أحبك يامساعد.......مساعد انت تحب؟؟ في بقلبك أحد؟؟
مساعد بغرور ينرفز:لأ.......بس لا تحطين أمل إني ممكن أحبك
وجد شوي وتبكي من غرور مساعد وإسلوبه في الكلام معاها فقالت تسكره افضل من مايجرحها أكثر...
وجد:اوكي باي
مساعد:باي...............تحبني وتشوفني كذا مره ........سخافة بنات
وفي جهه ثاني كان نايف جالس مع فهد في سيارته ويجهزون للموقع على النت...
نايف:أوووووووووووووووف
رجع نايف راسه على الكرسي وغمض عينه...
فهد:إيش فيك؟؟
نايف:ناثينق
فهد بخبث:بكره الموقع راح يكون جاهز وراح نفتحه
نايف دار يطالع فهد ورجع راسه وغمض...
نايف:الله يستر
فهد:نايف إيش فيك ليه خايف كذا؟؟................ماكنت أعرف إنك جبان كذا
رفع نايف راسه وهو رافع حاجب ومعصب...
نايف:ماحد جبان غيرك واحترم نفسك
فهد:اوكي أوكي ريلاكس لا تعصب
في ذا الوقت دق جوال نايف وكان ماجد المتصل

نايف:فهدوه مابي اسمع لك همس فاهم
فهد:ليه؟؟
نايف:أششششش.........هلا ماجد
ماجد يصارخ:يالتعبااااااااااااااااااااااااااااان
نايف مخترع:هاااااااااا إيش فيك؟؟
ماجد:كيف تطلع ولا تقول؟؟؟................أنا ميت من الزهق
نايف أخذ نفس وهدأ:خرعتني ياغبي
ماجد:وينك؟؟
نايف إرتبك:ها..ممع..مع عزاموه إيه عزام ولد عمي
ماجد:طيب ليه مرتبك؟؟
نايف:لا ولا شي
ماجد:أوكي مشيها لك هذي المره..لكن إن عدتها مره ثانيه لاتلوم إلانفسك
نايف:هههههههههههههههههههههه أوكي
ماجد:قود نايت
نايف:قود نايت
فهد:مابيفضحنا إلا إرتباكك
نايف يصارخ:يازفت عارف خطورة إلي قاعدين نسويه السالفه موب هينه بكره إذا انتشر الموقع على بالك اهالي البنات راح يسكتون
فهد:وكيف بننكشف وماحد عارف إن حنا أصحاب الموقع
نايف:على بالك الكل غبي مثلك مايعرفون يفكرون حبيبي الشرطه إذا يبونك يطلعونك من تحت الأرض مسوي لي نفسك شجاع وزاعم روحك
فهد:نايف تراك غلط بزياده
نايف:أقول شاااااارب وخلنا نرجع الوقت تأخر
فهد كان معصب حيل من نايف بس ماكان يبي يتهاوش معاه لأن عارف إن نايف أقوى منه بالكلام فسكت ومشى...
بعد يومين من حادث فسخة الخطبه ...الجازي كانت جالسه بغرفتها..وطق الباب....
الجازي:تفضل
راشد:مرحبا
الجازي بابتسامه ناعمه:هلا راشد
راشد:مارحتي الجامعه؟؟
الجازي:لأ تعبانه مالي خلقها...........نايفوه راح المدرسه؟؟
راشد:أكيد من قده اليوم يوم الأحلام عنده الأربعاء
الجازي وراشد:هههههههههههههههههههههههههههههههههههههههههههه هههههه
راشد:الجازي ممكن سؤال؟؟
الجازي:شور وات؟؟
راشد تنهد وكأنه متردد يسأل ولا لأ...الجازي إنتبهت له...
الجازي:راشد إيش فيك؟؟
راشد:الجازي صاير شي بينك وبين عبدالعزيز؟؟
الجازي إنصدمت من سؤال راشد وسكتت موب عارفه تتكلم الكلام كله ضاع منها مافي إي كلمه تسعفها من هالموقف...
راشد:إيش فيك يالجازي؟؟
الجازي:لا بس متفاجئه من سؤالك ليه تسأل؟؟
راشد:لا بس...............ماشفته جاك بالمستشفى ولا بالبيت
الجازي:لا هو كلمني........ايوى كلمني كذا مره بس لأنه مشغول كثير عشان كذا ماقدر يجي
راشد موب مقتنع بكلام الجازي:طيب وين دبلتك؟؟
الجازي بارتباك:ما.......مدري يمكن نسيتها بالحمام لما أخذت شاور
راشد:أوكي إذا كلمك عزوز سلمي عليه
الجازي:الله يسلمك
راشد طلع وشوي إقتنع بكلام الجازي....وعبدالعزيز جالس بالمجلس وجى له مساعد...
مساعد:هاي
عبدالعزيز:هايات
جلس مساعد شوي وكأنه يبي يقول شي بعد شوي تكلم....
مساعد:ماصار شي بينك وبين الجازي؟؟
عبدالعزيز:لأ......... من ذاك اليوم لا كلمتها ولا كلمتني
مساعد:مطوله حالتكم كذا؟؟
عبدالعزيز:إيش قصدك؟؟
مساعد:قصدي إن أهلك كل يوم عن ثاني يشكون بأمركم
عبدالعزيز:وأنا راح أقطع شكهم............وأقول لهم
مساعد منصدم:إيش انت صاحي................كيف بتقول لهم
عبدالعزيز:خلاص يامساعد أنا مليت من هالموضوع وبقول لهم وأريح نفسي
مساعد:انت عارف إيش بسوي أبوك لو قلت له
عبدالعزيز:يعني إيش بصير بهزئ وبشرشح وبعدين بيسكت
مساعد:صح بيسكت لكن بعد مارتجع للجازي
عبدالعزيز:نو ويه
مساعد:أبوك لازم كلمته تمشي على الكل ياعزيز وصدقني مستحيل يسكت لازم يرجعكم لبعض
عبدالعزيز يرفع صوته:أوووووه مساعد أنا عمري 23سنه يعني رجال ومستقبلي وحياتي راح يمشون بكلمتي موب بكلمة أبوي
مساعد بسخريه:وين هالكلام قبل ماتخطب الجازي؟؟
عبدالعزيز:قصدك لما خطب أبوي الجازي.........أنا ماكنت عارف بشي ابوي فاجئني لما قال لي إنه كلم عمي بالموضوع يعني ماكان بيدي أسوي شي
مساعد:عزوز لا تستعجل فكر شوي
عبدالعزيز طالع مساعد وتنهد..وفي المدرسه كانت بيان جالسه مع أشواق...بيان:أشواقوووه
أشواق فكرها مشغول فماردت على بيان أصلاً مانتبهت إن بيان تكلمها...
بيان تضرب أشواق:أشواقوه وجع إنشالله
أشواق:أممممممممم إيش تبين؟؟
بيان:صار لي ساعه أكلم الجدار ليه متردين؟؟
أشواق:إيش كنت تقولين؟؟
بيان:لا والله....أقول من إلي شاغل عقلك؟؟
أشواق بخاطرها:آآآآآآآآآآآآآه ولد عمك يابيان ولد عمك إلي معذبني.............لا ولا شي
أشواق تقوم وهي ماسكه يد بيان تقومها...
أشواق:يالله ملينا وحنا جالسين خلنا نتمشى شوي
بيان تقوم:أوكـــــــــــــــــــي
كانوا ساكتين ويتمشون بالمدرسه...
أشواق:بيان بسألك عن شي بس بليز لاتفهميني غلط أوكي
بيان:أوكي
أشواق:وعــــــــــــــد؟؟
بيان:أي براميس يو
أشواق:إيش رايك بالحب؟؟
بيان:والله قايله إن فيك شي
أشواق:لالا لا يروح فكرك لبعيد هذا مجرد سؤال
بيان:أهاااااااااااا........آآآآآآآآآآه ه ه من الحب ومن عذابه
أشواق تبتسم:كيف شعورك أول ماحبيتي راشد؟؟
بيان:راشد...........أووووووووه سهرني الليل هالولد عذبني ماضاقت عيوني النوم من حبيته دايم أفكر فيه مايروح عن بالي وكل مره أشوفه أحس إن قلبي يبي يطير له ويقول له احبــــك
أشواق:الله الله ياعيني......(بخاطرها)يالله نفس الحاله إلي أنا فيها عزام موب مفارق بالي وموب قادره أنام من التفكير فيه معقوله حبيته هذا هو الحب إلي تكلم عنه بيان يمكن ليه لأ
بيان:يالله بدت الحصه بسرعه لانتأخر
أشواق:يالله
وفي الظهر نايف كان طالع من المدرسه مع ماجد وجايين بيركبون السياره إلا وصوت ينادي نايف...
فهد:ناااااااااااايف
نايف:هلا فهد
ماجد:أووف هذا وقته......بنتظرك بالسياره
نايف:أوكي
فهد:الليل لازم اشوفك
نايف:ليه؟؟
فهد:عشان نفتح الموقع
نايف بسخريه:بجد والله
فهد:أجل ألعب معاك
نايف:أوكي نو برابلم
راح نايف لسياره ركب وكان ماجد معصب حيل...
ماجد يصارخ:كان لاجيت
نايف بسخريه:ليه أنا تأخرت؟؟
ماجد:انت إيش فيه بينك وبين فهدوه.......بعده يسألك عن الإختبار؟؟
نايف:ههههههههههههههه تتمسخر...لامابينا شي
ماجد:إيه واضح
نايف شغل المسجل على أغنية(آشـر-Yeah)ورفع الصوت...
نايف:تونس ياولد اليوم الأربعاء (يصارخ)وناااااااااااااااااااااااااااااااااااااااسه
ماجد:هههههههههههههه الله يثبت عقلك